قصة و عبرة

حماتي انا بكرهها بمعنى الكلمة

مشكلة
حماتى هاتعمل بكرة الصبح دعامة فالقلب
وانا بكرهها بمعنى الكلمة انا متجوزة بقالى ١٠سنين جالى مشاكل صحية كتير
وبقيت مريضة بسبب نفسيتى اللى كانت بتنهار يوميا كل ساعة هى تعبت
كتير وكنت انا اللى بأشيلها وكانت بتعاملنى اوسخ معاملة كنت بغيرلها البامبرز
علشان عاملة منظار معدة وهى اللى كانت بتضايقنى بيه علشان عارفة انى
بقرف رغم ان أخواتها زعقولها . كتير شوفت منها تسخين جوزى عليا واتكلمت
فى شرفى وعرضى مع ولادى اللى سنهم ١٠ و ٧ سنين انى بخون جوزى وانى
شغالة رقاصة على الرغم انى محفظة قران ومدرسة ومختمرة . بقالها ١٠ سنين
بتتكلم عليا خلت اللى تعرفهم يكرهونى . رغم انى فحالى ومافيش مرة جوزى
يواجهها ليه بتقولى كده تتكلم مع ولادى عن تفاصيل ليلة الدخلة وتفاصيل الزواج
وهم فالسن ده . انا حقيقي مش زعلانة عليها خالص بس بدعيلها واكسر شوكة
قلبى على النفس الامارة بالسوء تهدى . وعندها ٣ رجالة اخوات جوزى عايشين
معاها . وانا مش عايزة اروح اقعد بيها . ونفسى حتى ماروحش ازورها بس زى
ماقولت لازم اكسر النفس الامارة بالسوء وازور مريض . انا بس بفضفض معاكوا
لانى ضربات قلبى سرعت جامد وحاسة انى تعبت
مع العلم انى تعبانة اصلا واختى وامى بيجوا عندى كل فترة يساعدونى فشغل
البيت ويعملوا اكله حلوة لعيالى فأنا محتاجة اللى يشيلنى والله مش قادرة اشيل حد.
بس لو هى بترضى ربنا فيا كنت زحفت وجريت عليها فالمستشفى قعدت تحت رجليها
قولولى اتصرف ازاى لما اروح
مع العلم انا بضحك فى وشها وبهزر لكن جوايا بيبقى نار ومن كتر ضغطى
اعصابى بنام فالسرير فترة بعدها
زر الذهاب إلى الأعلى