مسلسل قاسي ولكن أحبني ج2 الحلقة 12و13

الحلقه(12)


متسطحه علي الفراش
دموعها تتساقط بهدوء
عيناه محدقه في سقف غرفتها
كانت تتذكر زيارة لبيب لها
Flash back
شهد بخوف وهي تسند علي عكازها وترجع الي الوراء :
انتا ايه الي جابك هنا
لبيب ببتسامه اظهرت اسنانه الصفراء:
جيت اطمن عليكي ياشهوده
مش انا جوز عمتو ولا ايه
شهد بتحذير وهي مازالت تبتعد وهو يقترب اكثر:
ابعد احسنلك واخرج من هنا احسن ما اموتك واقسم بالله مش هتردد ثانيه
ضحك لبيب بقوه وهو يشير علي ساقها المكسوره:
ضحكتني ياشهد والله
البنت الهبله الطيبه بقت قطه بتخربش
شهد بسخريه بعد ان صدمت في خلفها:
البركه فيك ياعمي
انهت شهد جملتها وهي ترمقه بكره
اقترب لبيب منها ولامس وجنتها
وانفاسه الكريهه تلفح وجهها
لبيب وهو ينظر لعيناها ويعض شفته السفليه:
لسه بردو عنيده ومش عايزالي الراحه
شعرت شهد بتقزز من قربه
ثم رفعت عكازها وضربته بقوه
في بطنه لتسمع صوت تألمه
اسرعت شهد بخطواتها لتدلف غرفه الجلوس وتغلق عليها الباب
شهد بدموع:
يارب انتا معايا يارب
لبيب وهو يطرق على الباب بقوه:
افتحي ياشهد افتحي بقولك
شهد بصوت محتد:
قسما بالله لو ما مشيت هبلغ البوليس
يجي ياخدك يرميك في السجن
زمجر لبيب بغضب:
همشي ياشهد بس هجيلك تاني
مش هسيبك ياشهد انتي بتاعتي انا وبس
ثم خرج من المنزل واغلق الباب بعنف
لتسقط شهد علي الارض وهي تبكي
شهد ببكاء:
اروح فين تاني اعمل ايه تاني
لبست زي الرجاله وبردو محدش سايني
سبت القاهره كلها وبردو جه ورايا
اعمل ايه تاني
لتبكي وتبكي اكثر
لتتحسر علي طفولتها من دون اب ولا ام
وتتحسر علي شبابها الضائع وعذريتها المنتهكه
بعد وقت طويل من البكاء
نامت علي الارض بتعب
ومازال الخوف ونيسها
Flash back
مسحت تلك الدمع التي بللت اهدابها ووجنتيها بهدوء
قطع شرودها رنين هاتف المنزل
قامت بكسل وهي تستند علي عكازها
شهد بهدوء:
الوو
عمار بجديه :
شهد معايا
شهد بأيجاب:
ايوا انا مين
عمار ببتسامه:
انا عمار
تنهدت شهد بضيق:
في حاجه يااستاذ عمار
عمار واختفت ابتسامته:
اه نسيتي موبيلك انهارده الصبح
لما كنتي علي البحر
تفحصت شهد جيوب بنطالها
لتيقن انها اضاعته
طيب هاخده منك بكره في الشركه
عمار بأيجاب:
طيب تمام بكره ها
اغلقت شهد الهاتف بدون ان تسمع باقي حديثه فهي راغبه بالنوم فقط
نظر عمار الي هاتف بصدمه :
البت دي قفلت في وشي
ااه ياربي دي ادم الصياد2
لا مش هستحمل مرخمش عليها
استني عليا يااستاذه غامضه
***************************
كانت سماح تسير مع مصطفي
علي كورنيش الاسكندريه
وهم ممسكين بيد بعضهم
مصطفي ببتسامه:
مبسوطه معايا ياسماح
سماح بخجل:
اه مبسوطه جدا
مصطفي ببتسامه واسعه:
ايه رئيك نروح السينما نتفرج علي فيلم رومانسي كد.. انهي جملته وهو يغمز لها
سماح بنفي وهي تسحب يدها من يده:
لا يامصطفي مينفعش احنا يدوبك لسه مخطوبين وانا قولت ل بابا هتمشي معاك بس
عقد مصطفي حاجبيه مدللا علي الضيق
وصمت بضع دقائق ثم تكلم بحزم:
يالا عشان اروحك
سماح بتوسل:
متزعلش مني يامصطفي
مصطفي بضيق:
يالا ياسماح نمشي
وبعدين ازعل من ايه ازعل ان خطيبتي حاطه بينا حدود ومش عيزانا نتقرب من بعض
سماح بنفي:
والله العظيم ابدا انا بس بقول اننا لسه مخطوبين ودا مينفعش
توقف مصطفي عن السير واستدر لها وامسك كافيها وعيناه مثبته علي عيناها:
ياحببتي انا نفسي نقرب من بعض
عشان اقدر اوصفلك انا بحبك قد ايه
سماح بخجل ممزوج بفرحه:
ماشي يالا نروح السينما بس نرجع قبل الساعه 9عشان بابا ميزعلش
ابتسم مصطفي بنتصار ثم امسك بكفها:
يالا ياحببتي
ابتسمت سماح بسرور وسارت معه
حتي وصلو الي سينما
حجز مصطفي في فيلم رومانسي
ثم دلفو الي صالة العرض
عندما بدأ الفيلم انطفأ نور الصاله
امسك مصطفي يد سماح معللا انا خطيبته ويجوز ان يمسك يدها بدون حرج او خجل
كانت سماح تشاهد الفيلم بندماج
ولكنها لاحظت اكثر من مشهد مخل
سماح بخفوت:
مصطفي تعالا نمشي الفيلم وحش
مصطفي بخبث وهو يضع يده علي فخذيها:
وحش ازاي ياروح مصطفي
خجلت سماح بشده وابعدت يده عنها:
مصطفي الفيلم فيه اااا
مصطفي بسخريه:
امممم فهمتك يالا نمشي
قامت سماح وخرجت من صالة العرض وهي خجله حنقه من تصرف مصطفي
خرج مصطفي من الصاله هو الاخر
حاول امساك يدها ولكنها تحججت
انها تهندم حجابها
اشتعل مصطفي غيظا من تصرفاتها المنغلقه تذكر انها ستتجاوب معه في كل مايفعله
وصل مصطفي وسماح الي المبني الذي يمكثو فيه
وقف مصطفي امامها بوجه يكسوه الضيق:
يالا اطلعي شقتكو
سماح بتساؤل:
مش هتطلع تسلم علي وبابا وماما
مصطفي بلا مبالاه:
هسلم عليهم بعدين
سماح ببتسامه:
لا تعالا دلوقتي عشان تتعشي معانا
مصطفي بضجر:
قولتلك بعدين ياسماح سلام
غادر مصطفي البنايه
بينما سماح تقف بحزن
تفكر في مواقفه معها
لا اراديا قارنت بين حسين ومصطفي
ليفوز حسين بجداره
حسين يخاف عليها من لمسة يده
مصطفي لا
حسين كان يعاملها بحب واحترام
مصطفي لا
افاقت سماح من متمتمه في نفسها وكأنها تقنع عقلها:
مصطفي بيحبني هو بيعمل كدا عشان بيحاول يوريني مشاعره وحبه
ابتسمت سماح وصعدت الي منزلها
وجهها مبتسم وقلبها متحير عقلها يفكر
*****************************
استيقظت هند قرب اذان المغرب
هند وهي تفتح عيناها ببطئ
شعرت بشئ صلب دافئ تحت رأسها
رفعت رأسها لتنظر لأياد النائم
وهي نائمه علي صدره
ظلت تحدق به
رموشه الكثيفه
شعره المبعثر علي جبينه
جفونه التي تغطي خرزتيه الزرقاء
تحسست وجهه بأنملها بحب
وابتسامه بلهاء ترتسم علي شفتيه
اعتدلت في جلستها متمتمه في نفسها:
لا انا دلوقتي عايزه اشوف عيونه الزرقا
وهو نايم
اقتربت هند اكثر واتكأت علي صدره
وهي تفتح عينيه بيدها لتري زرقواته
فتح اياد عينه بكسل
ليجد صاحبة العينين البنيه تحدق به بقوه
اياد بدهشه:
ايه في اي
هند وهي تقترب اكثر حتي لفحت انفاسها وجهه والتصقت انفوهم ببعض
اياد بتعجب من اقترابها الشديد قائلا:
انتي انحرفتي ياحببتي ولا ايه
وكزته هند بقوه ليتأوه
هند بنتباه وهي مازالت مقتربه وتحدق بعيناه بقوه:
هو انا قليلة الادب زيك
انا بشوف لون عينك الي اتغير
اياد وعينيه مركزه علي شفتيها:
لونها ايه بقا
هند بتركيز اكبر:
لونها ازرق غامق اوي
اول مره اشوف الل
قاطع اياد عبراتها وهو يقبلها برقه
وهو يحاوط خصرها
ابتعدت هند عنه بعد عدة لحظات والخجل يكسو ملامحها :
قليل الادب
قهقه اياد بقوه قائلا:
اممم لا والله دي كدا قلة ادب
هند وهي تقوم عن الفراش:
هو العصر اذن ولا لسه
اياد وهو يلتقط ساعة يده من علي الكومدينو:
الساعه سابعه ياحببتي يعني المغرب اذن
شهقت هند بفزع:
يانهار ابيض انا اول مره انام كل دا
نظر لها اياد وعلى شفتيه ابتسامه خبيثه:
يمكن عشان نمنا العصر مثلا
امسكت هند الوساده والقتها عليه
ليصدح صوته بالضحك
هند بخجل ممزوج بحده:
انتا سافل يا اياد
اياد بضحك:
طب شوفي نفسك لابسه ايه
وتعرفي اني مؤدب وانتي الي
بتغرغري بيا
نظرت هند الي نفسها
لتشهق فزعه وتسرع الي الحمام
وسط ضحكات اياد المتواصله
وقفت هند امام مرأة المرحاض وهي تطلع لذاك القميص الذي يصل الي اول فخذيها ليبرز ساقها بأكملها
غير انه يبرز زراعيها وجزء من صدرها
هند وهي تجمع شتات ذهنها:
انا لبست دول امتا انا فاكره ان كنت لابسه ترنج انا مش فاكره
ياختاااااااااي
هتفت بها هند وهي تتذكر عندما اصبحت زوجه اياد شرعا انه من ساعدها في نومها علي ارتدائه
هند بخجل:
يانهار اسود اوريلو وشي ازاي
مصيبه ليمسكهالي
حاولت هند نسيان الامر وهي تنعم بحمام دافئ برائحة الخوخ المنعشه
لترتدي بورنص الحمام وشعرها الاسود المموج منسدل علي ظهرها
اخرجت رأسها من الحمام لتري ان كان بالغرفه ام خرج منها
تسللت علي اطراف اصابعها
لتغلق الباب ولكنها شعرت بيد
تحاوط خصرها وترفعها في الهواء
اياد وهو يحملها بين يديه:
ماشيه علي تراطيف صوابعك ليه ياهانم
خبأت هند وجهها في صدره العريض قائله بخجل:
عشان متشوفنيش
اياد بضحك:
ومش عيزاني اشوفك ليه
هند وقد التمعت دموع في عيناها :
كدا عشان مكسوفه منك
انزلها اياد لتقف امامه مباشره ولكن عيناها مثبته علي الارض
امسك اياد ذقنها ورفع وجهها له:
طيب مدمعه ليه ياحببتي
انا زعلتك من غير مااقصد
هزت هند رأسها بنفي
طب اهلك وحشوكي عشان كدا بتعيطي
هزت رأسها نافيه ودمعه هربت من عيناها البنيه
اياد بحيره:
طب في ايه بس
هند بصوت مهزوز:
عشان لبستني البتاعه دا وانا نايمه
نظر لها اياد بدهشه
وفاه مفتوح
اياد بدهشه:
ودا يخليكي مكسوفه لدرجادي
هند بأيجاب:
اه
اياد بتلقائيه:
ياحببتي انتي وربنا مراتي
اقسم بالله مراتي
عليا النعمه مراتي
هند بخجل:
بردو يعني مينفعش وكدا
اياد ببتسامه وهو يغمز:
يعني زعلانه عشان لبستك ومش زعلانه عشان ااااااا
هند وهي تغطي وجهها بيدها:
اياد اسكت
ضحك اياد بقوه واحتضنها وهو يتمتم:
حببتي لسه بريئه زي ماسبتها من سبع سنين الحمدلله
هند وهي تبتعد عنه:
اطلع برا عشان اغير بقا
اياد ببتسامه خبيثه:
ميلزمش خدمه كدا ولا كدا
هند بوجه احمر:
اطلع برا يااياد
اياد بضحك وهو يخرج من الغرفه:
عشت وشوفتك يابرعي وانتا بتكسف
لتتذمر هند وهي تسب فيه
ثم تتجه الي خزانتها لتخرج
فستان بأكام ويصل الي كاحلها
من اللون الاسود وبه ورود صغيره من جميع الالوان
وتصفف شعرها لينسدل بطوله علي ظهرها
وتضع لمسات مكياج خفيفه
لتبدو فاتنه جدا
هند وهي تخرج من الغرفه:
ايدو هو اهلي وعمو سالم مجوش ليه
اياد وهو ينظر لها بنبهار:
يخربيتك ايه القمر دا
هند بغرور:
طول عمري ياايدو
اياد بضحك:
ياواد ياواثق اموت انا
هند برفعة حاجب:
بقيت بيئه يابيبي
اياد بسخريه:
بيبي وبيئه الله برعي
ضحكت هند بقوه
لتسرح
عينيه الزرقاء بتلك الفاتنه
التي تقف امامه
************************
شعرت تقي بحركه في الغرفه
فتحت عيناها بثقل
لتجد ادم يرتدي بدله سوداء وقميص ابيض ناصع يبرز عضلاته الضخمه
كان يقف امام المرأه يهندم شعره ببراعه
لتتمرد خصله عليه وتنزل علي جبينه
تقي بنعاس:
انتا جيت امتا
ادم بجمود:
جيت من بدري اكلتي
تقي بنفي:
لا مليش نفس
ادم بملامح خاليه من التعبير:
قومي كلي وخدي دواكي
والبسي عشان عندي عشا عمل
تقي بتساؤل:
وانا هاجي اعمل ايه معاك
ادم بلا مبالاه:
براحتك عايزه تيجي تعالي
مش عايزه خليكي قاعده مكانك
كادت تقي ان تتكلم ولكن قاطعها
رنين هاتفه المتواصل
امسك ادم هاتفه ليتكلم مع الطرف الاخر باللغه الفرنسيه
ادم بجمود:
ما الامر جيسكا
جيسكا سأوافيك بعد ساعتان
لا لن اتأخر شكرا لك
زوجتي متعبه لن تأتي
لطالما كنتي الاجمل عزيزتي
حسنا اراك في العشاء
كانت تقي تستمع لحديثم
شعور جديد بداخلها
غضب غيظ خوف غيره
شعرت بغيره تنهش قلبها من المدعوه جيسكا من هي لتصبح الاجمل في اعين
حبيبها
تقي بحده:
استنا انا جايه معاك
ادم وهو عاقد حاجبيه:
مش كنتي مش عايزه تيجي
تقي بغيظ مكتوم:
ودلوقتي جايه عندك مانع
ولا وجودي هيسبب ازعاج لضيوفك
استشف ادم غيرتها ابتسم ساخرا:
اممممم لا مفيش مانع
قدامك ساعه تجهزي فيها يامدام الصياد
ثم خرج بهدوء لينتظرها في الخارج
في لمح البصر
اتجهت تقي الي خزانتها لتخرج فستان من اللون الازرق الفاتح يصل الي كاحليها
واسع عليها لتداري تفاصيل جسدها وبطنها الصغير بدأ في الظهور
وارتدت حجاب من اللون الابيض
ليبرز وجهها الابيض المورد
وحذاء ابيض يجعل طولها مناسب
وضعت كحل اسود ليبرز بندقتيها
خرجت تقي من الغرفه
لتجده ينظر من الشرفه وهو يدخن بشراهه مازال غاضب منها
ادم
اغمض عينيه وهو يسمعها تناديه من بين شفتيها الورديه
كم اعشق اسمي عندما تناديني به تلك الحوريه الساحره
التفت لها ادم ليجدها في ابهي صورها
كانت فاتنه رغم احتشامها
تمتم ادم في نفسه:
اعمل فيكي ايه عشان محدش يشوفك جميله غيري
تقي بقلق:
ادم مالك مغمض عينك ليه
فتح ادم عينيه لترجع ملامحه الخاليه من التعبير ويرسم الامبالاه في عينه:
مفيش يالا عشان نمشي
تقي وهي تمسك يده:
يالا بينا
نظر ادم الي يدها وارتسمت ابتسامه ساخره علي وجهه قائلا:
خلي بالك لا ريحتي تقلب بطنك بس
تقي بتبرير:
ادم والله انا
قاطعها ادم:
مش عايز كلام يالا نمشي
صمتت تقي بضيق
فهو كالطفل يصعب ارضائه
لا يستمع لها مطلقا
عنيد متعجرف مغرور
مع جيسكا دي ضحكته من الودن للودن وعندي انا مركب الوش الخشب
ظنت تقي انها تفكر بصوت منخفض
ولكن ادم سمع كلماتها ليبتسم ابتسامه صغيره علي شفتيه
بعد وقت قصير وصلو الي الفندق
الذي به عشاء العمل
وجد ادم مجموعه من رجال الاعمال يتحدثون بهدوء ويتحدثون الفرنسيه
تمسكت تقي بأدم اكثر
همس ادم لها:
اطمني انا معاكي
كلمات صغيره جعلت قلبها الصغير
يهدئ ويكون طبيعي
فاحبيبها يطمأنها انه بجانبها
وصل ادم الي الطاوله
لتقوم فتاه شقراء
ذات جسد ممشوق
وشعر اصفر يصل الي كتفيها
وعينين خضراء كالعشب
ونمش خفيف يحتل وجهها الابيض الناصع
ترتدي تنوره سوداء قصيره وبلوزه حمراء لها فتحة صدر كبيره
ارتمت تلك الفتاه في احضان ادم
وهي تضحك بسعاده بالغه
جيسكا:
اووه ادم لقد اشتقت اليك بشده
بادلها ادم العناق قائلا:
انا ايضا جيسكا اشتقت لك كثيرا
نظرت جيسكا الي تقي ببتسامه:
زوجتك هي
ادم بأيجاب وهو يحاصر خصر تقي:
انها كذالك زوجتي وحبيبتي
كانت تقي تستمع الي حديثم
لا تعلم اهي غاضبه بسبب للعناق ذاك
ام سعيده انه يعلن انها حبيبته
ظن ادم ان تقي لا تفهم الفرنسيه
فهو لا يعلم انها مكتسبه بعض اللغات
جيسكا:
هل هي تفهم الفرنسيه
ادم بنفي:
لا
نظرت له تقي بدهشه
ولكن تلك النقطه لصالحها
جيسكا وهي تصافح تقي:
اهلا
حركت تقي رأسها
كانت عيون رماديه تتابع الموقف
ومركزه علي ادم

Vertical ad

اقترب ادم من الطاوله وصافح الرجال
جاء رجل ليصافح تقي
ليلتقط ادم يده قائلا:
عفوا هي لا تصافح
الرجل ببتسامه:
شرقيه حسناء
نظر له ادم بغضب
ولكنه اخفاه في ابتسامه مزيفه
مدت صاحبة العيون الرماديه يدها لتصافح ادم:
انا روما مساعدة مدير الشركه وشقيقته
صافحها ادم
ولكنها تجاهلت تقي
جلست تقي بجانب ادم
ولم تنطق بكلمه
جيسكا:
عزيزي يسعدني اننا التقينا من جديد
ادم ببتسامه:
انا كذالك جيس
ألبرت احد رجال الاعمال:
لنتطلب العشاء اذا
ادم بأيجاب:
حسنا
همس ادم لتقي:
تاكلي ايه
تقي بتلقائيه:
هاكل زيك
ابتسم ادم لها
واخبر النادل طلبهم
بينما روما تنظر لأدم
تتأمل ملامحه الشرقيه
هي شرقيه الاصل ولكن والدتها فرنسيه
ادم بتساؤل لروما:
اين سيد معتز الن يحضر العشاء
روما ببتسامه وهي ترجع خصلاتها الحمراء وراء اذنيها وتحدث بالعربيه:
راح التواليت وجاي
نظرت لها تقي
بدهشه لانها تتحدث اللغه العربيه مثلهم
ادم بهدوء:
اوك
جيسكا بنبهار:
روما تتحدثين العربيه
روما بالفرنسيه:
عزيزتي جيس انا عربيه الأصل
من مصر تحديدا ولكني اعيش في فرنسا
واتحدث العربيه بطلاقه
احد رجال الاعمال:
لطالما كانت العربيه احسن اللغات
وافصحهم انا فرنسي ولكن احب العربيه اكثر
جيسكا بضحك:
ليتني اتعلم
روما وهي تنظر لتقي:
بتتكلمي لغات ولا مش بتعرفي
نظرت لها تقي بثقه وتحدثت بالفرنسيه:
اتحدث الفرنسيه والانجليزيه والالمانيه
ولكني افتخر بالغتي العربيه
نظر لها ادم بدهشه وهمس:
بتعرفي تتكلمي فرنسي
نظرت تقي له ساخره:
امال كنت هكون سكرتيرتك في يوم من الايام ازاي ياادم
جيسكا بمرح:
يارجل وتقول انها لا تتحدث الفرنسيه
انها تتحدث مثلي تماما
ألبرت ببتسامه:
احب تلك الشرقيات المثقفات
اشتعل ادم بغضب
واجابه بجمود:
هل نبدأ بالعمل ام سيد معتز سيتأخر
معتز ببتسامه:
انا هنا ياادم بيه
التفت له ادم ليقف يسلم عليه بجديه
تمتم معتز في نفسه:
مفيهوش من سميه
ااااه عزيزتي لا يشبهك سوا العشق فقط
**********************

الحلقه(13) فرنسيه حسناء
اغار عليك من الاخريات
اغار عليك حبيبي من اي حواء
لو استطيع محو تلك البسمه التي
تجعل النساء يذوبون عشقاً بك
لو استطيع محو اي انثي تقترب منك
لو استطيع ان اصبح فتاتك الأولى والاخيره لو استطيع ان ابعدك عن كل تاء التأنيث واخفيها عنك
فلا تلوم عاشقه علي غيرتها العمياء
ظل ادم يتحدث في شؤن العمل مع معتز ورجال الاعمال وسط نظرات روما التي تخترق ادم وغضب تقي المكتوم
جيسكا بالفرنسيه:
ادم هل ستأتي الي حفل الشركه غدا
امسك ادم يد تقي قائلا:
لا جيسكا افضل امضاء الوقت مع حوريتي
ابتسمت تقي بخجل
بينما تمتمت روما وهي تنظر لأدم:
مستر ادم مراتك تقدر تيجي معاك عادي
الحفله هتبقي جميله
ادم بنفي وهو بنظر لتقي :
مراتي مبتحبش الحفلات
وغير كدا مش عايز اتعبها
جيسكا بضحك:
اووه تعشقها بجنون ياصديقي
ظننت انك ستبقي الباقي من حياتك اعزب
ادم ببتسامه :
جيسكا كيف يجد الشخص الجنه ولا يتشبث بها انا لا أعشقها انا تجاوزت تلك المرحله
كانت روما تنظر لتقي بحتقار شديد
وتنقل نظرها لأدم كانت تنظر له برغبه
معتز ببتسامه:
انتو ثنائي مميز جدا ياادم بيه
ادم بجديه:
شكرا جدا
كان ادم يلاحظ نظرات روما له
ولكنه لم يهتم بذالك الامر
ولكن تقي كانت تستشيط غضبا من نظراتها التي تتفحص ادم بعنايه
ألبرت ببتسامه لعوب:
اوووه سيد ادم انت محظوظ جدا
زاد ضيق تقي اكثر
من مغازله ألبرت ونظرات روما
استشاط ادم غضبا هب واقفا هو وتقي قائلا بالفرنسيه:
حسنا انتهي عملنا عند تلك النقطه
اراكم غدا عند توقيع العقد
روما بنظرات رغبه:
السهره لسه في أولها ياادم بيه
ماشين بدري ليه
تقي بغضب مكتوم:
يالا ياادم انا تعبت وعايزه امشي
ادم بجديه:
اتشرفت بمعرفتك انسه روما
بس لازم نمشي دلوقتي
قامت جيسكا وعانقته قائله:
اراك غدا صديقي اعتني بنفسك
وخرج من الفندق وهو هادئ نسبيا
بينما تقي تفكر في روما وجيسكا
والنار تأكل فؤادها
دلفت تقي الي غرفتها وهي تكاد تموت قهراً وغيظا
تقي وهي تتمتم بصوت منخفض وهي تخلع حجابها بعصبيه:
واحده تحضنو والتانيه تعاكس فيه
وتبصلو كأنها هتاكله بعنيها
استغفر الله العظيم يارب
لا وايه الاستاذ آدم عامل نفسه مش واخد باله لا وبيحضن التانيه قدامي
كأني هوا قدامه
-اممم مدام تقي بتغير
التفتت تقي لأدم وعينيها تشع غضب:
اغير ليه ان شاء الله فيك ايه يتغار عليه
لا مش غيرانه
ضحك ادم بشده مما جعله اكثر وسامه
عينيه مغلقتين وفمه يضحك لتبرز اسنانه البيضاء
شردت تقي في ضحكاته
لم تري تلك البسمه النابعه من قلبه من قبل
توقف ادم عن الضحك حتي ادمعت عينيه ولاحظ تأملها في وجهه
ابتسم ادم ابتسامه واثقه وادخل يده في جيوب بنطاله
ادم ببتسامه:
امممم يعني انا مفيش فيا حاجه تغيري عليا منها يامدام الصياد طب سرحانه فيا ليه بقا
تقي بنتباه:
ها لا انا بس افتكرت حاجه
ثم تابعت بضيق:
وانتا ازاي تحضن واحده
متعرفش ان حرام تعمل كدا
وبتحضنها قدامي ولا كأن مراتك جمبك
تمعن ادم في عينيها قائلا:
المطلوب مني ابررلك بقا ولا ايه
تقي بغضب وصوت مرتفع:
ايوا مفروض تبررلي انا مراتك
واصلا انتا مكنتش عاملي حساب
دي تبصلك اوي ودي تحضنك
والزفته الي جمبك عادي خالص
ملهاش اي لازمه لا وتلمحلك انك عاجبها
ادم بغضب حاول كتمانه وادعي البرود:
وطي صوتك ياتقي احسنلك
مش انا الي ترفعي صوتك عليه
تقي بعصبيه:
ايه برودك دا ما ترد عليا
كل هامك الصوت وبس
مسح ادم وجهه بيده تعليلا علي غضبه :
تقي بلاش تنرفزيني عشان متزعليش مني وتقولي عليا في الاخر اني قاسي ومبحبكيش والكلام دا كله
استدار ادم للخروج من الغرفه
ولكن امسكت تقي يده قائله:
لا ترد عليا الاول مين دي الي حضنتها
التفت لها ادم بغضب جامح وامسك جزعها بقوه المتها:
متنسيش نفسك ياتقي
مش ادم الي يتحقق معاه ولو كنت عايز اكلمها واتساير معاها كنت عملت كدا يامدام
تقي بتحد وشراسه:
انسي ياادم شكلك نسيت انا مين انا تقي ياادم الي وقفت في وشك قبل جوازها
منك ومش هسمحلك تستخدم حبي ليك
ضدي ولو المسهوكه دي عجباك اوي كدا طلقني وروحلها
امسكها ادم من جذعها بقوه لتطلق تأوهات اثر قبضته القويه
ادم بغضب مفتعل :
اسمعك بتقولي طلاق تاني ياتقي
قسما بالله لو طولت اكتفك واحبسك في الاوضه هعملها
وانا بحذرك اهو كلمة طلاق دي لو سمعتها هتلاقي ردت فعل متعجبكيش
ثم هزها بعنف قائلا:
متخلقتش الي تتحدي ادم الصياد
حتي لو كنت بعشقك ياتقي فاهمه وصوتك دا لو علي هتشوفي الوش التاني
انا لحد دلوقتي كويس معاكي مشفتيش غضبي وحش ازاي
ثم تابع بغضب دفين:
ولو كانت عجباني كنت هروح اقضي ليله معاها واسيبك نايمه علي ودانك هنا
انما مش انا الي اخون
ثم انقد عليها كالاسد الجائع ممسكا خصرها بقوه لا يعرف مداها
والتهم ثغرها في قبله قويه ليهدأ من قلبه الغاضب ليثبت لها انها له وقت ماشاء
تأوهت تقي من قبضته القويه علي خصرها
تحررت منه بقوه معلنه بدأ تمردها
والتمعت عيناها بنظره شرسه
معلنه خروج القطه من داخلها
لتتمرد حوريته الحبيبه علي قسوته اللعينه
ليري ادم نظره جديده تلتمع في عيناها
مليئه بالتحدي وغرور انثي سيشعل النار بينهم ليبدأ صراع الحب والقسوه
************************
صباح يوم جديد في منزل اياد
كانت هند تقف في المطبخ
تعد طعام الفطور
هند وهي تعد سلطة الفاكهه:
يادي النيله مش عارفه اقطع الخضره كمان ياشماتة تقي فيا قالتلي اتعلمي الطبخ وانا الي اتريقت
كان معاها حق والله اديني مش عارفه اقطع شوية شوية فاكهه
-يخربيت الجنان علي الصبح ايه دخل الفاكهه في الطبيخ
كان صوت اياد من خلفها
هند ببتسامه واسعه:
صباح الخير ياأيدو
عانقها اياد من الخلف ودفن رأسه في عنقها قائلا:
صباح الفل ياروح ايدو
هند بعبوس وهي تحاول التقطيع:
ابعد يااياد عشان متلغبطنيش
انا بحاول اقطع التفاح بشكل كويس
اياد بضحك:
انتي فاكره ان دا تقطيع فاكهه ياختي
اموت واعرف ازاي خالتي ايمان احسن واحده تطبخ وبنتها لا
هند بضيق وهي تبتعد عنه:
لا محدش ضحك عليك
انتا من زمان عارف مبحبش الطبخ
بحب اكل بس
قربها اياد منه مره اخري ووضع يده فوق يدها وامسك السكين وبدأ بتقطيع الفاكهه بيدهما
اياد ببتسامه:
اهو هنقطع سوا
نظرت له هند وشردت في زرقة عيناه
وانفه المستقيم وشعره المبعثر عند استيقاظه من النوم
ظلت هند تتأمله بينما
اياد يقطع الفاكهه بأبداع
ويتحدث معها بأمور الضهي وخبرته به
ولكنها لم تسمع كلمه مما قاله بل شردت فيه
انهي اياد التقطيع ونظر لهند التي تتأمله
اياد ببتسامه وهو يديرها له:
بتبصيلي كدا ليه
هند ببتسامها وهي تحاوط عنقه:
معجبه
اياد بخبث:
اوووبا معجبه دي الي يشوفك يقول بتعشقيني ياحببتي
هند بضحك:
والله ودا ازاي بقا
اياد وهو يقترب ليقبلها:
عينك ياحببتي
امسكت هند قطعة فاكهه ووضعتها في فمه لتبتعد عنه ضاحكه:
واثق اوي ياخويا
اياد وهو يمضغ الفاكهه بنزعاج:
ماكنا حلوين وماشين زي الفل
هند وهي تخرج من المطبخ:
طب روح اتوضا من الحمام الي هنا
وانا هتوضا فوق عشان نصلي الصبح مع بعض
اياد ببتسامه وهو يتبعها:
حاضر ياستي خمس دقايق واكون جاهز
اتجهت هند الي غرفتهم وتوضأت
وارتدت اسدال بلون الفيروزي
واحضرت سجاد الصلاه
بعد ثوان دلف اياد الي الغرفه
واستعدو الي الصلاه
بعد عدة دقائق انهت هند واياد صلاتهم
أياد ببتسامه وهو يقبل جبهتها:
تقبل الله ياحببتي
هند وهي تبتعد عنه وتخلع اسدالها:
منا ومنكم ياايدو
يالا بقا عشان نفطر
نظر اياد الي ملابسها قال غامزا:
الله علي شورتاتك ياديدا
كانت هند ترتدي شورت جينر من اللون الازرق وتي شرت وردي قصير
هند وهي تمشط شعرها الاسود الذي يصل الي خصرها ورفعته :
بس ياض بطل قلة ادب
ضحك اياد قائلا:
لا ونبي امال بالبس دا اكون مؤدب
هند بضحك:
لا ياحبيبي انتا قليل الادب اصلا
اياد بخبث وهو يقترب منها :
قد كلمتك دي
هند وقد علمت نواياه:
اه قد
ركضت خارج الحجره وهي تضحك بقوه ليخرج اياد خلفها
وهو يتوعد لها
هند وهي تركض:
خلاص حرمت ياباشا
اياد بسخريه:
وحياتك ابدا اعاقبك الاول
وقعت هند علي الارض واصطنعت الوجع
هند بوجع:
اااااه رجلي
افترب منها اياد بقلق:
مال رجلك ياهند وجعتك جامد
هند بضحكه مكتومه:
اااه جدا يااياد
امسك اياد ساقها وهو يتفحصها بقلق:
فين اتخبطتي فين ياهند
هند وقد افلتت ضحكه
نظر لها اياد بهدوء:
كنتي بتضحكي عليا ياهند
هند بضحك :
بصراحه اه ضحكت عليك
نظر لها اياد بضيق
وهب واقفا ليتركها
قامت هند هي الاخري ولاحظت عبوس وجهه :
انتا زعلت مني يااياد
اياد:
ملكيش دعوه ياهند
امسكت هند يده وقالت بضيق:
انتا زعلت بجد!
انا كنت بضحك معاك مش اكتر
بحركه سريعه حملها اياد بين يده
لتشهق بقوه
اياد بتحذير:
اياكي تهزري معايا في وجعك ياهند
لان دي الحاجه الوحيده الي مقبلش هزار فيها
حاوطت هند عنقه وابتسامه واسعه احتلت ثغرها”
بتخاف عليا ياحبيبي
اياد بتنهيده:
اكتر من نفسي يامجنونه
القت هند رأسها علي صدره قائله:
المجنونه بتحبك يااياد
ابتسم اياد وسار بها الي المطبخ:
واياد بيحب المجنونه هو كمان
اجلسها اياد علي الكونتر قائلا:
اقعدي بقا وانا هحضر الفطار
هند ببتسامه واسعه:
ماشي وانا هساعدك وهاكل إلى هتعمله
ضحك اياد بقوه قائلا:
موافق ياطفسه
***************************
داخل سجن الاسكندريه
كان امجد يجلس محدقا في الفراغ
كان ينتظر خروجه من بين القضبان
بعد عدة دقائق
دخل عسكري شرطه وهو يدفع احد السجناء داخل الزنزانه قائلا:
ادخل ياروح امك انتا لسه واقف
كان الرجل بجسد متوسط رغم كبر سنه
وكان وجهه يشع حزن وانكسار
جلس الرجل في زواية السجن
وعينيه تفيض حزناً ووجع
لم يهتم امجد بتلك الاهانه الذي تعرض لها ذاك الرجل وعاود التفكير في مخطته
وكانت عيون اخري تتابع الاثنين
وتقارن بين شبه الاجسام بينهم ولكن الوجه مختلف فأيقن يس ان ضحيته
ذاك الرجل المسكين
اقترب يس من الرجل المنزوي
ياسر بصوت خشن:
جاي في ايه
رفع الرجل رأسه الي المتحدث
فوجده رجل في يتراوح عمره بين الثلاثون والخامسه والثلاثون
ندبه كبيره في جبهته
واحد حاجبيه يوجد به اثر
اصابه قديمه
الرجل بصوت مهتز:
دخلوني هنا ظلم
يس بسخريه:
ما كل الي هنا بيقولو نفس الكلمه
نظر له الرجل بحزن ثم وضع رأسه بين يديه مره اخري
يس:
اسمك ايه ياحج
الرجل بحزن:
عوض
يس :
جيت في ايه ياعم عوض
عوض بقهر:
اختلاس بعد خمستاشر سنه خدمه وشقي وتعب لبسوني اختلاس
يس بتساؤل :
وانتا اختلست فعلا
عوض بنفي ودموع:
والله ابدا يابني ولا عمري اكلت عيالي مال حرام انا مظلوم
هز يس رأسه بأيجاب
ونقل نظره الي امجد الشارد
يس في نفسه:
عايزني اقتل الغلبان واسيب الغول يهرب
اهي دنيتنا كدا مبتعضش الا في الغلبان
يالا اهو نخلص المصلحه وخلاص
بينما كان يس يناجي ربه
والحزن يأكل فؤاده
فهو رجل مستقيم عمل بجد
لمده خمسة عشر عاماً
ورغم وفائه في عمله
لكنه تعرض لخيانه
رفض رشوه عرضت عليه
فاتهم في اختلاس مال الشركه
وسجن تاركا خلفه فتاه في التاسعة عشر من عمرها وزوجته يبكون دما علي فراقه
يعلم انه لن يخرج من قضية الاختلاس
لانه رجل فقير مقارنه بمن سجنوه
ولكن ماباليد حيله فالقوي يأكل الضعيف
فتمتم بصوت منكسر:
حسبي الله ونعم الوكيل
حسبي الله ونعم الوكيل
لتصل الي السماء السبع
فادعوة المظلوم لاترد
***************************
في فرنسا تحديدا منزل ادم الصياد
كانت الساعه تجاوزت منتصف الليل
كانت تقي تنام في الطرف الايمن من الفراش والطرف الايسر استقر فيه ادم
وكلا منهم في عالم اخر
كانت تقي تفكر في شجارهم
وفور تذكر روما شعرت بنيران تتأجج في قلبها والغضب سيطر عليها
تذكرت نظراتها مغازلتها تصرفها تجاه ادم
نعم ادم لم يعيرها انتباه ولكن الغيره لا تترك المرأه
تقي بصوت منخفض:
ادم انتا نمت
ادم بصوت هادئ:
لا لسه
تقي وهي تلتفت له:
امال مديني ضهرك ليه
التفت ادم لها هو الاخر ونظر لها بغضب ولوم:
انتي الي ابتديتي الاول
تقي بصوت حنون وهو تمسح علي وجنتيه:
آسفه ياادم انا عارفه ان ملكش ذنب ان البت دي عاكستك بوقاحه
ادم بهدوء:
يعني عرفتي انك غلطانه
تقي بغضب خفيف:
بس حضنت التانيه متنساش دي
والله اعلم دي كانت حبيبتك ولا ايه
ابتسم ادم لغيرتها ثم اقترب منها واحتضنها بقوه واضعا رأسها علي صدره ويده تحاوطها
ادم بهدوء:
جيسكا دي صديقة طفولتي ياتقي
اعرفها من وانا عندي اتناشر سنه
اعز صحاب وزي اختي بظيط
احنا الاتنين متعودين علي بعض
وفي الوسط بتاعنا وفي حياتي
انا ممكن احضن اي واحده عادي
رفعت تقي وجهها ونظرت له بحده:
بس دينك بيمنعك من الكلام دا
ادم بحزن في عينيه:
انا عمري ماعرفت حاجه عن ديني
عشان اعمل فيه حاجه
نظرت له تقي بصدمه وابتعدت عنه:
انتا متعرفش اي حاجه عن الاسلام ياادم
ادم بنفي:
لا معرفش اي حاجه في ديني
لان مفيش حد عرفهولي
فامتلومنيش علي حاجه مش عارفها
صمتت تقي عدة دقائق وهي تتأمله
وهو يفعل المثل ثم قالت:
عشان كدا مبتصليش
حرك آدم رأسه بأيجاب
تقي بهدوء وقد اعتدلت في جلستها:
طب تمام ممكن انا اعرفهولك
اعتدل ادم في جلسته ونظر لها لتتكلم
تقي ببتسامه:
احنا دينا دين المحبه والتسامح
والصدق والرضا والايمان بالله
يعني مثلا حرام تحضن واحده محلله ليك لازم تكون اختك او امك او بنتك او مراتك غير كدا حرام
حرام تشرب خمره حرام تشرب سجاير
حرام لان كل الحجات دي بتضرك
لان ربنا قال في كتابه العظيم(ولا تلقوا بأيدكم الي التهلكه)
لازم تكون متسامح وتنسي الي فات
لازم ترضا بحياتك حلوه او وحشه
والصلاة اهم حاجه عشان تقرب من ربنا
وتقضي بالنبي صلي الله عليه وسلم
وتتبع السنه دينا هو عنوان الابتسامه
نظر لها ادم مطولا والتمعت في عينيه دموع ولكنها أبت ان تخرج
اقترب منها ادم واحتضنها بقوه
متمنيا ان يدخلها في قلبه
ادم بصوت مهزوز:
انتي كتير عليا ياتقي
بادلته تقي العناق وظلت تمسد علي شعره بهدوء وقالت بحنو:
لا ياادم متقولش كدا احنا بنكمل بعض
تنهد ادم بألم وزاد من احتضانها كأنه غريق وتمسك بأحد لينجده من ظلماته
لتتمسك به هي الاخري كأنه طفلها
التي تحتويه بين ضلوعها
وتحميه من بطش الايام
وتزيل عنه ألامه التي تفني حياته
ليتبخر الكبرياء والقسوه في ظلمات الليل وتتبدل بحنان وحب لو وزعو علي علي العالم لأصبح الكل عاشقاً
لا أستطيع الحياة بدونك
ما هو الوجود بدونك
اذا انفصلت عنك
سيكون سأنني انفصل عنك
لانك انت الوحيدة
انت فقط
الحياة ,حياتي
سلامي والمي
انتي هي عشقي
كيف يمكن ان تكون هذه علاقتنا
انا لا احب ان ابتعد حتى للحظة
بكل يوم انا اعيش معك
كل وقتي هو فقط لك
لايوجد لحظة تمر بدونك
واسمك موجود بكل نفس يخرج مني
لانك انت الوحيدة
انت فقط
الحياة ,حياتي
سلامي والمي
انت هي عشقي..
أنا اعيش فقط لك
قد وهبتك نفسي
حفظي علي بأمانه
وابعديها عن كل الحزن
نصيبي ان اكون معك
انت لم تبقي ناقة بدوني .. فأنت تكملينني
لانك انت الوحيدة
انت فقط الحياة
,حياتي سلامي وألمي
انتي هي عشقي
*************************

———–———-———————-————

ونكمل في الحلقات القادمة ماتنسوش تعلقوا علي الحلقة في صفحة مدام طاسة والست حلة

 الى اللقاء في الحلقات القادمة
بقلم الكاتبة:وسام اسامة