نشرة أخبار المتجوزين .. أحمد ضرب منى عشان حرقتله البنطلون

Myapp

 

نشرة أخبار المتجوزين

سيداتي وستاتي اللي قاعدين قدام شاشتنا العامرة

يجعل بيوتكم عامرة

يجعل البط والوز والديوك الرومي ماتفارق سفرتكم ابدا

ويبعد عن بيوتكم الفقر والنحس الدكر

ويجعل رجالتكو خواتم في صوابعكو الصغننة قولوا آمين

معاكم حشرية الرخمة من قناة مكسورين الجناح

هقولكو موجز الاخبار وهروح اشرب كوباية شاي واجيلكوا بالتفاصيل

أحمد ضرب منى عشان حرقتله البنطلون

تستاهل البعيدة عامية القلب والنظر

—————————————————-

سيداتي وستاتي رجعنالكم بعد الفاصل عشان نشوف حكاية مقصوفة الرقبة منى اللي حرقت بنطلون أحمد الغلبان

معانا على الهاتف منى شخصياً

ايوة يامنى

اهئ اهئ اهئ

ايوة يامنى

اهئ اهئ اهئ

ياختي ردي عليا وبعدين كملي عياط براحتك

ايوة ياست حشرية

احكيلنا ياختي على ملابسات حادث حرق البنطلون

ابداً ياست حشرية أحمد قالي لو سمحتي يامنى ياروح قلبي اكويلي البنطلون عشان نازل بسرعة

قولتله حاضر ياأحمد ياحياتي

وبعدين ياختي كملي

ابداً ياست حشرية لسة يادوب ابتديت في كوي البنطلون وجاتلي رسالة كلمني شكرا من ماما

ليه هي امك مامعهاش رصيد

لأ معاها بس هي مش بتحب تكلف نفسها

ناصحة زي امي كملي وبعدين

اتصلت بماما ونسيت المكوى على البنطلون والبنطلون

اتحرق يا مامييييييييييييييييييييييييييييييييييييييييييييييي يييي

اهئ اهئئئئئئئئئئئئئئئئئئئئئئئئئئئئئئئئئئئئئئئئئئئئئئئئ ئئئئئئئئئئئئئئئئئئئئئئئئئئئئ

عيطي ياختي عيطي يمكن الدموع تكفر عن خطاياكي في حق الراجل المسكين .اقفلي السكة يابت

_____________________________________________________

نواصل مع حضراتكو نشرة الاخبار

بس الاول نقرا التعليقات اللي جت على ايميل البرنامج

تعليق من الحاجة حواء أم المحروسة وردة بتقول انها خايفة لاكلها

واحب اقولها لأ يا حبيبتي مش هاكلك طول مانتي ست شاطرة وبتابعي النشرة باستمرار

تعليق من ام جومانا وجنى بتقول انها متابعانا

وانا بقولها تسلمي وتعيشي عقبال مانجاملك في الفرح يارب

تعليق من المشاهدة المشاغبة سماء الفردوس فهمت منه انها بتشاور عقلها تقلد كاميليا

وانا بقولها ماتكبريهاش في دماغي انا كمان ياختي

تعليق من سندسة ام مريم بتقول انها متابعانا

وانا بقولها يعلي مراتبك ويجبر بخاطرك قادر ياكريم

تعليق من ماريا بتقول انها هي كمان حشرية زي حالاتي

بقولها ماجمع الا اما وفق ودا حال كل الستات الحمدلله

تعليق من سارة محمد بتقول ان كلمة زمن اغبر لاتجوز

بقولها معلش ياضنايا زلة لسان غير مقصودة بس هي دعابة مش سب زمن والله

تعليق من همتي صلاح امتي بتقول ان دمي زي العسل

انا بقولها انتي اللي دمك زي الشربات ياشربات انت

تعليق من المشاهدة درة بنقابي بتتهمني اني راجل

كدة برضو بقى انا راجل يا انسة حنفي ههههههههههههههههه

وبقولها والله مش تحيز للرجالة ضد الستات ولا حاجة بس بحب اننا نحط ايدينا

على اخطاءنا ونحلها عشان نحافظ على الرجالة هههههههههههههههههههههه

تعليق من اتمنى رضاه بتقول انها مبسوطة من النشرة

وانا بقولها انتي لسة شوفتي حاجة هههههههههههههه

تعليق من ام رقية بتقول ادي النشرة ولا بلاش

وانا بقولها ادي الستات العسل ولا بلاش

تعليق من المشاهدة سجودة بتقولي بتجيبي اسامي الستات دي منين

وانا بقولها اكيد معجبة بالأسامي ونفسك اختارلك

اسم للنونو اللي جاي يا عفريتة هههههههههههههههههه

غداً

حماة كاميليا جت تزورها راحت كاميليا مكهربة جرس باب الشقة

فكرة مش وحشة برضوا

ميعادنا غداً نكمل نشرتنا الساعة 11 بتوقيت القاهرة وكل يوم خبر جديد

نشرة أخبار المتجوزين بقلم .. الكاتبة :هبة نور

 

مقالات ذات صله