مسلسل خلف هذه الجدران الحلقة الثانية (الجزء الأول)

 

” الحلقــــ (2) ــــة ” من مسلسل خلف هذه الجدران (الجزء الأول)**********
**********

حمدالله ع السلامة يا عادل بيه نورت الفيلا , الست سعاد كانت منتظرة حضرتك في الجنينة ولسة داخلة من شوية

الله يسلمك يا شوقية , طيب انا هندخلولها , ابقي خلي عبد السلام يغسل العربية

حاضر يا سعادة البيه .

*
*
*
*

حمدالله ع السلامة يا سي عادل

السلام عليكم حبيبتي هههههه وحشتيني .الولاد نامو ؟

من بدري طبعا . وصلت المحروسة ؟

بقولك ايه اظن بعد ما بعدتها عنك وخليت كل واحدة فيكو في محافظة تهدي

بقى وتعقلي وتخلينا نعيش حياتنا بهدوء بعيد عن المشاكل

بالبسااااااااااااااااطة دي يا سلاااااااااااااااااام عايزني انسى انك اتجوزت علية بعد
خمستاشر سنة جواز وبعد ما اكبر ولادنا بقى في اعدادي !!!!!!!!!! وبدل ما تعيش
معايا بما يرضي الله وتتقي الله فية وفي ولادك رايح تتجوز علية بنت خالتك الزفتة اللي
اسمها اشجان دي

بقولك اييييييييييييه طولة لسان وغلط في اشجان مش عااااااااااااااايز . اظن يا هانم انتي

عارفة كويس اوي ظروف جوازي منها كان شكلها اييييييييييه عارفة كويس اني اتجوزتها
عشان مالهاش حد بعد موت خالتي الله يرحمها

هههههههههه لا يا شيخ ! حنين بششششششششششششششكل . وانت الصادق عشان

كان عينك منها من زمان اوي ولا فاكرني عبيطة يا استاااااااااااااذ

زمان اوي امتى يا ست انتييييييييييييييييييييي . أشجان دي صغيرة وحتة عيلة دي كل الحكاية

عشرين سنة يعني لما اتجوزتك كان عندها خمس سنين ولا مش فاكرة يوم فرحنا وانت
شايلاها على حجرك وبتبوسيها في الفرح

والله لو كنت اعرف انها لما تكبر هتغدر بيا وتاخد جوزي كنت خنقتها بدل ما ابوسهااااااااااااااااا

عن اذن جنابك انا داخلة انااااااااااااااااااام

ههههه طب بس استني بس حبيبتي , انا ما يهونش عليا تنامي وانتِ زعلانة ابدا تعالي

هنا جنبي يا حتة من قلبي ههههه اني ما يخلصنيش زعل الجميل ده وربنا المعبود

لو بيهمك زعلي ما كنتش اتجوزت يا سي عاااااااااااااادل . سيبني انام عشان نصحو بدري مع الولاد عشان مدارسهم

هههه طيب يا ستي تصبحي على خير

وانت من اهله يا سي عادل

*
*
*
*

اهي سعاد دخلت نامت . يا ترى اتصل بأشجان اشوفها عاملة ايه ولا بلاش ؟

مممم خايف اتصل تكون نايمة . خلاص ارن رنتين تلاتة ولو ما ردتش
تبقى اكيد نايمة وبلاش ازعجها

ترررررررررر

الووووووووو مييييييين

ههههههههه دا اني ما كملتش رنة يا اشجان . انتي لسة صاحية

اهئ اهئئئئئئئئئ صاحية وخايفة اوي يا عادل

خايفة من ايه بس يا حبيبتي ؟

اهئ اهئئئئئئئئئ خايفة من الشقة الطويلة العريضة دي اللي سايبني فيها لوحدي

اهئ اهئئئئئئئ والله انا قاعدة في الصالة لحد دلوقتي وخايفة ادخل اوضة النوم لوحدي

هههههههه يا جباااااااااااااانة هههههههه ما كنتش اعرف ان قلبك ضعيف وخوافة كدة

يا سلام ياخويا ! هو انت فاكرني راجل زيك ! انا ست ضعيفة وبنترعبوا من اقل حاجة .

ايش ضمني يا سيدي الاقي عفاريت داخلين عليا دلوقتي اهئ اهئئئئئئئئئئ

هههههههههههههههههه عفاريت ايه بس يا بت انتي . ما تجمدي كدة وخليكي راجل ههههههههههههههههههههههه

ايوة اضحك اضحك ياخويا اهئ اهئئئئئئئئئئئ ربنا يسامحك انت والزفتة اللي اسمها سعاااااااااد

هههههههههههههه سبحان الله لسة كانت بتقول عليكِ زفتة من شوية ههههههههههه اهي الشتيمة اتردتلها تاني

هاتيجي امتى يا عادل اهئ اهئئئئئئئئئ

وحشتك ؟؟؟؟؟

اهئ اهئ ايوة

انتي اكتر يا حبيبتي , معلش اعذريني , مش بايدي ابعد عنك يا حياتي , ان شاء الله اكون عندك الخميس الجاي واقضي معاكِ

طووووووووووووووول النهار وابات معاكِ وامشي الجمعة بعد المغرب . ايه رأيك بقى ياروح قلب عادل من جوا ؟ ههههه

اهئ اهئئئئئئئئئئئئئئئئئ وان شاء الله لحد يوم الخميس اعمل ايه

ممممممممم اقولك يا ستي . اتفرجي ع التليفزيون او اشتغلي تريكو زي ما بتحبي

اووووووووووف ماشي يا عادل مااااااااشي

وبعدين يا حبيبتي انتِ حامل دلوقتي في شهر وكلها 8 شهور والنونو يشرف وتنشغلني

عن عادل حبيبك وتنسيني خاااااااالص ويبقى هو اهم حاجة في حياتك

اهئ اهئئئئئئئئئ والله انا عايزة النونو النهاردة قبل بكرة على الأقل يونسني بدل الرعب اللي انا فيه ده اهئ اهئئئئئئئئ

ههه طيب يا خوافة هسيبك دلوقتي عشان ادخل انام عشان عندي شغل متلتل في المينا ومعاد وصول

شحنة الخشب الصبح ومواويل الشغل اللي ما بتخلصشششششش دعواتك يا عيوني

ربنا يوفقك يا عادل ويحنن قلبك عليا وترجعني اسكندرية اهئ اهئئئئئئئئئئئئ

طيب حبيبتي استودعك الله . السلام عليكم

وعليكم السلام يا سيدي اهئ اهئئئئئئئئئئئئئئئئئئ

*
*

ها يا سي عادل اطمنت ع السنيورة ؟

ايه ده ! انتي لسة صاحية يا سعاد ؟

مش عيب عليك يا عاااااااااادل , مش مستحمل فراقهااااااااا بتتسحب من جنبي عشان تروح تكلمهااااااااا

خلاص لحست عقلك ومش مخلياك قادر على بعدهااااااااااااااا !

نامي يا سعاد نامي يا حبيبتي نااااااااااااااامي ماليش مزاج اتخانق . اجلي النكد ليوم تاني

والله ما حد جاب النكد وحول حياتنا غم الا انتتتتتتتتتتتتت على العموم هاريحك من وشي

وانام واسيبك تفكر في السنيورة اللي سايبها في القاهرة قلبك وعقلك معاهاااااااااااا

ههههه والله العظيم حريم ما ينفع معاها الطيب اللي زي حالاتي

*
*
*
*
*
*

الفطار يا بهييييييييييييييييييييييييييييييرة

حاضر يا حسين يا نور العين هههههههههه

بقالك ساعة بتعملي ايييييييييه اتأخرت ع المدرسسسسسسسسسة ,

عندي الحصة الاووووووووولى هترفت بسببك ان شاء الله واقعد جنبك أقشر بصل

ههههههه يا حبيبي يارررررررررررررررريت . هو انا اطول القمر ده يقشرلي بصل !

ده حتى البصل يبقى له طعم تاني ههههههههه ثواني والفطار يكون ع الطرابيزة يا حياتي *
*
*

ايه يا ستيييييييييي ايه كنتي بتعملي ايه ده كله

صباح الخير والسعادة على عيون احلى مدرس جغرافيا في الكورة الارضية هههههههههه

صباح النور يا ستي . ايه ده ! ايه طبق الرز بلبن ده اللي ع الطرابيزة جنب الفطار ! انتِ عارفة اني ما باكلش حاجة مسكرة الصبح

ههههه ده مش ليك يا حبيبي

اومال لمين ان شاء الله

لجارتنا الجديدة ولا عايزني اروح ازورها بإيد فاضية !!!!!!!!!!!!

يا ستي احنا نعرفها منييييييييييييييين . بقولك ايه يا بهييييييييييييرة انا منبه عليكِ من اول

جوازنا اني ما بحبش الاختلاط بالجيرااااااااااااااااااااان

لا اله الا الله . دي جنة من غير ناس ما تنداس يا حسين . يعني هنخاصم الجيران ولا هنخاصم

الجيران ! ده ايه ده ! الرجالة يخرجوا ويحرجوا علينا الخروج وكمان يقولولنا ما تكلموش ستات
الجيران ! اومال نكلم نفسنا يعني ولا نتجنن ولا نعمل ايه ؟؟؟؟؟؟؟؟؟؟؟؟؟؟

بقولك اييييييييه اعملي اللي انتي عايزاه بس ما تجيش تشتكي وتقولي الحقني الجيران ضربوني

ولا الجيران شتموني ولا شغل الحريم اللي بتوجعوا بيه دماغنا ده

لا يا حبيبي ما تخافش . انا امي من وانا صغيرة قالتلي يا بت يا بهيرة اللي يضربك اضربيه .

يعني هاخد حقي بدراعي ومش هحتاجلك . صباحك فل يا حبيبي ههههههه

صباحك قشطة يا ستي . صبيلي الشاي
ايه ده يا حبيبي انت لحقت كلت !

ايوة الحمدلله

لا والله ده مش اكلك يا حبيبي . اوعى تكون قايم جعان لزعل منك والله

يا ست هقوم جعان لييييييييييه هو انا معزوم في بيت ناس غرب . دا بيتيييييييييي

يارب منور بيتك دايما يا حبيبي

هي امك هتجيب ياسمين امتى ؟

هههههه امي مش عايزة تسيبها

بقولك ايييييييييه البت بقالها يومين عند امك . انا ما بحبش كدةةةةةةةة بنتي وحشتني يا ستي وعايزهاااااااااا

طب وانا اعمل ايه بس يا سونسون يا حبيبي . كل اما اتصل بيها تقولي سيبيها شوية اهي مونساني والبت شبطانة فيها

كدة !!!!!!! طب انا هعدي اجيبها بعد ما اخلص المدرسة

انت حر مع ماما بقى انا مالي

روحي لمعيلي الجزمة على ما اشرب الشاي

من عنيا هخليها بتبرق ولا المرايا , هخلي الناظر نفسه يغير من جزمتك عشان انضف من جزمته

ويروح يطلق مراته عشان مش نضيفة زيي ههههههههه

اعوذ بالله ع الرغي بتاع الست دي . الواحد يقول كلمة ترد عليه بقصيدة

*


*
*
لمعتلك الجزمة يا سونسون يا حبيبي

انا جاي يا بهيرة

مش عايزة حاجة يا بهيرة

ايوة هاتلنا معاك فرختين

فرخة واحدة كفاية احنا آخر الشهر يا بهيرة ولمي ايدك شوية

خلاص يا حبيبي هو انا قولت حاجة ! فرخة واحدة فرخة واحدة ولو مش عايز بلاش نمشي

بأي حاجة الكام يوم دول يا سونسون , الفول والطعمية والعدس مش هيقولوا لأ ابدا

لا يا ستي هجيبهالك ان شاء الله . السلام عليكم

 

وعليكم السلام يا حسين يا نور العين ههههههه . اخد انا بقى طبق الرز بلبن وازور الجارة الجديدة*
*
*
*
*
*

تررررررررررررررررررررررررن ترررررررررررررررررررررررررررررررررررررررررررررررررررررررررررررررررررررررررررررررررررررررررررررررن

ايه ده ! وانا مين اللي هيخبط عليا في البلد دي ! انا ما اعرفش حد هنا عشان يخبط عليا , تكونش مرات البواب ؟

ترررررررررررررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررررررررررررررن هي مش عايزة تفتح ليه دي !!!!!!!!!! وادي رنة تررررررررررررررررررررررررررررررررررررررررررررررررررررررررررررررررررررررررررررررررن

ميييييييييييييييييييييييييييييييين


انا
انتي مين

انا بهيرة يا حبيبتي جارتك اللي في الشقة اللي قصادك

بهيرة ! في حاجة يا أختي ؟

يختي افتحي هو انا هاكلك !

اهلا

هههه اهلا بكِ يا حبيبتي . انا عرفت انك الساكنة الجديدة اللي جيتي نورتي العمارة قولت

لازمممممم اجي ارحب بيكِ . اتفضلي طبق رز بلبن عمايل ايديا الحلوين دول

ههه متشكرة يا ……. قولتيلي اسمك ايه


بهيرة بهييييييييرة هو انتي خدتي مني طبق الرز بلبن وهتمشيني ولا ايه يا اسمك ايه !
شكلك كدة ما بتحبيش الناس ومش عشرية زيي

ههههههه ودي تيجي برضو . اني عشرية والله ونحبوا الناس اوي اتفضلي يا بهيرة

يزيد فضلك يا ……… نسيت اسمك

ههههه اني ما قولتلكيش اسمي من الاساس عشان تنسيه . اني اختك اشجان

اهلا يا اشجان نورتي العمارة بحالها

العمارة منورة بأهلها , اتفضلي في الصالون

لا يا اختي انا مش ضيفة وماليش في قعدة الصالونات , خلينا هنا في الصالة نحكي مع بعض شوية


هههه يا مرحب يا حبيبتي هنعملوا كوبايتين شاي تعارف ونيجي على طول عن اذنك

اتفضلي يا حبيبتي . ايه شاي التعارف ده كمان ! ده غير شاي التموين ؟ حلوة حلوة وشقتها

حلوة ماشاء الله . باين عليهم من عفشهم كدة ناس اغنيا اوي ربنا يزيدهم *
*
*

انستي يا بهيرة اتفضلي الشاي يا حبيبتي

تسلم ايدك يا اشجان . انا بقى اختك بهيرة ليسانس اداب علم اجتماع عشان كدة تلاقيني

اجتماعية وفاتحاها ع البحري مع خلق الله كلهم ههههه ستات اه رجالة لأ لتفهميني غلط ههههههه

هههههه والله انتي باين عليكِ طيبة وبنت حلال يا بهيرة . تصدقي اني ما حسيتش ان معاكي

شهادة كبيرة اوي كدة اكمنك يعني بسيطة وحبوبة كدة ومش طالعة فيها هههه احم احم
اوعي تزعلي مني يا اختي انا صريحة واللي في قلبي على لساني دوغري ههههههه

هههههه وانا احب الناس الدوغري . لا يا حبيبتي ولا يهمك اصل جوزي بيقولي كدة على طول

ههههه دايما يقولي انتي اللي اداكي ابتدائية ظلمك ههههه وانتي معاكِ ايه

اني معايا دبلوم تجارة واشتغلت شوية في مكتب آلة كاتبة وبعدها اتجوزت وقعدت في البيت

اني اسكندرانية وده اول يوم لية في القاهرة

من اسكندرية ! هو في حد برضو يسيب اسكندرية وبحر اسكندرية وهوا اسكندرية اللي

يرد الروح ويجي القاهرة في الزحمة والدوشة دي !!!!!

حكم القوي ع الضعيف يختي هنقول ايه , اشربي الشاي

حكم القوي ع الضعيف ! اااااااه فهمت اكيد حماتك هي اللي طفشتك من اسكندرية .

اعوووووووووذ بالله من الحماوات ومن عمايلهم السوووووووووووودة اسأليني اناااااااااا

لا اني حماتي ماتت من زمان من قبل ما اتجوز . اني اقصد ضرتي الله ينتقم منها

ضرتك ! يا حبيبتي يا اختي اهئ اهئئئئئئ تعالي في حضن اختك واشكيلي همك اهئ اهئ هو جوزك اتجوز عليكِ وقعد التانية في شقتك وجابك على مصر ؟ منها لله خطافة الرجالة اهئ اهئئئئ الواحدة تقيد صوابعها العشرة شمع وفي الآخر الواحد يروح يتجوز عليها واحدة لمامة ما تسساويش نكلة اهئ اهئئئئئ انا هدعي عليها وعلى كل اللي خطفت راجل من مراته ربنا يخلصنا منهم بقىىىىىىىىىىىىىىىى وانتي ازاي تسكتي يا هبلة انتي وتسبيه يتجوز عليكِ وتسبيه للتانية بيضة مقشرة كدة !!!!!!!!!!!!!!

لا لالالا هههههه انتي فهمتي غلط يا بهيرة يا اختي اني التانية اتجوزني على مراته

ياوقعتك سووووووووووووووودة اللهم احفظنااااااااااا . ناوليني طبق الرز بلبن خليني امشي ونقطع المعرفة المطينة دي من قبل ما تبدأ

انتي رايحة فين بس يا بهيرة . اقعدي اما افهمك

لا تفهميني ولا افهمك يختي . اللي ما ارضهوش على نفسي ما ارضهوش على الناس وعمري عمررررررري ما هصاحب واحدة خطافة رجالة خطفت راجل من مراته حبيبته

والله يختي انتي ظالماني ولما تعرفي حكايتي هصعب عليكِ اهئ اهئ اهئئئئئئئئئ

إيييييييييييييييه وادي قعدة . ايه حكايتك بقى يا اسمك ايه


اني امي ماتت وهي ……
اه امك ماتت وهي بتولدك وابوكي اجوز ورماكي في الشارع وجوزك شافك سارحة بفل في الاشارات صعبتي عليه واتجوزك مش كدة !!!!!!!!!! اصل انا هبلة وباكل من الكلام ده

يختي اديني فرصة اتكلم , انتي بتغني وتردي على روحك من غير ما تعرفي حاجة ليه ؟ اصبري اني جايالك في الكلام

اديني سكتت يختي كملي يا خطافة الرجالة

بصي هحكيلك من الاول امي كانت عيانة اوي وماكانش ليها غيري انا واختي الكبيرة ثريا بعد ما ابويا مات وماحادش كان واقف جنبنا غير عادل ابن خالتي زبيدة الله يرحمها وما بخلش على امي لا بمال ولا بعلاج والله لكن طولة العمر ليكي بقى امي ماتت وسابتني لوحدي في البيت

واختك فييييييييين انتي مش لسة بتقولي عندك اخت

اختي متجوزة وعندها راجل وعيال وماحدش فاضي لحد يختي وطبعا ما ينفعش اروح اعيش عندها عشان ما يصحش لان جوزها مهما كان غريب ومش هاخد راحتي ولا هو هياخد راحته في بيته

بتفهمي في الأصول اوي كملي وبعدين

صعبت على عادل ابن خالتي الله يكرمه ويزيده من نعيمه وقالي انتي ما لكيش قعاد لوحدك يا اشجان يا بنت خالتي , انتي شابة صغيرة وفيكِ الطمع , واني ما ينفعش ادخل واخرج عليكِ كدة عشان كلام الناس كتير , ايه رأيك تتجوزيني ويبقى لك راجل يحميكِ وياخد باله منك بدل البهدلة يا بنت الحلال , بصراحة رفضت في الاول عشان عارفة انه متجوز وعنده تلات عيال , لكن بصراحة قولت لروحي طب واني ارفض ليه واتبهدل في الدنيا لوحدي , دي ساعتها كانت كلاب السكك تنهش لحمي واني ماليش حد روحت وافقت عشان الاقي راجل اتسند عليه يختي ويحميني من الناس اهئ اهئ اهئئئئئئئ

لا حول ولا قوة الا بالله طب بس بس . يعني انتي اتجوزتيه بس عشان كدة ؟

ايوة وربنا المعبود عشان كدة اومال هيكون عشان ايه يعني

ااااه عشان كدة بقى مراته حكمت عليه يجيبك القاهرة ويخفيكي من وشها

ايوة يختي ! وهو قالي هيجيلي خميس وجمعة

خميس وجمعة بس ؟ طب وبقيت الاسبوع ؟

يا حبيبتي انا احمد ربنا وابوس ايدي وش وضهر انها وافقت تسيبه خميس وجمعة

بس باين جوزك غني اوي ماشاء الله , اصل الشقق في العمارة غالية اوووووووي , تعرفي احنا عشان ناخد هنا حسين جوزي باع الارض اللي في البلد عشان نجيب تمن الشقة


ههه الله يكون في عون الشباب والله , ايوة جوزي صاحب شركة شحن وتفريغ ورثها عن ابوه , جوزي اسمه عادل سليم
عاشت الاسامي لكن قوليلي انتي باين عليكي صغيرة اوي , انتي عندك كام سنة؟

عندي عشرين

وجوزك

عنده 38 سنة

معقووووووووول ده عنده 38 سنة . سبحان الله شكله ما يزيدش عن 28 ههههههه

انتي شوفتيه ؟

يعني من بعيد لبعيد كدة الفضول وحش

ايوة صح عادل ما يبانش عليه سنه خاااااااااااااالص اللي يشوف مراته الاولانية يقول عليها امه

هههههههههه ايوة هو يعني انتي هتقولي على ضرتك كلمة حلوة ! وعيالهم اد ايه

عنده أحمد في الاعدادية وأدهم في اولى اعدادي واُوسا في الابتدائية السنة دي

اُوسا ! ايه الاسم الغريب ده

هههههه اسمها اسماء وبيدلعوها بيقولولها يا أوسا

أوسا أوسا وانا مالي . انتي بقى هتنبسطي معانا ع الآخر هنا في عمارتنا . العمارة كلها عائلات محترمة

عندك صاحبة العمارة الحاجة أم عصام دي بقى ست سكررررررة وتقية وما تفوتش فرض ولسانها بينقط شهد وابتسامتها ما بتفارقش وشها وعندها تلات شبان ماشاء الله عصام الكبير دكتور وهاني بيه ظابط شرطة والاستاذ ماجد مدرس لغة عربية والتلاتة اخلاقهم زي الفل وما تسمعيلهومش حس في العمارة لسة ما اتجوزوش ربنا يرزقهم ببنات الحلال ودول ساكنين في الدور الخامس

ربنا يكرمهم ويرزقهم , شوقتيني للحاجة ام عصام والله

ابقى اخدك ونطلع نسلم عليها كمان شوية , عندك بقى مدام عصمت ودي بقى عايشة هي وولادها لوحدهم

يا عيني ! هي جوزها طلقها ولا مات

لا يا حبيبتي جوزها مسافر , من ساعة ما اتجوزوا وهو مسافر هههههه يجي شهر كل سنة ,

يا عيني ! الله يكون في عونها

يكون في عون مين يا حبيبتي اذا كانت هي اللي مسفراه وهي اللي جابتله عقد العمل عشان يسافر , الراجل ما كانش عايز يسافر ولا يتغرب لكن هي اللي لحت عليه وقالتله لازم تسافر عشان نعمل قرشين للمستقبل وللعيال

اهاااااا قولتيلي بقى , سبحان الله , واحدة نفسها جوزها ما يفارقهاش وواحدة عايزة تسفر جوزها ومش هاممها غير الفلوس

انتي لسة شوفتي حاجة ! دي ابواب مقفلة على بلاوي يا حبيبتي , وعندك شقة الحاجة هدى اللي في الدور التالت ودي بقى بناتها كلهم متجوزين ماعدا سلوى اللي مغلباها ومطلعة عنيها ومش راضية تتجوز عشان مافيش رجال مالي عينها

هههه وليه بس كدة , هو في حد يكره الجواز

اصلها حلوة حلوة اوي اوي ومن رأيها ان الجواز نظام اجتماعي فاشل هههههههه

هههه الله يهديها ويصلح حالها

آمين يا اشجان

*
*
*
*

انتي يا ست انتيييييييييييييييييييييييييييي انتي يللي اسمك نواااااااااااااااااااااااااااااااااااااااااااااااااااال

عايز ايييييييييييييييييييييييييييييييييييييييييه

انتي فييييييييييييييييييييييييييييييييييييييييييين

في المطببببببببببببببببببببببببببببببببببببببببببببببببببببببببخ

بتعملي ايه في المطبخخخخخخخخخخخخخخخخخخخخخخخخخخخخخخ

ببرد ضوافري يا خوياااااااااااااااااا , بعمل مانيكير وباديكييييييييييييييير , باخد حمام شمس في المطبخ هكون بعمل ايه يا سيديييييييي بحضر الفطار لجنابك يمكن يتمرررررررررررررر . دول الليل والنهار يجعر حاجة تفلقققققققققققق

*
*
*

ايه ده ايه ده ايه الزعيق ده يا بهيرة يا اختي وجاي منين

هههههههههه لا يا حبيبتي ما تاخديش في بالك دي نوال جارتنا اللي في الدور اللي فوق بتصبح على جوزها كالعادة . دلوقتي هتسمعي احلى واعذب الالفاظ الزوجية جوز عصافير ياخواتي جوز عصافير ههههه وبعد الوصلة ما تخلص هتيجي تخبط عليا , ما تيجي عندي شقتي ؟

هههه اجي يختي وانا ورايا ايه ادينا بنتسلوا , دانتي ربنا بعتلك ليا نجدة من السما يا بهيرة والله

ههههه تعيشي يا اشجان يا قمر انتِ

*
*
*
*
*

اتفضل الفطااااااااااااااااااااااااااااااار

هو ده بقى الفطار اللي جنابك بقالك ساعة بتحضريه !!!!!!!! طبق اومليت وخيارتين وعودين جرجير !

مش عاجبك الفطار ؟

لا مش عاجبني

بلاش منه يا سيدي ادي صنية الفطار هرجع بيها المطبخ وانت اتفضل بالسلامة افطر في الشغل يلا بالسلامة مستني ايييييييييييييييييييييييه

انتي بتقولي فيها والله فعلا احسن الواحد ينزل يفطر في الشغل حتى يبعد عن وشك اللي يسد النفسسسسسسسسس

يا شيخ اجري بص في المرايا قبل ما تتريئ علية عشان تعرف انا مستحملة اديه وكاتمة في قلبي وساكتتتتتتتتتتتتتة

اوووووووووووووووووووووووف انا نازل ومن غير سلامو عليكو

امشييييييييييي رجالة ترفع الضغط , ما تنساش تجيب موووووووووووووووووووووووووز

حاضر يا قردة , ادي الجواز واللي بيتجوزووووووووووووووه .كان مالي ما كنت قاعد جنب امي عايش احلى عيشة , الله يسامحك يا مرات خااااااااااااااااااااااااااالي ياريت لساني كان اتقطع قبل ما اقولك هاتيلي عروسة

اما اروح عند بهيرة افك عن نفسي شوية , الراجل نكد عليا , رجالة هم ما وراهومش الا الإمارة والشخط والنطر ع الفاضية والمليااااااااانة

*
*
*

ترررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررن بهييييييييييرة افتحي يا بهيرة

ههههههههه اهي جت اما اقوم افتحلها , اشربي اللمون يا اشجان منوراني والله بيتك ومطرحك يا اختي

هههه الله يخليكِ يا حبيبتي

افتحي يا بهييييييييييييرة افتحي يا طرششششششششششششة

ههههههه جاية يا نوال جاااااااااااااية يا صباح الالفاظ الرقيقة اهلا اهلا اتفضلي

اوووووووووووووووووووووف

يا حبيبتي الناس تقول صباح الخير بلا اوووووووف ههههههه احنا ناقصين نفخ

مين دي كمان اللي قاعدة عندك

دي جارتنا الجديدة اشجان سكنت في الشقة الفاضية اللي قصادي ادخلي سلمي عليها

اهي بلاوي بتتحدف ع العمارة . صباح الخير

اهلا وسهلا صباح النور

انا نوال ساكنة في الدور اللي فوق

اهلا يا نوال انا اشجان جارتك الجديدة

نورتي وانستي , انتي طفشانة من جوزك انتي كمان وجيتي عند بهيرة ؟

ههههههه لا جوزي هو اللي طفشان مني وسافر اسكندرية

يا شيخة احسن بلا ارف , كنتي قوليلي كنت بعت كمال معاه , هما الرجالة وراهم الا وجع القلب

ههههههه اصل جوز اشجان متجوز واحدة تانية في اسكندرية واشجان هي الجديدة وهيجيلها خميس وجمعة

والله احسن حاجة , ياريت الاقي جوازة لكمال ويجيلي خميس وجمعة ولا حتى يجي مرة في الشهر يبقى احسن . البت ياسمين بنتك فين وحشتني

يا سمين عند ماما بقالها يومين وحسين هيعدي يجيبها وهو جاي من المدرسة , مع ان والله مرتاحة منها ومن شقاوتها , الحمل تاعبني ومخلي روحي في مناخيري ودي مش بتبطل شقاوة ولا طلبات

هههه ايه ده انتي حامل زيي يا بهيرة , اصل انا حامل في شهر

ههههه انا اقدم منك بقى انا حامل في تلات شهور يا اشجان , وانتي ما بتفكريش تخلفي تاني يا نوال ولا ايه

يختي بلا وجع قلب مش كفاية علية ايهاب ورباب اللي مطلعين عيني ومكرهيني في عيشتيييييييي انا ما بصدق يروحوا المدرسة عشان ارتاح من قلبة الدماغ , انتي مش هتعمليلنا حاجة نشربها ولا اقوم امشي ؟

حاضر من عنيا هقوم اهو هههه هدي خلقك شوية . ما قولتليش صحيح كنتي بتزعقي انتي وجوزك ليه ؟؟؟؟؟؟؟؟؟؟؟؟؟؟؟؟؟؟؟؟؟

يا حبيبتي في الداخلة وفي الخارجة قالب وشه ومافيش كلمة حلوة يسمعهالي , كل حاجة اوامر وشخط ونطر زي ما اكون خداااااااااااااامة عايزاني اعمل ايه يعني

هههههه يا بنتي هو هيقول كلام حلو ازاي وهو ما بيشوفش منك ريق حلو ! طب والله دا حسين رغم عصبيته وكلامه القليل برضو تلاقيني اتبسم واضحك في وشه , ايوة اومال ايه , اصل الرجالة يحبوا الحنية يا اختي طب والله كل ما اقوله اروح عند ماما اقعد يومين يقولي ابداااااااااااا انا ما استغناش عنك يا بهيرة هههههههه

واحنا مش محتاجين حنية يا ست بهيييييييييرة ! هو كل حاجة نشوف الرجالة بيحبوا ايه عشان نعمله وبيكرهوا ايه عشان نبعد عنه ؟ واحنا ايه بقى ان شاء الله , براطيش في رجليهم ؟؟؟؟؟؟؟؟؟؟؟؟

هههههههه يا حبيبتي اللي يقدم السبت يلاقي الحد والاتنين والاربع ههههههههههه

طب والخميس والجمعة ؟

هههههههههه لا سيبيهم دول بتوع اشجان

ههههههههههههههههههههههههههههههههه يخرب عقلك ضحكتيني وانا ماليش نفس

ههههههههههههههه والله انتو قعدتكو حلوة ونستوني همي وغربتي

*
*
*
*
*
*

اوووووووووووووووف راحت فين اشجان بس , دي عاشر مرة اتصل , استغفر الله العظيم , اجرب تاني

تررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررررررررررررررررررررررررررن

فين مفتاح الشقة اهو , بسم الله الرحمن الرحيم . ايه ده التليفون بيرن ليكون عادل

ترررررررررررررررررررررررررررررررررررررررررررررررررررررررررن

الوووووووووووووووووووو

ايه يا اشجااااااااااااان كنتي فين يا شيخة وقعتي قلبي

ههههههههههه ازيك يا عادل , اني كنت عند بهيرة

بهيرة !!!!!! وتطلع مين بهيرة دي كمان ؟

جارتي اللي في الشقة اللي قصادي ههههههه اسكت يا عادل على بهيرة دي عسل عسسسسسسسل وقعدتها ما ينشبعش منها

طيب يا ستي الحمدلله لقيتي جارة تسليكي , بس برضو كان واجب تقوليلي عشان ما نتخضوش عليكِ

ما تتخضش على غالي , يعني معقول هتصل بيك من القاهرة لاسكندرية عشان اقولك داخلة عند جارتي !

طيب يا ستي حصل خير , مش عايزة حاجة يا شجونة يا حبيبتي

لا متشكرة ربنا يخليك يوووووه نسيت اقولك هاتلي سمك وجمبري وانت جاي

احلى سمك واحلى جمبري يكون عندك يا جميل انت ههههه هو انا عندي كام اشجان

تسلم يا عادل

طيب اقولك سلام انا بقى يا قمر

الله يسلمك يا عادل

—————————————————–

ونكمل في الحلقة الثالثة .. إلى اللقاء في الحلقة الثالثة

بقلم الكاتبة: هبة نور

 

 

مقالات ذات صله