مسلسل متخافيش الحلقة الحادية والثانية عشر والأخيرة

الحلقة الحادية عشر

احمد : لاخر مره هقولك انتى عاوزه ايه منى سبينى انا وهنا فحالنا وانتى شوفى طريقك مع حد تانى وانسينى بقى
كريمه : لا مش هسيبك فحالك ………ممكن اسيب هنا فى حالها بشرط واحد
احمد : هو ايه
كريمه : تجيب منى من عند الزفته دى وتسافرو معايا و……….ووو وتتجوزنى
احمد بعصبيه : انتى اكيد اتجنينتى ؟؟
كريمه بدلع وهى بتقرب من احمد: اتجننت ليه انا بحبك من زمان ……. انا ممكن اعملك كل اللى انت عاوزه ولو عاوزنى افتحلك شركه هفتحهالك من بكره…….بس تكون ليا
احمد وهو بيزقها بعيد عنه: انتى بجد مجنونه ………. انتى عارفه انك اكبر منى ب20 سنه ده غير انى مش بطيق انتى اصلا مش بنى ادمه ……….انا لو هموت مش هتجوزك
كريمه : خلاص اختار مابنت موتك بجوازك منى وموت حبيبة القلب والمرادى هتبقى بايدى عشان اتاكد انها ماتت بجد
احمد : انتى عارفه لو قربتى لهنا
كريمه بضحكه عاليا : مستنيه ردك يا بشمهندس وبكره اخر فرصه ليك تلم حاجتك وتيجى معايا انت فاهم
وركبت العربيه ومشت وسابت احمد فى حيرته والكابوس اللى نفسه يفوق منه وميلقيش كريمه دخلت حياته مره تانيه
……………………..……………………..……………
احمد فى اوضه وقاعد فالضلمه مهموم وحزين وسرحان منى تدخل عليه وتفتح النور
منى بفرحه : مالك يا عريس……. قاعد فالضلمه ليه بتفكر فى هنا مش كده
احمد بداءت دموعه تنزل وهو مش قادر يمسكها
منى بخضه : مالك يا احمد فى ايه
احمد حكالها كل حاجه
احمد: انا مش عارف اعمل ايه انا خايف على هنا وفنفس الوقت مش هقدر ابعد عنها
سكت ومسح دموعه وحاول يقوى : بس انا لازم اختار …….منى قومى جهزى حاجاتنا
منى : ايه ..بس
احمد بنرفزه: من غير بس عشان خاطرى متصعبيش الدنيا عليا انا مش ناقص
وسابها ومشى
……………………..……………………..………………
هنا قاعده فى اوضتها بتكتب وسمعت جرس الشقه بيرن والام من المطبخ : ياهنا افتحى الباب
هنا : حاضر ياماما
وراحت هنا تفتح شافت احمد وقلبها بداء يدق والسعاده والفرحه مليا عنيها
هنا : اهلا يااحمد ……….اخبارك ايه ؟؟
احمد بحزن : تمام ……….هى ماما هنا عاوزها فى موضوع
ام : انا هنا يا حبيبى ……….خير
احمد بتردد : بصراحه ………………….
هنا بقلق : فى ايه يا احمد اتكلم
احمد : انا اسف يا هنا ……….حاولى تنسى اى كلام قولتهولك وانا بنسحب من طلبى انى اتجوزك ….انا عارف انكم ساعدتونى كتير وانا ومنى تقلنا عليكم كتير بس انا جيالى فرصة شغل كويسه وهسافر انهارده وهاخد منى معايا ….وانا بجد متشكر على كل حاجه عملتوها معايا واسف انى كدابة عليكم وبينت مشاعر مش حقيقيه ……..انا بس كنت موهم بسبب قربى من هنا الفتره اللى فاتت بس بصراحه انا مش هقدر اكدب عليكم ولا على نفسى وانتم كمان متستهلوش منى كده ………………اشوف وشكم بخير انا همشى انا ومنى بكره الصبح …..مع السلامه
ومشى احمد وهنا وام لسه مش مستوعبين الكلام ولا حتى ردو عليه وفضلو ساكتين شويه لحد ما بداءت هنا تعيط وانهارت فالعياط وقربت منها الام واخدتها فى حضنها
……………………..……………………..…………..
تانى يوم
هنا قاعده على الانتريه وضمى رجلها وحطى وشها فالنص وعماله تعيط
الام تقرب عليها : هنا انتى برده مانمتيش ………يا حبيبتى بطلى عياط بقى ………انا مليش حد غيرك ومش هسيبك تضيعى منى كده
وشويه وجرس الباب يرن والام تروح تفتح وتشوف منى قدامها
الام بحزن : خلاص ماشين
منى جرت على الام ودخلت حضنها وقعدت تعيط جامد وبعدين مسحت دموعها
منى : هنا فين ؟؟
الام: جواه
دخلت منى شافت منظر هنا صعبت عليها اوى
منى : هنا ………انا ماشيه دلوقتى
هنا مش بترد
منى : هنا عشان خطرى متنزعليش ………
منى : هنا انا لازم انزل عشان احمد مستنينى تحت
هنا بداء عياطها يزيد تانى
حضنتها منى اوى ودتلها ورقه وسابتها ونزلت
……………………..……………………..…………
بعد ساعتين
فى جراج احد الفنادق
كريمه واقفه وموجه المسدس فى وش احمد اللى بخبى هنا وراه وبيطمنها : ما تخـــــــافيش
وفجاء نسمع صوت طلقه خارجه من المسدس
طاااااااااااااااااااااااااااااااااخ

Vertical ad

الحلقة الثانية عشر والاخيرة

هنا قاعده فى مكانها لسه ومنهاره من العياط وبعد ما تعبت حاولت تهدء شويه وشافت الورقه اللى فاديها وفاتحاتها تشوف فيها ايه
” هنا احمد بيحبك ….هو عمل كده عشان كريمه …..كريمه عرفت كل حاجه وبتهدده انها تموتك او انه يتجوزها وهو اختار يموت نفسه بجوازه بيها عشان يحميكى ………انا اول مره اشوف احمد بيعيط بالدموع وده عشانك ……. احنا موجودين فى فندك __________ حاولى تساعدى احمد “

هنا شافت الكلام مبقتشى عارفه تفرح ولا تزعل ولا تعمل ايه عشان تساعد احمد
دخلت لبست بسرعه ونزلت
……………………..……………………..…………
فالفندق
احمد ومنى مع كريمه
كريمه : احنا هنسافر دلوقتى
منى بارتباك : دلوقتى ………..مستعجله ليه
كريمه : عشان نلحق نوصل قبل الليل
احمد قام شال الشنط ونزل الجراج ومنى وكريمه وراه
منى وكريمه واحمد قاعدين فالعربيه
كريمه بضحكه صفره : مكنتش اعرف انك بتحبها كده
احمد بصلها بقرف وبص تانى من الشباك
وشويه ولقى احمد هنا وقفا بعربيتها قدام عربية كريمه
منى فرحت ان هنا لحقتهم ونزلت من العربيه جرى لهناواحمد كمان نزل بسرعه وهو مخضوض
احمد: هنا انتى جيتى هنا ليه ……..وازاى
منى بصتله بابتسامه وغمزتله
هنا : احمد انا عرفت كل حاجه ……….. ومش هقبل انك تضحى تانى عشان ولا تحمينى تانى على حسابك
وبصت لكريمه بتحدى : موتينى وسيبى احمد
كريمه وهى بتضحك : انتى لسه شايفه فلم عربى قديم وماثر عليكى ………..غورى كده من قدامى
وزقت هنا ووقعتها على الارض وجرى عليها احمد وقومها
احمد: هنا روحى ونسينى انت مش هيجيلك من ورايا الا المشاكل
هنا بدموع : لا مش هروح انا عاوزه اموت بس متسبنيش ………احمد انا عرفت معاك الامان …..فاكر اول كلمه قولتهالى لما عرفتك ” ماتخفيش “ومن ساعاتها انا نسيت الخوف عشان انت معايا ………لو انت فاكر انك بكده بتحمينى من الموت بالعكس انت كده بتموتى اكتر وبطريقه ابشع عشان خطرى متسبنيش
احمد فضل واقف مكانه وهو مش عارف يقول لهنا ايه لانها كانت تقريبا بتقول اللى جواه
فجاءه خرجت كريمه مسدس من شنطتها ووجهته نحية هنا
كريمه : خلاص بدام الادب مش نافع معاكى ……….نجرب طريقه تانيه
احمد بعصبيه : انتى اتجنينتى
كريمه بضحكه بصوت عالى : مش هى نفسها تموت وانا هحققلها امنياتها
احمد وقف قدام هنا وخباها وراه
ومنى كانت مسكه احمد وهى خايفه عليه وعلى هنا
وفجاءه سمعو صوت طلقه طااااااااااااااااااااااااااخ
منى حطت ايدها على وشها وهنا غمضت عنيها وهى بتعيط وبعد ثوانى بصو على احمد وهم فكرينه انضرب بالرصاص وهو كمان بيبص على جسمه بس ملقاش دم ولا اى حاجه بصو لبعض باستغراب وبصو على كريمه لقوها وقعه على الارض ودماه اسايح وفى واحد وراها بكام متر بيضحك بشكل هستيرى ويقول : اخير قتلتها ونتقمت منها ………ااااخير قتلتها
اتلمت الناس وجه امن الفندق ومسكوه واحمد كان حاضن البنتين هو لسه مش مستوعب اللى حصل بعد ما خلص من اكبر كابوس فى حياته
……………………..……………………..…………
بعد سنه
هنا نايمه على السرير وفجاء بتفتح الاباجوره وهى بتصوت بوجع
هنا: احمد ااااااااااااااااااه يااحمد
قام احمد مفزوع من النوم
احمد : فى ايه
هنا : بوووووووووووووووووووووووولد ااااااااااالحقنى
وجرى احمد على الشقه اللى قصادهم وصحى منى والام
احمد: الحقونى هنا بتولد
وى المستشفى
هنا على الترولى ودخله اوضه العمليات وماسكه ايد احمد
احمد بيبصلها بحب : ما تخافيش
هنا بابتسامه موجوعه : مش خايفه ………عشان انت معايا

النـــــــــــــــــــــهاية

احلى احساس فالدنيا هو الاحساس بالامان والاحساس ده مش بيجى بالفلوس ولا بالجاه ولا بالسلطه بيجى لما بتحس ان اللى حوليك بيخافو عليك بجد وممكن يضحو بكل حاجه عشانك وعشان حمايتك
ممكن تبقى عايش فى قصر وحواليك الحراس والخدامين بس مش حاسس بالامان وممكن تبقى عايش فى عشه بس حاسس بالامان
اصل الامان حاجه معنويه مش ماديه حاجه جواك بتحساها ومتقدرشى تشتريها
باختصار كده الامان انى مخافشى عشان انت معايا
وانى اموت فى جلدى وانت بعيد عنى حتى لو فى الف واحد حواليه

———–———-———————-————

 ماتنسوش تعلقوا علي الحلقة في صفحة مدام طاسة والست حلة

 الى اللقاء مع مسلسل جديد

شكر خاص للكاتبة :ريم أحمد

مقالات ذات صله