قصة و عبرة

هي دي مشكلتي ومحتاجة تقولولي اعمل ايه

هي دي مشكلتي ومحتاجة تقولولي اعمل ايه

هي دي مشكلتي ومحتاجة تقولولي اعمل ايه

انا هحكيلكم مشكلتي بس ارجو الإفادة انا عندي ٢٥ سنه وجارتي عندها ٢٨ سنه
انا معايا بنوته عندها خمس سنين وهيه معاها بنوته ست سنين
ودايما بيلعبوا مع بعض وعادي بيضربوا بعض ويرجعوا يلعبو مع بعض تاني
ومره وحده كدا لاقيت بنتي مش عايزه تروح تلعب مع بنتها وكل ما البنت تيجي تقولها تعالو نلعب
بنتي بترفض وبتفضل تعيط انا بقيت مستغربه وهيه اوقات كانت بتيجي من عندهم معيطه

انا اسألها مالك تقولي طنط ضربتني اقولها ضربتك ليه تقولي ضربتني علشان ضربت بنتها
انا اسال جارتي تفضل تحلف انها مضربتهاش البنت مرضيتش تروح عندهم تاني خالص
وهيه منعت بنتها تيجي عندنا خايفه اعمل زيها واضرب بنتها بس دا مستحيل يحصل
ألمهم هيه كانت بتروح تجيب بنتها من الحضانه كانت بتلاقيهم ضاربين بعض
فتضرب بنتي وتسيبها وتيجي وتخبط عليا وتقولي شوفي بنتك ضربت بنتي

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­

انا اقول للبنت معلش واشيلها وابوسها واقولها لما تيجي هضربهالك
انا قلت لجوزي وانت رايح الحضانه مودي البنت تقول للميس متخليهومش يقعدو جنب بعض
علشان بيضربوا بعض وهوا قال للميس الميس قالتله دي الست هيه اللي بتضربها مش البنت
هما بيلعبوا مع بعض وبيحبوا بعض بس كل ماتلاقي البنت ضربت بنتها ولو بهزار بتضرب بنتك

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .

وكانت عايزاني اكتب في كراسة البنت ان مامتها هيه اللي تجيبها الحضانه وهيه اللي تيجي تاخدها
هيه احسن مننا في ايه جوزها هوا اللي يجيب البنت وياخدها مع العلم ان جوزي هوا اللي بيوديها
وهوا نازل على الشغل الحضانه في سكته وبعد ما تخلص التوكتوك بيجيبها هيه

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .

مش عايزاني اقعد في البيت عايزاني انا اوديها واجيبها لما جوزي قالي كدا
انا اتضايقت وعرفت بنتي ليه مش عايزه تلعب مع بنتها تاني وزعلت على بنتي جدااا
ولما قولتها فضلت تحلف انها مضربتهاش وانها مقالتش حاجه للميس

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .

انا دلوقتى كرهتها جدآ جدآ جدآ ومبقتش طايقه اشوفها قدامي
من اللي هيه عملته وجيراني حاولوا يصالحوني عليها انا رفضت وبشده
لاني جوزي حلف عليا طلاق اني ما اتعاملش معاها تاني
انا دلوقتى بقيت محتاره مش عارفه اعمل ايه
انا مش عايزه اكلمها تاني افيدوني لو سمحتوا

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .

تمت اذا اعجبتكم قولولنا رايكم في التعليقات

ان انتهيتم من القراءه صلوا على خير خلق الله

صلى الله عليه وسلم.

زر الذهاب إلى الأعلى