قصة و عبرة

انا مطلقة من 10 سنين محتاجة رأيكم ضروري

انا مطلقة من 10 سنين
وعندي ولد وبنت مع ابوهم
عندي 41 سنه وحصل ان في خلال ال 10 سنه اتحوزت مرتين بس عرفي
في السر يعني اهلي يعرفوا جوازه واحده منهم والتانيه لأ لاني بشتغل
وعايشه في محافظه بعيده عنهم والجوازت ديه فشلت واحده مكلمتش سنه

والتانيه كانت سنتين ومحصلش حمل ولا حاجه لاني كنت حريصه جدا اني مخلفش
من الجوازت ديه الا لو بقوا جواز رسمي وده محصلش بس كان فيه شهود على الجوازت ديه
ودلوقتي في واحد زميل ليا عاوز يتقدملي نفس سني بالتقريب كده
ومتجوزش قبل كده بس خطب كام مره وجاتله عقدة من الجواز
­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­

لحد ما نقل للشغل اللي انا فيه بقاله سنه وبقينا نحب بعض من فترة
وعاوز نحدد يوم علشان نسافر لأهلي ويخطبني ونتجوز على طول بعد عيد رمضان ان شاء الله
وهو ميعرفش غير اني مطلقه من 10 سنه وميعرفش حاجه عن الجواز العرفي خالص

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .

فهل المفروض اقوله عليهم ولا ديه خصوصيتي ومش لازم يعرف عنها حاجه
وخاصه اني كنت بتجوز بالحلال يعني مش بعمل حاجه حرام بس خايفه
لو قولتله يرجع في كلامه وانا بحبه اوي وهو كمان بيحبني
ومستعد يعمل اي حاجه علشان بس هو شديد في موضوع الغيره اوي

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .

وانا كمان من جوايا مقتنعه انه مش لازم يعرف ده ماضي وانتهى من فترة طويله
ومفيش حاجه رسمي هتظهر بس برضه محتاره ايه رايكم
هل اقوله ولا خلاص ماضي وراح لحاله

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ .

تمت اذا اعجبتكم قولولنا رايكم في التعليقات

ان انتهيتم من القراءه صلوا على خير خلق الله

والله هيرضيكم . صلى الله عليه وسلم.

زر الذهاب إلى الأعلى