ترفيهمسلسل فيروز

مسلسل فيروز الحلقة الخامسة والعشرون

الحلقه الخامسة والعشرون

ريناد مشت بسرعه وهى منهاره بالعياط ووقفت تاكسي ومشت

يوسف كان بيجرى وراها بس ملحقهاش

ركب عربيته بسرعه وفضل ماشى وراء التاكسى

لحد ماوصلت الفيلا

يوسف ركن بسرعه ونزل شدها من ايدها

يوسف : استنى ياريناد

ريناد بعصبيه : سيب ايدى يايوسف

وشدت ايدها ومشت خطوتين مسكها تانى من ايدها

يوسف بعصبيه : بقولك استنى

ريناد بصوت عالى : سبنى يا يوسف احسنلك

يوسف : ينفع تقفى وتسمعينى … انتى اصلا ازاى تمشى كده ولا كان معاكى راجل

عمار وفيروز جرو عليهم

فيروز : فى ايه

ريناد بعياط : مافيش وسابتهم وجرت

وبعدين فجاءه وقفت وتجمدت مكانها لما سمعت

يوسف بصوت عالي : عمار … انا بحب ريناد وعاوز اتجوزها

عمار بصله وهو متنح : ايه

ريناد فضلت بصاله وهى مش مستوعبه هو قال ايه

يوسف : بقولك انا بحب ريناد … وعاوز اتجوزها

ريناد بعياط : وانا مش موافقه

فيروز باستغراب : ايه .. انتى بتقولى ايه

يوسف قرب منها : ريناد انا مش عاوز ردك دلوقتى .. تعالى عاوز اتكلم معاكى

ريناد : وانا مش عاوزة اكلمك ولا اروح  معاك فى حته

يوسف : انا بحبك بجد

ريناد بعياط : وانا بكرهك ومش عاوز اشوفك تانى

يوسف : بطلى جنان بقى … وتعالى معايا

ومسكها من ايدها وشدها

2015-08-14_202403

عمار وقف قدامهم : استنى انت رايح فين … انا عاوز افهم فى ايه …

انت مش محترم وجودى .. فى ايه

 

فيروز قرب من عمار وبحنيه : سيبهم عشان خاطرى .. وانا هافهمك

عمار بصلها وبعد عن طريقهم وفضل واقف يبص عليهم

ويوسف اخد ريناد ومشو بالعربيه

عمار بص لفيروز : انتى تعرفى حاجه انا مااعرفهاش

فيروز : تعالى نقعد وانا هافهمك

 

…………………………………………………….

 

فريده قاعده فى اوضتها رايحه جايه رايحه جايه

وكل شويه تمسك موبايلها تبص عليه وبعدين ترميه تانى على السرير

فريده بضيق وهى بتكلم نفسها

” للدرجه دى ولا بقيت فارقه معاه … يعنى مش كفايه زعقلى

وكمان ولا كلمنى ولا عبرنى “

” هوخلاص مبقاش بيحبنى … هو ليه بيعاملنى كده … طب رجعلى ليه تانى … عشان يعذبنى وينتقم منى “

فجاءه الموبايل رن جرت عليه بفرحه بس خاب ظنها واتغيرت ملامح الفرحه لتكشيره

فريده بضيق : الو

احمد: ايوه يا استاذه فريده

فريده : خير فى جديد

 

احمد :انا انهارده كلمت واحد اسمه على يبقى جارهم وخطيب بنتهم واخدت منه ميعاد

بكره الصبح …. لو حابه تحضرى المقابله

 

فريده : اه طبعا هاجى

احمد : خلاص ماشى هافوت على حضرتك في الجرنال ونروح مع بعض

فريده : ان شاء الله … ماشى … يلا سلام

احمد : سلام

 

وبعدين مسكت موبايلها ورنت على عمار بس محدش رد

فضلت ترن عليه اكتر من مره لحد مازهقت وقفلت موبايلها وهى متعصبه ومضايقه

 

……………………………………………………….

 

ريناد مع يوسف في العربية ساكته وبصه جانبها ودموعها بتنزل لوحدها

يوسف : ممكن تبطلى عياط

ريناد ساكته ومش بترد عليه

يوسف : ريناد … انا بحبك

ريناد بعصبيه : يوسف اسكت ماتقولشى الكلمه دى تانى

يوسف وهو بيركن بعصبيه : انا مش فاهمك … بقولك بحبك … مش انتى كنتى عاوزه كده

ريناد بدموع اكتر وهى بتحط ايدها على ودنها : اسكت … بقولك اسكت

يوسف مسك ايدها بحنيه : انا اسف … والله دموعك دى غاليه عليا ماتعيطيش بقى

ومد ايه مسح دموعها

ريناد فضلت تبصله بحب وهى ساكته

يوسف بحنيه : ريناد

ريناد : نعم

يوسف : بحبك

ريناد : ماتقولهاليش شفقه

يوسف باستغراب : شفقه ؟

 

ريناد : انت بتقولهالى عشان صعبت عليك بعد الكلام اللى قولته …

لو فاكر انى كنت هبقى مبسوطه بالعكس انت كده بتتعبنى اكتر

 

يوسف : بس انا بحبك بجد … صحيح عمرى ماقولتها بس انا كمان بحبك من

زمان بحب كل حاجه فيكى شقاوتك وضحكتك وغلاستك عليا …. بحبك ومكنتش اعرف …

بحبك ومحتاجلك معايا فى كل وقت …. بحبك وخايف تضيعى منى …بحبك بس كنت خايف عليكى

 

ريناد : خايف عليا … من ايه ؟

 

يوسف : منى … كنت خايف عليكى من نفسى … انا بحبك لدرجه انى مستكترك عليا …

شايفلك دايما الاحسن انا مااستهالكيش

2015-08-08_175307

ريناد : وانا متمناش غيرك

يوسف : وانتى الوحيده اللى حاسسها ام اولادى وحبى الوحيد … ريناد تتجوزينى

ريناد وهى بتهز راسها بالموافقه ودموعها نزله : اه

يوسف : طيب بتعيطى ليه

ريناد : دموع الفرحه

يوسف مسحلها دموعها وبصلها بحب

يوسف : انتى احلى بنوته فالدنيا بجد …. تحبى تروحى فين بقى

ريناد : اى حته بدام معاك

 

وطلع يوسف بالعربيه وهو هيطير من الفرحه واكيد ريناد كمان

2015-08-08_175241

………………………………………………………..

 

عمار بضيق : كل ده بيحصل من ورايا

 

فيروز : مش من وراك ريناد نفسها مكنشى ينفع تقول وتتكلم على مشاعرها لانها مش

متاكده من الطرف التانى فضلت انها تسكت وتتعذب بحبها ده لوحدها

 

عمار : طيب ايه اللى غير يوسف كده

 

فيروز : من اول يوم دخلت فيه البيت ده وانا عارفه ان يوسف بيحب ريناد مشاعره

كانت واضحة بس هو ماكنشى شايفها كان معمى عنها باللى بيعمله والبنات اللى حواليه

 

عمار : بس انا خايف على ريناد منه … صحيح انا بحب يوسف وهو جدع بس

هو بتاع بنات وريناد هتنجرح وهى معاه

 

فيروز : للاسف محدش فهم يوسف صح

عمار بغيره : وانتى بقى فهمتيه 

 

فيروز : اه … يوسف كان ناقصه حاجه ناقصه عائلة وحد يكون جانبه طول الوقت …

ناقصه حد يطبطب عليه حد يقوله بحبك حد يفرح معاه … وعشان هو كان ذكى وعارف

انه مجرد احتياج خاف يتعلق بوهم واختار الطريقه اللى يسد بيها احتياجه بس هو كان

واضح مع نفسه ومع اللى قدامه وكان عارف ان اللى بيحصل بينهم ده مصلحه مجرد

سد خانه فى حياته حاجه مؤقته وكان بيعمل ديل وبيدى فرصه للى قدامه انه يوافق عليه  …

انا شخصيا احترامت ده فيه

 

فيروز سكتت شويه

 

وبعدين بصت لعمار : يوسف نضيف اوى من جواه وحنين وطيب اوى …

بس هو كان بيحاول يبان وحش بيعاقب اهله بكده عاوز يفهم ان بعدهم بيإذيه

وعشان كده حاول يإذى نفسه بجد …بس عشان هو من جواه كويس كان

واضح وصريح مع نفسه ومع كمان اللى قدامه

 

عمار كان مضايق ان فيروز بتتكلم كده عن يوسف

عمار : انتى معجبه بيه

فيروز بابتسامه : انا بحبه

 

عمار اضايق اوى

 

فيروز كملت كلامها : هو اخويا اللى بعتمد عليه فى حاجات كتير وبحب

ريناد اوى وواثقه انهم بيحبوا بعض وهايسعدوا بعض

 

عمار : طيب ممكن اسالك سؤال

فيروز : اتفضل

 

عمار : انتى قولتى ان يوسف كان واضح فى احتياجه …

تفتكرى ازاى نعرف نفرق بين الحب الحقيقى والاحتياج

 

فيروز بصتله وضحكت

عمار باستغراب : بتضحكى ليه

 

فيروز : اول مره روحت فيها للدكتور قالى حاولى تفرقى بين الحب والاحتياج انا

اصلا ماكنتش فاهمه افرق ازاى ونزلت سألت يوسف ايه الفرق بين الحب والاحتياج

 

عمار باهتمام : وقالك ايه ؟

 

فيروز : اجابته كانت مش واضحه برضه بس هو قالى ان حاله ووضعه مع البنات

اللى يعرفهم ده احتياج لكن الحب الحقيقى مش كده …. بس انا حاولت افكر شويه

يمكن اوصل لاجابه اوضح

 

عمار : ووصلتى

فيروز : يعنى

 

………………………………………………

 

ريناد قاعده مع يوسف فى مطعم على النيل

ريناد كانت بصه على النيل وساكته

يوسف : مالك ياحبيبتى

ريناد بخضه : حبيبتك !

يوسف : طبعا حبيبتى

ريناد : هو ده بجد ولا حلم

يوسف وهو بيمسك ادها : لاء بجد

ريناد : يوسف انت بتحبني بجد .. خايفه تكون اتسرعت

يوسف وقف وبصوت عالى : بحبك والله بحبك وبموت فيكى

ريناد بكسوف وكل الناس بيبصو عليهم : بس اسكت اقعد

ووشها جاب كل الالوان : عجبك كده الناس بتبتص علينا

يوسف : محدش ليه عندى حاجه

ريناد بابتسامه : مجنون

يوسف : ههههه من زمان

ريناد : طيب نتكلم بعقل شويه

يوسف : نتكلم فى ايه

ريناد : مصطفى

يوسف بضيق : ماله

ريناد : هتعمل معاه ايه


—————————————————–

ونكمل في الحلقة السادسة والعشرون  .. إلى اللقاء في الحلقة السادسة والعشرون

بقلم الكاتبة: ريم أحمد

 

 

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى