ترفيهمسلسل خلف هذه الجدران

مسلسل خلف هذه الجدران الحلقة الأولى (الجزء الأول)

 

” مقدمـــــة ” مسلسل خلف هذه الجدران (الجزء الأول)
**********
**********

اهلا بيكو ومنورين نورتوا عمارتنا
طبعا عايزين تعرفوا ايه اللي خلف الجدرانخلف الجدران حكايات وحكايات وكل اربع جدران ليهم باب مقفول على اسرار وحكايات

بس هنتعبكو معانا ونرجع شوية لسنة تسعين

اصل ابطالنا لسة ما اتولدوش هههههه نتعرف على اهاليهم الاول وحكايات اهاليهم قبل

ما يشرفوا الدنيا ونعيش معاهم طفولتهم ومراهقتهم وشبابهم ومشاكلهم اللي مستخبية
خلف الجدران نتعلم من اخطائهم واخطاء اهاليهم عشان ما نقعش فيها ونستفيد من
تجاربهم اللي اكيد هنلاقي عبرة فيها

عايزة اقول ان ربنا نزل في الدنيا شرع يحكمها وعرفنا الحلال وعرفنا الحرام ووصانا بالعدل وعدم الظلم
في ناس استجابت وفضلت رضى الله , وناس ضلت واختارت الهوى ورضى النفس والناس

الدنيا زي ما فيها الخير فيها الشر ويا بخت اللي يعيش في الدنيا دي بقلب
مليان خير ويزرع خير ويحصد خير ويرضي ربه ولو بسخط الناس

تعالوا نشوف اللي مستخبي خلف هذه الجدران

اقدم لكم مسلسل

خلف هذه الجدران

ارجو من الله ان يتقبله مني دفاعا عن ثوابت الدين واظهار روعة

الشريعة والسنة النبوية المشرفة على صاحبها ازكى السلام وأتم التسليمأختكم هبة نور

———————————————-

 

” الحلقــــ (1) ــــة ” من مسلسل خلف هذه الجدران (الجزء الأول)**********
**********

وقفت بالعربية هنا ليه يا عادل ؟
حمدالله ع السلامة يا اشجان يا حبيبتي وصلنا القاهرة ودي العمارة اللي فيها الشقة الجديدة , ها ايه رأيك في العمارة الفخمة دي ؟كويسة

لالالالالا انتي مفترية بقى هههه انتي ما تعرفيش الشقة هنا كلفتني كام وتوضيبها كلفني كام ولا الموبيليا الموبيليااااااا اللي هتخطف عقلك لما تشوفيها يا اشجان يا قمر انتِ ههههه

شكرا يا عادل كتر الف خيرك

طب يلا يا حبيبتي انزلي من العربية على ما اجيب الشنط من شنطة العربية عشان نطلع

ماشي , اديني نزلت يا سيدي

استني انادي على البواب ياخد الشنط , عواد يا عووووووووووووووواد

اهلا اهلاااااااااا حمدالله ع السلامة يا سعادة البيه حمدالله ع السلاامة يا ست هانم

الله يسلمك يا عواد , خد الشنط وطلعلها فوق

من عنيا يا بيه . بت يا فهييييييييييمة

نعمين يا عواد نعمييييييييييييييييين

خدي شيلي معايا الشنط نطلعها لشقة عادل بيه الساكن الجديد

هي دي مراته ؟

اومال يعني جايبها من الشارع ! يلا قدامي

حاضر حاااضر حمدالله ع السلامة يا ست هانم , انا فهيمة مرات عواد

اهلا يا فهيمة الله يسلمك

نورتي العمارة والله , لو عوزتي أي حاجة اندهي علية وانا تحت امرك

ربنا يخليكِ يا فهيمة

هي مالها مكشرة كدة ليه !!! المفروض تكون فرحانة بالشقة الحلوة والعمارة الحلوة دي , الناس اسرار تحير اللي ما يحتار

سمي الله وادخلي يا اشجان . منورة شقتك الجديدة يا حبيبتي ومنورة القاهرة كلها هههههه اسكندرية ضلمت والقاهرة نورت ههه

بسم الله الرحمن الرحيم . منورة بوجودك يا عادل

هاااااااا ايه رأيك في الشقة الحلوة زي صاحبتها دي ؟ ههههههحلوة اوي يا عادلشكلك مش مبسوط ليه يا حبيبتي

وننبسطو ازاي يا عادل وانت هتسيبني هنا في القاهرة اللي ما اعرفش فيها أي مخلوق وترجع اسكندرية لمراتك الاولانية اهئ اهئ اهئ

يا حبيبتي معلش حكم الظروف اقوى مننا

اهئ اهئ حكم الظروف ولا حكم سعاد ؟ اهئ اهئ اهئ

حبيبتي معلش كلها فترة وسعاد اعصابها تهدا ونيجو ناخدك اسكندرية تاني

لا تاني ولا تالت خليني هنا للوحدة تقتلني وانت اتفضل روح لمراتك وولادك عشان ما تتأخرش عليهم

ههههه وانتي مش مراتي وحبيبتي برضو يا اشجان !

ايوة طبعا ما هو باين اني حبيبتك وبتخاف علية اوي اهئ اهئ اهئئئئئئئ

اوووووووووف , على العموم هنزل دلوقتي اجيبلك شوية طلبات ولحمة وفراخ وكل اللي تحتاجيه لحد ما اجيلك الخميس الجاي

متشكرة

*
*
*

في ايه يا بهيرة فاتحة شراعة الباب وبتبصي على اييييييييه

استنى بس يا حسين يا حبيبي , شوفت راجل خارج من الشقة اللي قدامنا ومن شوية كان داخل ومعاه واحدة . الظاهر كدة جيران جداد وسكنوا في الشقة اللي قدامنا

طب واحنا مالنا يا ستييييييييي اقفلي الشراعة وروحي اعمليلي كوباية شاي

لا اله الا الله , مانا لسة عملالك يا حسين , دي الكوباية لسة قدامك ما اتغسلتش يا حبيبي

بلاش يا ستي انزل اشربها ع القهوة

والله ما انت ناااااااااااااااازل . هي تلكيكة وخلاص عشان تجري ع الشارع ! هدخل اعملك براد شاي بحاله

هههههه ما كان من الاول يا بهيرة

*
*

بس انا برضو لازمممممم اعرف مين السكان الجداد دووووووووووول . الصباح رباح , اول ما حسين يروح المدرسة هخبط عليهم عشان اتعرف على مرات الراجل اللي نزل ده , يكون نزل راح فين ده كمان ! يووه وانا مالي انا . هو انا هشيل هم جوزي وهم اجواز الجيران كمان ولا ايه . اودي كوباية الشاي لحسين . حسيييييييييييييييييييييييييين جايلاك بالشاي يا حبيبي

*
*
*
*
*

اشجاااااااااااااااااااااااااان انا جيت يا حبيبتي وجبت الطلباااااااااااااات

اهلا يا عادل

اهلا بيكِ يا قمر ههههه بصي يا ستي تعالي شوفي الطلبات دي عشان لو ناقص حاجة اجيبها قبل ما اسافر

سافر بالسلامة انت ما تشغلش روحك بيا

طب مش تيجي تشوفي الاكياس فيها ايه الاول جايز تكون حاجة ناقصة ؟

مش فارقة يا سيدي , اتوكل على الله انت عشان الوقت اتأخر وزمان الهانم قلقانة عليك

هههه طب ابتسمي الاول عشان يبقى اخر حاجة نشوفوها قبل ما ننزلوا هي ابتسامتك

والله ! معلش خليها مرة تانية

مممم حبيبتي انا مقدر انك زعلانة عشان دي اول مرة تبعدي عن اسكندرية

اهلي وناسي وجيراني واصحابي وكل حبايبي وكل سنين عمري اللي فاتت يا عادل

هههههههه يا حبيبتي بينك وبين كل ده ساعتين بالعربية , انا ما سفرتكيش بلد تانية , انتي في مصر برضو

ممممممم

على العموم انا هوصي مرات البواب عليكِ و لو عوزتي أي حاجة اتصلي بيا

ولو مراتك ردت

وايه يعني ! ما هي عارفة انك مراتي انتي كمان وليكِ حقوق عندي

مممممم طيب يا عادل مع السلامة انت بقى عشان ما تحصلكش مشاكل بسبيي

ماشي يا حبيبتي خدي الفلوس دي خليها معاكِ لاي ظرف طارق

اشكرك يا عادل

استودعك الله حبيبتي السلام عليكم

وعليكم السلام ورحمة الله وبركاته اهئ اهئ اهئئئئئئئئئئئئئئ

—————————————————–

ونكمل في الحلقة الثانية .. إلى اللقاء في الحلقة الثانية

بقلم الكاتبة: هبة نور

 

 

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى