ترفيهمسلسل الحب فى زمن الـــ لا حب

مسلسل “الحب فى زمن الـــ لا حب” الحلقة الثامنة

 

الحلقة الثامنة

 

ساره بليل فتحت موبيلها تانى لقت رسايل كتير من كريم

 

” ساره انا اسف انى اتعصبت عليكى “

” انا عارف ان اصحابك هيقولو كلام وحش فحقى عشان كده طلبت منك متقوللهمش “

“ساره متسمعيش لاصحابك انا بحبك ومش بلعب بيكى “

” ساره انتى وحشتنى بجد ليه بتعقبينى كده “

” لما تفتحى موبيلك ابقى كلمينى انا بحبك “

” ساره حرام عليكى بجد كلمينى بقى “

 

ساره لما شافت الرسايل فرحت وحست ان كريم بيحبها بجد وراحت بسرعه كلمته

كريم اول ملقى تليفونه بيرن واسم ساره قال فسره ” اخيرا ده انتى طلعتى عينى ……….ياترى اصحابك قالولك ايه “

ساره : الو

كريم : كده يا ساره تعملى فيه كده

ساره عامله نفسها زعلانه : عملت ايه ؟؟

كريم : انتى بتهزرى ….. طيب بذمتك موحشتكيش

ساره : اه وحشتنى بس انا ادوس على قلبى عادى لو حد زعلنى

كريم : وانا اسف انا عارف انى اتعصبت عليكى بس قدرى موقفى انا مصدقت اخروج معاكى وانتى سبتينى فجاءه وكمان مبترديش على مكلماتى

ساره : وانت ليه مقدرتش الموقف الزباله اللى كنت فيه قدام اصحابى وحتى مهنشى عليك تطمن عليه

كريم : خلاص بقى انا اسف …..انا غلطان ياستى متزعليش بقى

ساره : خلاص يا كريم حصل خير

كريم : انتى عملتى معاهم ايه …….اكيد قلولك انى بلعب بيكى وانهم خايفين عليكى منى

ساره : خلاص يا كريم الموضوع خلص وانا مش عاوزه اتكلم فيه

كريم : ماشى يا ساره بس انا عاوزك تعرفى انى بخاف عليكى اوى ومهما يكونو اصحابك شيفينى انا متمسك بيكى وبحبك

ساره : وانا كمان بحبك

وفضلو يتكلمو طول الليل مع بعض واتصلحو وطبعا كريم ضحك عليها بكلمتين حلوين زى العاده والموضوع عدى

 

…………………………………………………………………………..

 

وعدى حوالى شهرين وخلصو امتحانات واخدو الاجازه وفضل الوضع زى مهو ساره وكريم مع بعض من غير محد ميعرف ومش بيتقبلو غير فالنادى مع كل اصحابهم وطول الليل بيتكلمو فالتليفون ونور ومريم كانو بيحولو ينصحوها بس الحب كان عميها وكلام كريم اللى كل بنت محتاجه مخليها مش مصدقه اى حاجه وحشه عنه

وفى يوم كانو كلهم قاعدين فالنادى الصبح وقلقانين

نور : هم اتاخرو كده ليه

مريم : ايه يابنتى هم لحقو ……….بطلى قلقل بقى

نور : ساره متكلمى على كده تشوفى عملو ايه

ساره مسكت موبايلها ورن على على لقت تليفونه مقفول فبتلقائيه اتصلت بكريم

كريم بص على موبيله لقى ساره وبص لعلى اللى كان واقف جانبه وشويه وخلصت الرنه ورجعت ساره ترن عليه تانى

على : ايه يابنى مترود على تليفونك

كريم بتوتر : اصله رقم غريب

على : طيب مترود ايه المشكله

كريم : الو

ساره : الو ……ايه ياكريم مش بترد عليه ليه

الكل سمع اسم كريم بصولها بستغراب وساره فاقت من باصتهم وافتكرت انها مينفعشى تكلم كريم كده عادى قدمهم

ساره بارتباك: اصل تليفون على مقفول وكنا عاوزين نطمن

كريم : اه على قافل موبيله ..هو معاكى اهوه

كريم : على دى ساره عاوزاك

على : باستغراب وساره بتكلمك ليه

كريم : بتقول تليفونك مقفول…………..خد كلمها الاول

على : الو ……..ايوه يا ساره

ساره : انتم اتاخرتو كده ليه …….النتيجه ظهرت ولا لسه

على : ظهرت وانا جبتها بس مستنى اجيب نتيجتى ونتيجة كريم

ساره : طيب ايه الاخبار

على : لما اجى بقى عشان النتيجه بتاعى بتتعلق اهيه

ساره: طيب متقول الاول بلاش رخامه

على : خلاص بقى مش هتاخر عليكو متقلقوش………….سلام دلوقتى

ساره : اوكى سلام

على قفل واتلبخ فالنتيجه وكريم حمد ربنا انه مكلموش فموضوع ساره ده ونفس الموضوع مع ساره كلهم كانو قلقانين ومحدش اتكلم معاها

وبعد حوالى ساعه دخل على وكريم النادى وراحو على ترابيزه البنات

ساره : ايه بقى اتاخرتو كده ليه

على بتعب : فى ايه متصبرو احنا طالع عنينا من الصبح

نور : متقول بقى هو ايه الذل ده

على : الحمد لله كلنا نجحنا وصافى

نور : انا عاوزه التقدير منا عارفه انى هانجح

على :ههههههههههههههه دحيحه هقول ايه

نور : قول التقدير

على : التقدير العام امتياز وكمان الاولى على الدفعه يا دحيحه انتى

نور بفرحه : بجد ……..بتكدب …………….طيب احلف كده

على : بجد ……..موضوع الترتيب ده اصلا اللى ماخرنا لحد دلوقتى مرضيتشى امشى غير لما اعرفه

نور : ربنا يخليك يا على

نورهان اضايقه من كلام نور وعلى اللى من غير كلفه

نورهان بضيق: وانت عملت ايه ياعلى

على : الحمد لله اتخرجت اخيرا وبتقدير عام مبقول وبكل فخر

الكل ضحك وباركو لبعض وشويه

على : ساره تعالى عاوزك فموضوع

ساره ارتبكت وقامت من مكانها ومشت بعيد عنهم مع على وكريم كان بيبص عليهم من بعيد وهو قلقان

 

ساره : خير يا على فى ايه

على : انتى فى حاجه بينك وبين كريم

ساره برتباك: حاجه ازاى يعنى

على : يعنى فى علاقة حب و ارتباط ……..انتى اكيد فهمانى


———–———-———————-————

ونكمل في الحلقة التاسعة .. الى اللقاء في الحلقة التاسعة

بقلم الكاتبة :ريم أحمد

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى