ترفيهمسلسل الحب فى زمن الـــ لا حب

مسلسل “الحب فى زمن الـــ لا حب” الحلقة الثامنة عشر

الحلقة الثامنة عشر

 

تانى يوم فالنادى

 

على داخل النادى شااف كريم واقف مع اصحابه قرب عليه على

كريم وابتسامه ع وشه : على والله وحشنى جااااااامد

على قرب عليه ومسكه من التى شيرت   جاااااااااامد : ليك عين تضحك فى وشى كمان

كريم : فى ايه يا على هى ده وحشتنى يا صاحبى

على : صاحبك ………وكان فين صاحبك وانت بتلعب على قريبته وكان فين صاحبك وانت مبهدلها وبترميها وبدور على غيرها وكان فين وانت معيشها دلوقتى فجرح وبقتشى واثقه فى حد ولا عارفه تفرح…….وجى تقول يا صاحبى ……انت ولا صاحبى ولا عاوز اعرفك

كريم : على بس افهمنى

على : افهم ايه انا مش عاوز اشوف وشك تانى انت فاهم ده انت شخص مقرف

ومشى على وكريم فضل واقف وهو مصدوم وشايف نتيجة اللى عمله خسر اكتر صاحب ليه بس بينه وبين نفسه كان عارف ان على صح وهو ياما نصحه وهو غروره كان عاميه عن اى حاجه

وفى وسط تفكيره وحزنه كريم شاف ساره ونور ومريم دخلين النادى

قام مشى بسرعه قبل ما حد يشوفه

والبنات دخلو وقاعدو وهزرو زى العاده وفالاخر روحو

 

……………………………………………………………………………..

 

وتفوت الايام والامتحانات تيجى ويخلصو ويدخلو الترم الجديد

وطول الفتره دى نور وعلى كانو بيتكلمو على الفيس كل اجازه لعلى بالساعات

على : نور هو انا ينفع اطلب منك طلب

نور : طبعا يا على اتفضل

على : انا عاوز رقم تليفونك

نور : نعم ………ايه……ليه ؟؟

على : مفيش بس عشان ابقى اطمن عليكى

نور : مانت بتطمن هنا على الفيس كفايه

على : عادى ياعنى يانور احنا اصحاب

نور : اه طبعا بس مش شايفه انه ليه لزوم

على : طب انا اسف انى طلبت كده

نور : ولا يهمك انا هعتبرها غلطت الكيبورد

على : ههههه ماشى يا ستى

وفضلو يتكلمو عادى مع بعض

 

هى كانت شايفه انه صاحب جدع وبترتاح لما بتتكلم معاه وكلها مواضيع عامه بس اللى كان مضايقه انها كانت مخبيه حتى ان اصحابها

وهى مش عارفه هى بتخبى ليه بس كانت كل متقرار انها هتقول متعرفشى تقول حاجه

 

لحد ما فى يوم

كانت نور بتكلم على

نور : مالك انت مش طبيعى انهارده

على : لا عادى مفيش

نور : هتخبى عليا مش احنا اصحاب واخوات

على : اخوات ؟؟؟

نور : فى ايه يا على

على : نور انا بحبك

نور مكنتشى مستوعبه الكلمه اللى مكتوبه قدامها حسة ان فى حد ضربها على دمغها وفوقها للى بتعمله

نور فضلت ساكته

على : نور ردى عليا

نور بجد انا حاسس انى مشدودلك وبحبك بجد

نور ردى عليا

نور : سورى يا على انا هقوم دلوقتى سلام

على : اوك يا نور سلام

نور قفلت وقامت نامت على السرير وهى بتفكر

” هو ايه اللى انا بعمله ده “

” انا كان فين عقلى اللى يخلينى اوصل للمرحله دى “

” ايه يا نور مش عامله فيها العاقله اللى مش بتخبى وكنتى زعلانه من ساره انها خبت خلاص نسيتى كل مبادئك عشان على “

” هو انا اصلا بحبه “

” بحبه ……. لا طبعا ده مجرد وهم على مرجد صديق بحترمه وبس مينفعشى تفكرى فحاجه تانيه يا نور انتى فاهمه “

” عندك حق على صديق وبس ولازم ابعد الفتره دى “

 

……………………………………………………………………………….

 

وعدت الايام ونور مكنتشى بتفتح الفيس لحد ما عرفت ان على سافر وبداءت ترجع لحياتها الطبيعيه ودراستها واصحابها 

 

فى الكليه

مريم كانت قاعده مضايقه

ساره : مالك يا مريوم فى ايه

مريم بحزن : خالد

نور : ماله زعالك فى ايه

مريم : مش مزعلنى بالعكس ده بيحاول يسعدنى باى طريقه

ساره : طب ايه حد لاقى يا بنتى

مريم : المشكله انه بيحل كل حاجه بينا بهديه غاليه اوى

ساره : لا والنبى ودى مشكله دى احلى حاجه

نور : ساره بطلى هزار واسكتى شويه

ساره : طيب هسكت اهوه …….كملى

مريم : انا الاول كنت مبسوطه بكده بس دلوقتى لما يحصل اى زعل او اقوله انزل اجازه عشان اشوفك يقوم بعاتلى هديه وخلاص كان كده المشكله اتحلت حاسه انه بيعوضنى عنه بالهدايه دى

نور : انا قولتلك كده من الاول وانتى كنتى شايفه الموضوع بشكل مادى وانه هيجبلك وهيعملك وده مش الاساسا فالحب والارتباط

مريم : بس انا عاوزاه هو اقعد معاه اتكلم نفهم بعض ونحس بعض

ساره : مهو يامريم برده مشغول واكيد بيحاول يخلص اللى وراه عشان يفضالك ويفضى بقى للفرح والجواز

مريم : تفتكرى ؟؟

ساره : اكيد يابنتى انتى ناسيه ان فرحك كمان كام شهر ……..فوكى بقى ومتزعليش يا عروسه

نور : طبعا احلى عروسه

مريم : ربنا يخليكو ليا يارب

 

وتعدى الايام ولان نور متعرفشى مواعيد على فالاجازات

كانت فيوم فاتحه الفيس وبتكلم مريم

لقت على اون لاين ولسه هتقفل عشان ميكلمهاش

على : ازيك يا نور

———–———-———————-————

ونكمل في الحلقة التاسعة عشر .. الى اللقاء في الحلقة التاسعة عشر

بقلم الكاتبة :ريم أحمد

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى