مسلسل “يوميات بنت عنيدة” الحلقة الأولى

يوميات بنت عنيدة الحلقة الاولى


 

يوميات بنت اسمها ملك :بنت عاديه عندها 22 سنه ومتخرجه من كليه فنون جميله محترمه جدااا ومؤدبه بس بتحب الوحده ومش بتحب

الاختلاط بالناس عايشه مع مامتها وباباها متوفى وملهاش اصحاب كتير هى ايمان بس صاحبتها الوحيده وانتمتها ومع ان هم اصحاب اووى

الا ان ايمان غير ملك خالص بتحب الناس والخروج الكتير

وهنتعرف على ملك وايمان اكتر وباقى الابطال فالقصه

 


الحلقة الاولى

 

بتصحى ملك على صوت رنت موبيلها وهى مستغربه
ملك: مين ده اللى بيتصل دلوقتى ؟؟

وبصت للموبيل وابتسمت

ملك: هو فى حد مجنون كده غيرها

ملك :الو …فى حد يتصل بحد الفجر كده يا مجنونه

ايمان: عشان تصلى الفجر قومى يا كسلانه بلاش دلع

ملك : ماشى يا ستى ….. شكرا …ياله اقفلى هصلى وهكلمك تانى

 

ايمان : اوك يا لوكه هستنى ……..سلام

ملك : سلام

واقامت ملك من على السرير وتوضات وصلت الفجر وبعد كده كلمت ايمان تانى

ملك: هااا يا ايمو …..لما افتكرتينى يعنى

ايمان : والله يا بنتى كنت مشغوله شويه وانتى كمان بقالك يومين مش بتكلمينى

ملك : بصراحه كان فى حوار كده ولو كنت كلمتك كنت هتقفشينى من غير متكلم

ايمان :هههه …..اااه قلب الام… هاا بقى قولى انا مش هصبر كتير انتى عارفه …..ياله اعترفى

ملك : لا مفيش ده عريس زى العاده ………بس طفشته

ايمان : يادى النيله عليكى ……طيب ليه بس

ملك : عشان انا حسه انى بدبس ماما عاوزه تدبسنى وخلاص انا اصلا اتخانقت معاها وهى حتى لسه زعلانه منى

ايمان: طيب يا بنتى ده كان بس عيبه ايه

Vertical ad

ملك: مهى المشكله انى مش عارفه حاجه ولا عيوب ولا مميزات

وسكتت شويه

ملك : تخيلى يا بنتى انا نايمه بعد المغرب شويه القيها بتصحينى وبتقولى قومى فى عريس جى كمان شويه قومى البسى

ايمان باستغراب: بجد ……ازاى يعنى؟

ملك : والله زى مبقولك كده ….. ولما اتنرفزت وقولتلها مش هقابل حد قعدت تقولى بلاش دلع بنات وعيب ومينفعشى وثبتتنى ومعرفتش اتكلم

ايمان: هههههههه والله طنط دى عسل …وبعدين

ملك:بس قومت وانا مش طيقه نفسى ولبست ……وبعدين شويه وجه هو وباباه واخته وقعدو بقى يرغوو وهو منطقشى كلمه وقعد بس كل

شويه يقوم يتكلم فى الموبيل يعنى قليل الذوق خالص وباباه كمان تنك جدااا عمال يتكلم عن نفسه وعن شغله وفى الاخر ابو الهول نطق وقال ياله

نروح عشان عندى شغل ….يعنى ياريته متكلم احسن

ايمان مش قدره تمسك نفسها من الضحك: هااا وبعدين

ملك بعصبيه : انتى بتضحكى ماشى يا ايمووو ليكى يوم مانتى لو كنتى مكانى كنتى اضايقتى

ايمان وهى بتحاول تمسك ضحكتها: طيب خلاص . وبعدين عملتى ايه

ملك : ولا حاجه ..بعد منزلو ماما سالتنى ايه رايك قولتليها على ايه …انا اصلا معرفشى اى حاجه عشان ارفض او اوافق وقفلت الموضوع

معاها…

ايمان: يا بنتى مش هينفع كده كل شويه تطفشى واحد وفى ناس مش لقيه ههههههههههههه

ملك: هههههه ده انتى حالتك بقت صعبه اوووووى …..متستعجليش لسه النصيب مجاش وبعدين انتى محساسنى اننا خلاص عنسنا احنا لسه

مكملناش 23 سنه

ايمان وهى بتتنهد : ادينى مستنيه اهوه …..ياله بقى سلام يا لوكه عشان تلحقى تنامى ..انتى هتروحى بكره الكليه

ملك: لا مش ورايا حاجه فى الكليه اليومين دول..

ايمان: ده انتى غريبه يعنى الواحد مصدق يخلص وانتى تروحى تذكرى تانى وتوجعى فى قلبك

ملك : خليكى فى حالك مش كفايه مرضيتيش تعملى معايا التمهيدى وقعده كده فى البيت من غير لزمه

ايمان: كفايه انتى ليكى لزمه………ياله بقى سلام بطلى اررررررررر شويه

ملك : انا برده… طيب ماشى سلام

ايمان : سلام

وبعد حوالى اسبوعين

كانت ملك راجعه من الجامعه وداخله البيت و مامتها بتتكلم فى التليفون وهى رايحه على اوضتها سمعت

الام: لا طبعا وانتى كمان وحشانى اووووووووى ……دى اكيد شرف لينا……….. تتفضلو فى اى وقت……….خلاص هستناكو بكره ان شاء

الله ………سلام يا حبيبتى
وبعد كده قفلت الام السماعه لقت ملك وراها

———–———-———————-————

ونكمل في الحلقة الثانية .. الى اللقاء في الحلقة الثانية

بقلم الكاتبة :ريم أحمد

مقالات ذات صله