الحلقة الثالثة والرابعة من مسلسل مع إيقاف التنفيذ للكاتبة خلود خالد

الحلقة الثالثة والرابعة من مسلسل مع إيقاف التنفيذ للكاتبة خلود خالد
أميرة: أيوة ده مصطفي زميلي من أيام ثانوي
مصطفي: إيه يا بنتي عاملة إيه؟؟
أميرة: الحمدلله,, إيه يا بني البنات مش طايقينك ليه؟؟
مصطفي: هههههه و الله أنا غلبان
أميرة: ههههههه غلبان أوي.. عموما دي نجوي و دي مريم
مصطفي: أتشرفنا
البنات: أهلا..
مريم: يلا يا أميرة عشان نعرف نقعد
أميرة: طيب حاضر.. عن إذنك يا مصطفي
مصطفي”بينظر لنجوي”: أنا هحضر معاكوا
أميرة: طيب يلا بينا
و دخلوا كلهم قعدوا مع بعض و بدأت المحاضرة
*******************
يوسف و حمزة وصلوا كليتهم و عرفوا أن المحاضرة أتلغت
حمزة: الحمدلله أنا مكنتش فايق أصلا
يوسف: ههههههه بسمة دي محظوظة,, هي تمشي و الحاضرة تتلغي
حمزة: أهو كله كوم و بسمة كوم
يوسف: ههههههههه حرام عليك يا عم دي البت غلبانة
حمزة: هي غلبانة انا مقولتش حاجة,, بس حاولت مليون مرة أوصلها أن انا مش بحبها و مش هحبها من غير ما أجرحها بس مافيش فايدة
يوسف: ما هو غصب عنها بردوا,, بسمة بتحبك جدا و كل ما تحاول توصلك ده أنت بتصدها و هي بصراحة بتحاول تاني و تالت,, بس أنا بعذرها و الله لأن غصب عنها و اللي أنا حسيته أن بسمة دايما ماشية بقلبها و عقلها مش موجود خالص,, عارف أنا بتمني نخلص عشان خاطر بسمة!!
حمزة: يعني إيه عشان خاطر بسمة؟؟
يوسف: أقصد يعني عشان منشوفهاش تاني و هي متتعلقش بيك أكتر من كده
حمزة: ربنا كريم
يوسف: و نعم بالله
حمزة: و أنت يا عم يوسف مبتحبش خالص
يوسف: هههههه حب إيه يا عم زوما.. عايزني أعرف واحدة و أبهدلها معايا؟؟
حمزة: مش فاهمك
يوسف: يعني أنا يوم ما أحب واحدة لازم أكون واثق أن دي هتكون مراتي و أكون عارف أن أنا أستحقها و بعدين ربنا قال “الطيبون للطيبات” و أنا واثق أن ربنا شايلي واحدة بنت حلال بس هتظهر أول ما أقدر أحافظ عليها
حمزة: يااااااااه أول مره أعرف أنك عاقل 😛
يوسف: هههههه ماشي يا زوما مش يلا بينا بقي ولا إيه؟؟
حمزة: أيوه يلا بينا بس أستني شوية تكون نجوي و مريم خلصوا
يوسف: ماااشي.. بس صحيح قولي إيه حكاية مريم
حمزة”بإستعباط”: مريم مين
يوسف: هههههه بلاش تستعبط عليا يالا
حمزة: و الله يا بني مافيش حاجة,, أنا بس حاسس ناحيتها بشعور كده و غير كده متنساش أن مريم متربية عندنا من و هي صغيرة مكنتش بتسيب نجوي غير عند النوم وساعات كانت بتنام معاها,, بس أنا مش هقول حاجة غير لما أكون قد مسئولية بيت و أسرة و زوجة
يوسف: ربنا يكرمك يا زوما..
************************
نجوي قاعدة مركزة مع الدكتور هي و مريم و أميرة و مصطفي مركز مع نجوي
نجوي بتبص لا إراديا في إتجاه مصطفي شافته بيبص عليها فأبتسمت و بصت في إتجاه تاني بسرعة..
*****خلصت المحاضرة*****
“رن تليفون نجوي”
نجوي: أيوه يا زوما
حمزة: أنتي فين يا بنتي
نجوي: أنا خارجه يا زوما أهو أنا و مريم
حمزة: طيب أنا مستنيكي قدام المدرج
نجوي: أوك باي
و خرجوا كلهم مع بعض و نجوي و مريم سلموا علي مصطفي و أميرة
و مشيوا في إتجاه حمزة..
مصطفي: هما مين دول يا أميرة
أميرة: قصدك علي مين؟؟
مصطفي: اللي واقفين مع نجوي و مريم
أميرة: اممممم.. ده أخوها و صاحب أخوها
مصطفي”بشرود”: ماشي
أميرة: ليه هو في حاجة
مصطفي: لا أبدا,, أنا همشي بقي و نتقابل بكره بإذن الله
أميرة: أوك.. باي
**حمزة ماشي هو و مريم و يوسف و نجوي في إتجاه الباب و أول ما خرجوا سلم عليهم يوسف و أستأذن و مشي و كمل حمزة و البنات..
***************
مصطفي ساب أميرة و مشي في إتجاه عربيته و هو بيفكر يكلم نجوي إزاي و قال أكيد عندها أكونت علي الفيس,, بس فضل يفكر و أنا هوصلها إزاي أصلا!!
و بعدين أبتسم لما أفتكر أن أميرة و نجوي أصحاب و قال يوصلها عن طريق أميرة
و وصل قدام البيت و فضل قاعد في العربية,, “موبايله رن”
مصطفي: ألو
كريم”صاحبه”: أيوه يا درش ما تيجي نخرج
مصطفي: هنروح فين
كريم : هنروح مكان هتحس فيه انك طااااااااااااير بس انت سيبلى نفسك و متسألش
مصطفي: معاك يا برنس
كريم: طيب تعالي علي العنوان ***********
مصطفي: أوك
*****وصل مصطفي قدام العمارة اللي قاله عليها كريم و أتصل بيه,, نزله كريم و قاله يلا نطلع
مصطفي: نطلع فين يا عم؟؟
كريم: يا عم متخافش أنزل يلا
مصطفي: أوك
نزل مصطفي من العربية و طلع مع كريم و وقفوا قدام شقة و خبط كريم و دخلوا الشقه و مصطفي عمال يبص يمين و شمال و شايف شباب كتير قاااعدين و شبه مساطيل
كريم: أمسك دي
مصطفي: إيه دي؟؟
كريم: سيجارة يعني هتكون إيه!!
مد كريم إيده و هو خايف و شرب السيجارة و موبايله رن
مصطفي: ألو
مامته: أنت فين
مصطفي: في مشوار و جاي
مامته: أوك.. باي
و قفل مصطفي و هو متنرفز
كريم: في إيه يا بني؟؟
مصطفي: أنا هروح و هبقي أجيلك في وقت تاني
كريم: ليه كده ده لسه القاعدة هتحلو
مصطفي: وقت تاني بقي.. سلام
***********************
وصل حمزة و نجوي البيت و جريت نجوي علي غرفتها قبل ما تسمع تهزيق مامتها ليها
الأم: أنتوا جيتوا متأخر كده ليه يا زوما
حمزة: ولا متأخر ولا حاجة يا أمي
الأم: ماشي.. هي فين أختك؟؟
حمزة”بضحك”: هههههههههههه جريت علي جوه
الأم”بصوت عالي”: بتجري مني يا موكوسة
بتخرج نجوي من غرفتها و تقولها أبدا يا ماما ده أنتي حبيبتي
الأم: أنتي كمان حبيبتي يا بنتي
نجوي: ماما أنتي كويسة 😀
الأم: أيوه ياختي كويسة,, هو لا كده عاجب و ولا كده عاجب
نجوي: ههههههه خلاص يا أمي أنا هدخل أفتح النت شوية
الأم: يا بنتي أقعدي ذاكري
نجوي: أذاكر إيه يا ماما هو أنا لسه في مدرسة
الأم: و مين فهمك أن الجامعة مافيهاش مذاكرة
نجوي: أنا عارفة لوحدي 😀
الأم: يااااااارب أرحمني من البت دي
حمزة: ههههههههه يا بت هتجيبي لماما الضغط أمشي أدخلي جوه
**باست نجوي إيد مامتها و دخلت غرفتها و أتصلت بمريم
نجوي: مرييييييييييييم
مريم: عييييوني :*
نجوي: ما تتصلي بأميرة عشان ناخد أكونت الفيس و نكلمها عليه
مريم: أوووووك
و أتصلت مريم بأميرة و عرفتها أن نجوي معاها علي الخط و أتكلموا
أميرة: أزيك يا نوجا
نجوي: تومام الحمدلله.. بقولك إيه هاتي أكونت الفيس بتاعك عشان أضيفك دلوقتي
أميرة: تمام أنا أصلا فاتحه و أسمي ********
نجوي: كده تمااام
أميرة: تمااام,, أنا قبلت أهو
مريم: و أنا بعتلك أهو
أميرة: هههههه و أنا قبلت 😀
نجوي: طيب أمشوا بقي و نتكلم علي الفيس
***************
مصطفي روح البيت و شاف مامته مستنياه
الأم: أهلا يا أستاذ كنت فين كل ده؟؟
مصطفي”طالع علي غرفته”: أهلا بيكي يا ماما
الأم: أنت مش سامعني بقول كنت فين!!
مصطفي: قولت كنت مع صاحبي.. عن إذنك
و طلع بسرعة علي غرفته و فتح الفيس عشان يكلم أميرة و يعرف أكونت نجوي
و أول ما فتح صفحة أميرة شاف مكتوب “أصبحت أميرة صديقة لنوجا محمد و مريم أسامة”
قال أيوووووه بقي أكيد دي نجوي,, فتح صفحتها و شاف المعلومات و أتأكد أن دي نجوي
و بعتلها طلب صداقة..
*************************
نجوي قاعدة فاتحة الفيس جالها طلب إضافة من أكونت ولد فتحته شافت صورة مصطفي أبتسمت و أترددت أنها تقبل بس حسمت قرارها و قبلت و قامت تكلم مامتها عشان سمعتها بتنادي..
**************
كريم قاعد مع أصحابه في الشقة و بيقولهم..
كريم: مصطفي ده بقي البنك المتحرك,, مش لازم نخسره أبدا
واحد من الموجودين: ليييييييييه أبووووووووه مين؟؟
كريم: و أنت مال أهلك يا عم,, المهم أن معاه فلوس
واحد من الموجودين: عندك حق
***********************
مصطفي قاعد و مستني نجوي تقبل و فعلا قبلت فضل يتنطط في مكانه و يقول مصطفي ميتغلبش و بدأ معاها كلام..
مصطفي: أزيك يا نجوي
نجوي: الحمدلله يا مصطفي
مصطفي: مبسوط أن عرفت أوصلك
نجوي: و أنت عرفت الأكونت إزاي
مصطفي: قص لها ما حدث
نجوي: ههههههه ماشي
و بدأوا يتعرفوا علي بعض أكتر,,
*****نجري بالأحداث شوية كتييييييير******
السنة خلصت و أبطالنا خلصوا إمتحانات و طلعوا سنة جديدة مع بعض
مصطفي و نجوي بقوا أصحاب جداااا و 24 ساعة بيتكلموا و مصطفي كل يوم بيأكد لنفسه أن مافيش حد يقدر يتحداه,, مريم و أميرة واخدين بالهم من قرب مصطفي و نجوي
مريم حاولت كتير تبعدها عنه و مازالت بتحاول..
يوسف و حمزة أتخرجوا من الكلية و نزلوا تدريب عند محامي مشهور
*************

نجوي قاعدة مع مامتها بيتفرجوا علي التلفزيون موبايلها رن,, شافت اسم مريم,, سابت مامتها و قامت دخلت علي غرفتها..
نجوي: ألو
مريم: أيوه يا نجوي
نجوي: في إيه يا بت مال صوتك
مريم: مافيش حاجة
نجوي: لأ في حاجة هو أنتي هتخبي عليا
مريم: أنا مضايقة من كلامك الكتير مع مصطفي,, يا نوجا مصطفي بيتسلي ده في نفس عمرنا إستحالة يجيلكوا البيت يعني و بعدين أنتي بقيتي نسياني خالص و أنا مضايقة أكتر من كده
نجوي: بس بس مصطفي ده صاحب و بس
** بيدخل حمزة في الوقت ده و بيقولها**
حمزة: و أنتي من إمتي بتصاحبي ولاد!!
نجوي”بتوتر”:ـــــــــــــــــــــ
**الحلقة الرابعة**
نجوي قاعدة مع مامتها بيتفرجوا علي التلفزيون موبايلها رن,, شافت اسم مريم,, سابت مامتها و قامت دخلت علي غرفتها..
نجوي: ألو
مريم: أيوه يا نجوي
نجوي: في إيه يا بت مال صوتك
مريم: مافيش حاجة
نجوي: لأ في حاجة هو أنتي هتخبي عليا
مريم: أنا مضايقة من كلامك الكتير مع مصطفي,, يا نوجا مصطفي بيتسلي ده في نفس عمرنا إستحالة يجيلكوا البيت يعني و بعدين أنتي بقيتي نسياني خالص و أنا مضايقة أكتر من كده
نجوي: بس بس مصطفي ده صاحب و بس
** بيدخل حمزة في الوقت ده و بيقولها**
حمزة: و أنتي من إمتي بتصاحبي ولاد!!
نجوي”بتوتر”: عادي يا حمزة ده زميلي في الكلية
حمزة”بنبرة غاضبة”: زميل في الكلية و بس
نجوي”ببكاء مصطنع”: أيوه زميل أومال هيكون إيه يعني
حمزة”بنبرة حنونة”: أنا مقولتش حاجة يا نجوي,, بس أنتي عارفة أنا بخاف عليكي إزاي و كمان دلوقتي أنا مش معاكي في الجامعة,, ربنا يعلم أنا ببقي قلقان عليكي إزاي و اللي بيطمني شوية أن أنتي و مريم مع بعض في الجامعة
نجوي: ــــــــــــــــ”بكــــاء”
حمزة”يحتضنها”: يا نوجا أنا مقولتلكيش حاجة عشان تعملي كل ده,, أنا راجل يا حبيبتي و كمان أكبر منك و عارف دماغ الشباب في الوقت ده بيفكروا إزاي و شوفت ناس كتير و كلام كتير كان بيدور و أنا قاعد و كل واحد بيفضل يتمنظر باللي مصاحبها دي و يفضل يقول ده أنا خرجت معاها ,, ده أنا مسكت إيديها,, ده أحنا عملنا كذا و كذا,, طيب بذمتك ده بقي بيحبها ولا بيفضحها
نجوي”بإبتسامة”: بيفضحها
حمزة: أخيرا ضحكتي,, عموما أنا كلمتك كـ صاحب أهو و لو في أي حاجة تعالي أحكيلي محدش هيخاف عليكي قدي و خليكي واثقة أن اللي بيحبك لازم يجيلك بيتك و لازم تفضلي غالية أوي عشان يعرف قيمتك..
نجوي: حاضر يا زوما..
***********************
مصطفي قاعد فاتح الفيس و مستني نجوي تفتح “موبايله رن”
مصطفي: ألو
كريم: أيوه يا درش أنت فين يا عم محدش بيشوفك
مصطفي: أبدا يا كيمو موجود أهو
كريم: طيب ما تلبس و تيجي,, ده في شوية بنات لوز جايين
مصطفي”بضحك”: هههههه الله يخربيتك يا عم ده أنت شيطان
كريم: من بعض ما عندكم أزميلي
مصطفي: طب طير أنت بقي و أنا مسافة السكة و هكون عندك
كريم: أيووووه بقي.. سلام
**قام مصطفي و كتب لنجوي رسالة و قفل اللاب و لبس و خارج من غرفته شاف والده داخل من الباب و شبه مغيب عن الوعي..
الأب”بضحك”: أنت رايح فين دلوقتي
مصطفي: رايح أقعد مع أصحابي
الأب: طيب خلي بالك من نفسك
مصطفي: طيب
********************
نجوي قاعدة في غرفتها مستنية حمزة يخرج و أول ما خرج أتصلت بـ مريم
مريم: في إيه يا نجوي قفلتي و أنا بكلمك ليه
نجوي”بنبرة غاضبة”: اللي يخربيتك يا شيخه كنتي هتوديني في داهية
مريم: ليه في إيه؟؟
نجوي: حمزة سمعني و أنا بقولك مصطفي ده صاحب و بس
مريم: و حصل إيه
نجوي: ولا حاجة فضل يرغي شوية كده و أحنا أصحاب و لو في حاجة أحكيلي و الشويتين دول
مريم”بزعل”: بلاش تتكلمي عليه كده
نجوي: و أنتي مالك يا بت أخويا و أنا حره
مريم: طيب يا نجوي أنا هقوم أكلم ماما
نجوي: أوك..باي
قفلت نجوي مع مريم و قامت بسرعة فتحت الفيس و زعلت أن مصطفي مش فاتح و لسه هتقفل شافت أن في رسالة فتحتها و شافتها أكتر من مرة و هي مش قادرة تخفي الإبتسامة
و قفلت النت بسرعة و أتصلت بمريم
مريم: أيوه يا نوجا
نجوي: أنا فرحانة أووووي,, أخيرا اللي أنا عايزاه حصل
مريم: طيب يا ستي دايما بس قوليلي في إيه
نجوي: فتحت الفيس أول ما قفلت معاكي و لقيت مصطفي سايبلي رسالة و بيقولي فيها..
******************
وصل مصطفي عند كريم و خبط الباب و فتحتله بنت
البنت: أيوه نعم
مصطفي:ــــــــــــــــــ
البنت: أنت يابني عايز مين
مصطفي: أ أ أنا عايز كريم
البنت: هههههههه يا كريم تعالي شوف اللي عايزك ده
خرج كريم و شاف مصطفي و سلم عليه
كريم : ما تدخل يا عم واقف ليه
مصطفي” و هو بيدخل”: هي مين اللي فتحت دي
كريم”بضحك”: دي واحدة من الشلة
مصطفي: امممممم
كريم: إيه عجباك؟؟
مصطفي”بعصبية”: كريم قولتلك مبحبش الطريقة دي
كريم”بضحك”: طيب خلاص متزعلش
و قام كريم و بدأ يعرف مصطفي علي الموجودين
********************
مريم: مصطفي كاتبلك إيه يعني
نجوي: كاتب “أزيك يا حبيبتي و أسمحيلي أقولك حبيبتي,, أنا قاعد مستنيكي من بدري بس صاحبي أتصل بيا و كان لازم أنزل و كمان أستغليت أنك مش هنا و قررت أقولك اللي جوايا
نجوي أنا حبيتك أوي,, مش قادر أمثل أكتر من كده أن أحنا أصحاب و أصلا مافيش أصحاب بيتكلموا طول اليوم ,, أنا كنت خايف أواجهك بس خلاص مش قادر أخبي أنا عارف أن أحنا لسه قدامنا سنتين عشان نخلص بس صدقيني أنا عايز بس أضمن أنك هتفضلي معايا السنتين دول و بعد كده أنا هتقدملك رسمي و أنتي عارفة أن أنا قادر أتجوزك من الصبح بس طبعا مينفعش و محدش من أهلنا هيرضي بجد يا نجوي أنا بحبك أووووي و لما أرجع بليل هفتح و هستني ردك..”
مريم: بجد!!!!
نجوي: أيوه بجد أنا فرحانة أوي أنا كمان بحبه أوي
مريم: نجوي أنتي بتقولي إيه؟؟
نجوي: بقولك أنا كمان بحبه أووي و هرتبط بيه و هستناه لحد أخر العمر
مريم: لأ أكيد في حاجة غلط,, متعمليش كده
نجوي: أنتي مالك غيرانة كده ليه؟؟
مريم: أنا غيرانة؟؟؟؟
نجوي: أيوه غيرانة و بعدين يا ستي أنا مش هخسر حاجة
مريم: لأ هتخسري كتير أوي
نجوي: بقولك إيه أقفلي الموضوع ده
مريم: لأ يا نجوي
نجوي: ييييييه بقي طيب سلام دلوقتي..
***************
مصطفي روح البيت و هو مضايق من نفسه أن سمع كلام كريم و شرب سجاير و حاجات تانية كتير و أول ما دخل البيت سمع صوت باباه و مامته بيتخنقوا
الأم: أنا خلاص زهقت و مبقتش مستحملة حاجة
الأب”بعصبية”: خيانة إيه دي أنتي أتجننتي خلاص
الأم”بعصبية أكبر”: أنا مش مجنونة أنت اللي مجنون و ستين مجنون
الأب: كلمة زياده و هتبقي طالق و ساعتها بقي محدش هيلومني
الأم: هي وصلت للطلاق!!
الأب: أيوه دي مبقتش عيشة
قرب منهم مصطفي في الوقت ده و بيحاول ينهي المشكلة
الأم”ببكاء”: انا اللي غلطانة أن مستحملة و عايشة معاك,, أنت مستحيل تكون حسن اللي كان هيموت عشان يتجوزني و كل شوية أنا مش هزعلك يا ماجدة أنا معرفش إيه يا ماجدة و كل ده كان كذب و الأخر كل يوم ترجعلي سكران و دي أخرتها تخوني,, أأأأأه ألحقني يا مصطفي
مصطفي: ماما مالك في إيه
الأب”بيجري ناحيتها”: ماجدة ردي عليا فيكي إيه؟؟
مصطفي”بيمسك تليفونه”: أنا هكلم الإسعاف بسرعة
و جت عربية الإسعاف و راحوا بسرعة علي المستشفي,, أستقبل الدكتور الحالة و دخلوها علي الغرفة.. مصطفي واقف مع والده و مش مصدق اللي حصل و عمال يقول لباباه لو حصلها حاجة هيبقي أنت السبب و مش هسامحك أبدا و بعدين “رن موبايل مصطفي و كانت أميرة فرد عليها
مصطفي: أيوه يا أميرة
أميرة: مال صوتك؟؟
مصطفي: ماما في المستشفي
أميرة: مستشفي إيه؟؟
مصطفي: مستشفي ************
و في اللحظة دي خرج الدكتور
أميرة الدكتور خرج سلام دلوقتي..
الأب: خير يا دكتور مراتي فيها إيه؟؟
الدكتور: أهدي يا أستاذ هي كانت علي وشك أنها تصاب بجلطة بس الحمدلله جت في الوقت المناسب
الأب: جلطة.. جلطة إيه؟؟؟
الدكتور: كانت هتصاب بجلطة نتيجة زعل جامد أو تعصب و ده تسبب في إجهاد قلبها
مصطفي: طيب أنا عايز أشوف ماما يا دكتور
الدكتور: أتفضل بس مش أكتر من 5 دقايق
مصطفي: حاضر
دخل مصطفي و والده لماجدة”الأم” و كل واحد فيهم في حالة صعبة جدا
مصطفي: ماما قومي متسبنيش,, أنا مش هخلي بابا يزعلك تاني
الأب”ببكاء”: أنا أسف يا ماجدة سامحيني
و دخل الدكتور في اللحظة دي
الدكتور: أتفضلوا يا جماعة كفاية كده و تعالوا الصبح إن شاء الله
الأب: طيب هتقوم أمتي؟؟
الدكتور: روحوا أنتوا بس و تعالوا الصبح و هتلاقوها كويسة خالص
الأب: متشكر جدا يا دكتور
الدكتور: متقولش كده يا أستاذ ده واجبي
مصطفي: أنا هفضل مع ماما هنا
الدكتور: يا أستاذ وجودكم مش هيفيد بحاجة روحوا دلوقتي و تعالوا الصبح
و مشي الأب و مصطفي و روحوا البيت..
****************
قفلت نجوي مع مريم و قررت ترد علي مصطفي و كتبتله” أنا كمان بحبك يا مصطفي و متخافش هستناك لأخر العمر”
و قفلت النت و قامت نامت..
***تاني يوم الصبح***
وصلت نجوي و مريم الجامعة و مريم كانت زعلانة جدا من نجوي و حاولت تنصحها تاني
نجوي: خلاص بقي يا مريم متزعليش و متخافيش يا ستي مصطفي مش هياكلني يعني
مريم: ماشي يا نجوي أنا بس خايفة عليكي
نجوي: متخافيش.. بس هو مصطفي فين لحد دلوقتي
مريم:ايه وحشك اوى
نجوي:انا مبهزرش
و شافوا أميرة جاية عليهم
أميرة: عرفتوا اللي حصل
البنات: إيه؟؟؟؟
أميرة: مصطفي والدته تعبت جامد و في المستشفي
نجوي: مستشفي إيه؟؟
أميرة: مستشفي *******
نجوي: طيب يلا نروحلهم
أميرة: بصراحة عندك حق هو بردوا زميلنا
مريم: طيب يلا بينا بس بلاش نتأخر
نجوي: أوك
و هما خارجين من باب الجامعة و كلهم ماشيين بسرعة
صرخت نجوي مرة واحدة
نجوي: حااااااااااااااسبي يا مررررررررريم!!