مسلسل أحبك أبي … ولكن “الحلقة الرابعة عشر”

 

الحلقة الرابعة عشر
حازم : ينفعل اسالك بتعيطى ليه ؟؟

تغريد : مفيش بس افتكرت المرحومه ماما اصل ده المكان اللى كنا بنقعد فيه سواء
حازم : الله يرحمها ………تغريد
تغريد وهى بتبصله : نعم
حازم : انسى اللى فات وحاولى تتصلحى مع نفسك ومع الدنيا بلاش تضيعى الحاضر والمستقبل فالماضى
تغريد باستغراب وضيق : وانت تعرف ايه عن اللى فات وانت اصلا مين مديك الحق انك تتكلم معايا فحياتى الشخصيه
وبتقوم تغريد من مكانها وفجاءه تلاقى ايد بتشدها
حازم : مش كل مره هسيبك تهربى
تغريد بنرفزه : انت اتجننت
حازم : تغريد فوقى بقى انا عارف انك شوفتى كتير وحصل معاكى حاجات كتير بس متسبيش الظروف تمتك وانتى لسه حيه فوقى لنفسك وعيشى
حياتك
تغريد بدمع : اعيش …..اعيش لمين ….معدشى فى حاجه اعيش ليها …….انا لو مش عارفه ان الانتحار كفر كنت انتحرت من زمان …..كل
الناس بعدت عنى فجاءه صحيت لقيت كل الناس وحشه اقرب حد ليا خانى وكان سبب انى اموت امى بكلامى واندفاعى واكتر حد حبيته سابنى وانا
فاكتر وقت محتجاه فيه ومش حتى قدره الومه واللى فضلى فالدنيا سافر وسابنى فالوحده والتفكير اللى هيموتنى ……..وجى تقولى عيشى
بالسهوله دى
حازم فالوقت ده كان متاثر اوى بكلام تغريد ودموعها وكان نفسه يخدها فحضنها ويبعد عنها كل الالم والجرح اللى باين فكلامها
حازم : عارف انه مش سهل …….بس فكرى فى نفسك فكرى فى تغريد عيشى لنفسك صلحى نفسك متحطيش كل اللوم عليها وتعذبيها اغفرى
وانسى حبى وعيشى
تغريد : مش قدره ……….صدقنى مش قدره
حازم : انتى عارفه اكتر حاجه كانت بتعجبنى فيكى ايه زمان
تغريد وهى بتمسح دموعها : ايه
حازم : كنتى قويه اوى بتعملى اللى انتى عاوزاه وبتوصلى لهدفك
تغريد بابتسامه حزينه : زماااااااااااااان بقى
حازم : بس انا متاكد ان تغريد بتاع زمان لسه جواكى بس انتى حبساها وبتعقبيها خرجيها يا تغريد ………خليها تعيش ومتومتهاش عشان
خاطرى
تغريد باستغراب : عشان خطرك
حازم : ايه مليش عندك خاطر ولا ايه
تغريد : مش كده ……….بس بقالى فتره كبيره محدش قالى الكلمه دى
حازم : عاوز اتفق معاكى اتفاق
تغريد : اتفاق ايه ؟؟
حازم : ينفع تعتبرينى صاحب ليكى ولو مضايقه فى اى وقت تكلمينى
تغريد : بس …..انا مش عاوزه اضايق معايا
حازم : مش هضايق ……….ها بقى اصحاب
تغريد بابتسامه : اصحاب
حازم : طب ياله بقى عشان اوصلك …….الوقت بقى متاخر
تغريد : حاضر

……………………..……………………..……………………..……..

فات يومين علاقة حازم وتغريد كانت احسن بس برده تغريد مكنتشى عارفه ترجع لطبيعبتها ودايما ضحكتها حزينه ومكسوره

وفى يوم
تغريد دخلت المستشفى وكانت سامعه صوت طفل بيعيط جامد حبها للاطفال حركها وخلها تروح المكان اللى جى منه الصوت
شافت بنت صغيره بتعيط جامد وباباها واقف من ضهره بيحاول يسكتها بس محتاس ومش عارف
تغريد : السلام عليكم
يحيى بيلف لمصدر الصوت وهو بيحاول يكدب ودانه
تغريد وهى بتبعد خطوه لواره : يحيى
يحيى باستغراب : تغريد ……….. بجد انتى تغريد مش كده
تغريد بارتباك : بنتك
يحيى وهو بيحرك راسه بالموافقه : بس مش عارف اسكتها
تغريد : هاتها
شلتها تغريد وبسرعه البنت هدية وسكتت
يحيى باستغراب : انتى عملتى ايه
تغريد بابتسامه : معلتش حاجه هى سكتت لوحده
يحيى وهو بيبصلها بحب : الاطفال دايما بيحبوكى …فاكره لما ولد جه قالك انا بحبك وعاوز اتجوزك
تغريد بضحكه من قلبها : وقتها شلته وقولتله مينفعشى عشان انا خطبها
يحيى :ههههههههه وهو قالى سبيها عشان انا بحبها اكتر منك
تغريد : اه وانت قاعدت تتخانق معاه كانه واحد كبير
فالوقت ده كان حازم داخل المستشفى وشاف تغريد وقفه بتضحك ضحكه اول مره يشوفها من يوم ما رجع من السفر كان مبسوط للحظه انه شايفها
مبسوطه ولما قرب سمع تغريد
تغريد : كانت ايام حلو اوى يا يحيى
حازم سمع اسم يحيى وحس بخنقه وبعد بسرعه وراح مكتبه
يحيى وهو بيبص لتغريد : وحشتينى اوى
تغريد بارتباك : صحيح انت هنا ليه ……………..خير
يحيى : كنت فى اجازه هنا ………..وانا ماشى مريم وقعت وتكسرت رجلها
تغريد بضيق : مريم مين ؟؟
يحيى بارتباك : مراتى
تغريد : لا الف سلامه عليها ……..البنت نامت انا هروح بقى اشوف شغلى
يحيى وهو بياخد البنت : انتى بتشتغلى هنا
تغريد : اه ………….بعد اذنك بقى عشان اتاخرت
ومشت تغريد ونظرات يحيى عليها متشالتشى غير لما اختفت عن عينه
……………………..……………………..……………………....

فى المكتب
تغريد بابتسامه : السلام عليكم
حازم من غير ما يبصلها : وعليكم السلام ……….. اتاخرتى ليه
تغريد : اصل …………….
حازم وهو بيقطعها : خلاص مش عاوز اعرف ياله روحى شوفى شغلك
تغريد قاعده ع مكتبها وهى مش فاهمه حازم بيعاملها كده ليه وعدى اليوم وتقريبا حازم موجهلهاش اى كلام وفى اخر اليوم
حازم : انا مروح
تغريد : طيب
حازم : مش مروحه انتى كمان
تغريد : هخلص اللى فايدى وهروح
حازم : طيب ………..وياريت متتاخريش تانى وبلاش الضحك والهزار الملفت ده فالمستشفى دى مستشفى محترمه
ومشى وساب تغريد قبل حتى مترد او تفهم هو بيتكلم عن ايه
تغريد فى سرها ” انا مش فاهمه قصده ايه ومين ”

……………………..……………………..……………………..

تانى يوم
تغريد قاعده فالمكتب لوحدها وشويه والباب خبط
تغريد : ادخل
يحيى : صباح الخير
تغريد بارتباك وهى بتقوم من مكتبها : يحيى ……….صباح النور ………هى مراتك لسه فالمستشفى
يحيى : لاء هى خرجت امبارح انا جايلك مخصوص
تغريد بقلق: خير فى ايه قلقتينى
يحيى : تغريد انا لسه بحبك وعمرى ما نسيتك ولا هقدر انساكى

———–———-———————-————

ونكمل في الحلقة الخامسة عشر .. الى اللقاء في الحلقة الخامسة عشر

بقلم الكاتبة :ريم أحمد

 

 

 

مقالات ذات صله