ترفيهمسلسل ورقة جواز عرفي

مسلسل ورقة جواز عرفي الحلقة التاسعة عشر والعشرون

الحلقة التاسعة عشر

اول ما شرين وصلت الشغل ودخله الشركه مع هشام لقو كريم بيقرب عليهم
كريم : ازيك يا هشام
هشام : تمام الحمد لله
كريم بص لشرين : اتاخرتى كده ليه عاوزك ضرورى ………….بعد اذنك يا اتش
وكريم اخد شرين ومشى وسابو هشام وهو عنده فضول يعرف فى ايه
هشام وهو بيكلم نفسه ” ياترى عاوزها فى ايه “

……………………………………………………………………..
شرين مع كريم فى المكتب
شرين : خير يا كريم
كريم بصوت واطى : انا عاوز عروسه ضرورى
شرين وهى بتضحك : عروسه لعبه
كريم : لاء عروسه بجد …………..اتجوزها
شرين : انت بتتكلم بجد ولا بتهزر
كريم : والله بتكلم بجد ……..بس بسرعه
شرين باستغراب : وده من ايه ……..طيب فهمنى
كريم : بصى انا ماما كلمتنى امبارح وعاوزه تجوزنى بنت خالى بالعافيه وانا مش بحبها ………..ومديانى فرصه شهر لو ملقتشى عروسه هتجوزهالى
شرين : طب وانا مالى بالحوار ده
كريم : بصراحه كده انتى اكتر بنت محترامه اعرفها البنات اللى اعرفهم معتمدشى عليهم فى حاجه زى دى ………بصى انا عاوز بينت تكون محترمه ومن عيله كويسه عشان ماما تقتنع وكمان تكون جميله
شرين : طيب ما بنت خالك مالها مش هى كويسه ومحترامه
كريم : اه بس انا مش بحبها وتفكرها بعيد تماما عن تفكيرى ………انا عاوزه حد زيك كده لو فى حد من صحباتك مش مرتبط
شرين : انا معنديش غير صاحبتى ليلى …….بس مش عارفه هتوافق ولا لاء
كريم : طيب بصى خلينا نشوف بعض الاول قبل ما تكلميها وانا لو عجبتنى تقولياها وربنا يسهل
شرين : بس هى مسافره دلوقتى ………..بس انت اكيد شوفتها فالفرح
كريم : فالفرح ايه هو انا شوفت حاجه ………..كنت ملبوخ مع هشام ليعمل مصيبه مخدتش بالى والله
شرين : طب انا هكلمها انهارده وهرد عليك بكره
كريم : طب تمام وربنا يسهل ………..ياله بقى نشوف شغلنا
وكملو اليوم عادى وخلصو الشغل وهشام وشرين روحو وكان هيموت ويعرف بس اتكسف يسال شرين وسكت

……………………………………………………………………………

شرين وهى قاعده فى اوضاتها بليل كلمت ليلى
ليلى : السلام عليكم ……..ازيك ياشرى
شرين : والله انتى ندله ………….كل ده
ليلى : معلشى يا شرى والله الجو هنا حلو اوى وبابا وماما مش عاوزين يرجعو
شرين : ياسلام …………..يعنى مش هشوفك قريب
ليلى : لا هنرجع قبل رمضان ان شاء الله ………..ممكن الاسبوع اللى جاى
شرين : بس كده مش هيبقى على رمضان كتير
ليلى : مهى ماما بقى اللى عاوزه كده وبتقول هتلحق تجهز هى حره بقى
شرين : طيب تمام اول لما ترجعى بالسلامه كلمينى عشان انتى وحشانى اوى وعاوزه اقعد معاكى كتير ونتكلم زى زمان
ليلى : ربنا يسهل ………..وانتى عامله ايه مع هشام
شرين : الحمد لله ……….بقى بيصعب عليه اوى …. هو طيب اوى
ليلى : ايه يا شرى  انتى هتحنى ولا ايه
شرين : مش موضوع احن بس لما قربت منه حسيت كده ……..المهم مش موضوعنا ياله بقى تعالى وبلاش تتاخرى عليه
ليلى : ماشى يا حبيبتى ان شاء الله
شرين : ياله سلام بقى عشان هدخل انام
ليلى : اوكى تصبحى ع خير
شرين : وانتى من اهل الخير

……………………………………………………………………………..

تانى يوم الصبح شرين وهشام دخلين الشركه لقو برده كريم فى وشهم
كريم بلهفه : ايه ياشرين اتاخرتى ليه
شرين : انا جيه فى ميعادى
كريم : طب تعالى عاوزك
مشو هم الاتنين وهشام واقف هيتجنن
كريم : ها عملتى ايه
شرين : لسه هتيجى الاسبوع اللى جايه
كريم : لسه ……..ماما مصدعانى
شرين : بص هى لما هتيجى هتجيلى البيت يوميها انا هقولك قبلها وانت تيجى لهشام باى حجه
كريم : اوكى تمام

………………………………………………………………………..

فات الاسبوع ورجعت ليلى بالسلام واتفقت مع شرين انها تروحلها بليل وشرين طبعا قالت لكريم
وكريم كلم هشام قبل الميعاد بساعه وقاله انه هيجيله البيت يقعد معاه شويه

شرين قاعده مع ليلى وبيرغو ويتكلمو ويضحكو ومبسوطين
هشام خرج سلم عليها
هشام : شرين ممكن ثانيه
شرين قامت ودخلت مع هشام
شرين : خير فى ايه
هشام : اصل كريم كلمنى وقالى انه جى وانا معرفشى ان صاحبتك جايه لو هيضايقكم ممكن اخد وننزل فى اى كافيه
شرين بعفويه : لاء عادى خليه يجى ونقعد كلنا مع بعض
وسابته ورجعت تانى ليلى وهشام كان مضايق جدا
 نص ساعه وكريم جه وقاعدو كلهم يتكلمو  وشرين كانت بتحاول تفتح مواضيع لكريم وليلى يتكلمو فيها بس هشام كان مضايق ومبيتكلمشى كتير

تانى يوم فالشركه
كريم وشرين كانو وقفين مع بعض وقت المرواح
شرين : يعنى عجبتك ….اكلمها
كريم : اه جدا انا مرتحلها اوى ودماغها عجبانى اوى بجد
شرين : خلاص هكلمها وشوف رائيها ايه
كريم :وهتردى عليه امتى
شرين وهى بتضحك : ايه يابنى اهدى كده هو سلق بيض
هشام كان نازل عشان ياخد شرين ويروحو شاف شرين وقفه مع كريم وعمالين يضحكو
هشام راح نحياتهم وهو متنرفز جدا

 

الحلقة العشرون

هشام كان نازل عشان ياخد شرين ويروحو شاف شرين وقفه مع كريم وعمالين يضحكو
هشام راح نحياتهم وهو متنرفز جدا: مش هنبطل دلع وهزار ونروح بقى
شرين باستغراب : نعم
هشام : انا مروح ياتحصلينى يا تخلى الاستاذ كريم يوصلك
ومشى هشام وسابهم وهم مش مصدقين هو بيقول ايه
كريم : ياله ياشرين عشان معملكيش مشكله
شرين : لاء مش هروح خليه يروح وهبقى اخد تاكسى
كريم : عشان خاطرى يا شرين ……….بلاش مشاكل
شرين : ماشى يا كريم لما اشوف اخرتها
مشت شرين وهشام كان مستينها فالعربيه ركبت جانبه من غير ماتتكلم وفضلو طول الطريق محدش بيتكلم لحد لما وصلو البيت
شرين دخلت ولسه دخله اوضتها لقت هشام بيشدها من ايدها بعصبيه
شرين وهى بتزوق ايده : انت اتجننت
هشام : ممكن افهم ايه اللى بينك وبين كريم ……..مش قدره تصبرى لحد ما السنه تعدى وتعملى اللى انتى عاوزاه
شرين : احترم نفسك …….. انا مبعملشى حاجه غلط …….. وبعدين وانت مالك اصلا
هشام بنرفزه : مالى انى جوزك يا هانم وكل اللى فالشركه عارفين انك مراتى عاوزاهم يقولو عليه ايه وشايفين مراتى عماله تتدلع وتهزر مع الرجاله
شرين : قولتلك احترم نفسك ………انا مبدلعشى مع حد ومش هسمحلك تتكلم عنى كده تانى
وسابته ودخلت اوضاتها وقاعدت تعيط وهشام كان متنرفز جدا
طول اليوم كان كل واحد فى حاله وبليل وشرين قاعده فى اوضتها
كلمت ليلى
شرين : لولو حبيبتى وحشتنيى
ليلى : وانتى كمان ……..اخبارك ايه
شرين : الحمد لله تمام ……………………بقولك ايه ………ايه رايك فى كريم
ليلى ياستغراب : كريم مين ؟
شرين : كريم صاحب هشام اللى شوفتيه امبارح
ليلى : اه كويس …………….بس ليه
شرين : عاوز يخطبك
ليلى بخضه : لاء طبعا
شرين باستغراب : ليه يا ليلى ………..كريم شاب كويس ومحترم
ليلى : كفايه انه صاحب هشام
شرين : بس بجد كريم غيرهشام خالص انا اتعاملت معاه وشايفه انه محترم وقد المسؤليه
ليلى : بلاش يا شرين ………..انا مش موافقه وبعدين انا لسه مش بفكر فموضوع الارتباط ده دلوقتى
شرين : اوكى يا ليلى انتى حره انا مش هضغط عليكى
وقاعدو بعد كده يتكلمو فى حاجات كتير وبعد كده شرين نامت

………………………………………………………………………………

تانى يوم الصبح

شرين وهشام كانو تقريبا مش بيتكلمو وفالشغل شرين راحت على مكتبها
كريم قرب عليها : ها عملتى ايه
شرين بزعل : مش موافقه
كريم بان عليه الضيق : والسبب
شرين : انك صاحب هشام
كريم حس بامل : عشان كده بس
شرين باستغراب : انت فرحان
كريم : لاء بس فى امل بدام الرفض مش لشخصى
شرين : يعنى هتعمل ايه ….كريم مش عاوزه تهور انا ساعدتك عشان عارفه انك محترم
كريم : متقلقيش ………. عملتى ايه مع هشام
شرين بزعل : متخانقين
وحكتله كلام هشام
كريم : معلشى يا شرين …………. هو برده عنده حق
شرينن : حـــــــــق
كريم : هو كلامه صح واحنا برده المفروض نخاف من كلام الناس الناس لما بتصدق انا هقوم بقى اشوف شغلى وانتى متزعليش
قام كريم وشرين انشغلت فالشغل

وفات كام يوم وشرين وهشام مش بيتكلمو غير فالضرورى او قدم الناس وبس
لحد ما جه يوم اول قبض لشرين
شرين كانت فرحانه اوى  وهى فالعربيه مع هشام
شرين : انا عاوزه اروح لبابا وماما انهارده
هشام : انهارده مش الجمعه
شرين : عارفه بس انا قابضة اول قبض عاوزه اشتريلهم هدايا واروحلهم انهارده عشان خاطرى
هشام : طيب
وفعلا بليل نزلت شرين مع هشام وجابت لشهد ومامتها وباباها هدايا بسيطه ورحولهم بليل وكانو فرحانين اوى
شرين : ماما تعالى انا عاوزاكى
شريفه قامت مع شرين ودخلو الاوضه
شريفه : خير يا حبيبتى
شرين وفى اديها فلوس: اتفضلى ياماما
شريفه : ايه دول
شرين : بصى ياماما ومن غير كلام كتير انا كل شهر هديكى نص مرتبى عشان مصريف البيت انا عارفه ان معاش بابا بقى قليل اوى وانا مش محتجاهم ……..بس متقوليش لبابا حاجه
شريفه : بس
شرين : علشان خاطرى
شريفه خضنت شرين وقاعدت تدعيلها

………………………………………………………………………………

شرين وهشام بليل دخليت البيت
هشام داخل على اوضته من غير كلام
شرين : استنى ياهشام انا عاوزاك
هشام  وقف ومستنيها تتكلم
شرين : انا اسفه انا مفكرتش فى شكلك قدام الناس بس بجد انا مكتش بدلع ولا بهزر مع كريم ……….. كريم كان عاوز يخطب ليلى وانا اللى كنت عامله موضوع المقابله من غير محد ما يعرف …….بجد بعد كده هبقى اخلى باللى من تصرفاتى
هشام وهو حاسس براحه لما عرف ايه الموضوع اللى بين شرين وكريم : خلاص يا شرين حصل خير
شرين قربت عليه وهى ماسكه هديه طب اتفضل
هشام بفرحه : دى عشانى
شرين بابتسامه : اه…………افتحها

———–———-———————-————

ونكمل في الحلقات القادمة ماتنسوش تعلقوا علي الحلقة في صفحة مدام طاسة والست حلة

 الى اللقاء في الحلقات القادمة

بقلم الكاتبة :ريم أحمد

 

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى