ترفيهمسلسل أم فتحي

مسلسل أم فتحي الحلقة السابعة والعشرون والأخيرة

 الحلقة السابعة والعشرون والأخيرة

 

تررررررررررررررررررن ترررررررررررررررررررررررررررررررن

مين مين مين

انا ضياء

عايز مين يا ولد انت

عايز عمو فرج

وايه الهدوم القذرة اللي انت لابسها دي . ايه المنظر المؤرف ده . ابقى روحلو المحل امشي امشي ماتجيش هنا تاني

يا طنط هو قالي تعالى اتغدا معايا يا ضياء

بقولك امشي من هنا واياك اشوفك هنا تاني بلاش قذارة دبببببببببببببببببببببببب

مين يا نوسمة

ايه الولد القذر اللي انت جايبهولي البيت ده

ضياء! يا حبيبي يا ضياء . هو جه ؟

جه وطردته برا . ازاي هدخل الاشكال دي الشقة

طردتيه يا شيخة الله ينتقم منك دا عيل يتيم غلبان .كسرتي بخاطره الله يكسر بخاطرك . اما الحقه ع السلم

ضيييييييييييييييييييييييييييياء يا ضيااااااااااااااااااااااااااااااااااااااااااااااااااااااااااااء

استنى يا حبيبي ماتعيطش معلش تعالى في حضني حقك عليا حقك عليا يابني تعالى اطلع معايا

لا مش عايز . انا عايز اروح عند ماما

لا يا حبيبي تعالى عشان خاطري انا مستنيك من بدري ومش هتغدا من غيرك

طنط هتزعقلي وتطردني

لا ماتخافش يا حبيبي ماحدش يقدر يمسك وانت معايا

ادخل يا حبيبي اقعد هنا ع السفرا هجيب الغدا واجيلك

شكرا يا عمو

فرج انا اسفة

والله اسفة . انا ماعرفش انه يتيم . بجد والله زعلانة من نفسي اوي

فرج

يا فرج رد عليا

كُل يا ضياء كُل يا حبيبي ما تتكسفش

طيب ممكن أأكلك انا يا ضياء

شكرا

انت لسة زعلان مني يا ضياء . حقك عليا يا حبيبي انا اسفة . خليني أأكلك بقى عشان خاطري .

تعالى هنا جنبي متزعلش وادي بوسة صلح اهيه من طنط نسمة وايدك هبوسها

كمان حقك عليا يا حبيبي . ها لسة زعلان

 

الله . ابتسامتك جميلة اوي . انا فرحانة انك بتتغدا معانا . ممكن تيجي كل يوم تتغدا معانا

انا بتغدا مع ماما واخواتي الصغيرين تعالي انتي يا طنط اتغدي معانا

كُل يا ضياء يا حبيبي .هنا بيت عمك فرج ماتتكسفش . اخواتك اتغدوا ولا لسة يا حبيبي

ماما عملتلهم الفراخ اللي بعتهالنا وبتقولك ربنا يجعله في ميزان حسناتك يا عمو

لو عوزت اي حاجة يا حبيبي انت واخواتك تيجي تطلبها مني على طول

فرج

رايح فين يا فرج

مخنوق عايز انزل من البيت

مخنوق مني انا عارفة . انا اسفة والله . ضياء غير فيا حاجات كتير صدقني انا حاسة اني اتهزيت من جوايا

يافرج يافرج

بقولك ايه انا مش راجع البيت انا رايح عند امي والبيت بيتك مش هاطلعك منه

ولحد كدة وكفاية انا استحملت كبرك وعنادك وبصتك على الناس من فوق كتير اوي

 

وكنت بقول لنفسي معلش يا واد شابة وبتتدلع عليك بكرة لما تبقى ام تتغير وتعقل

بس اللي شوفته منك النهاردة حسسني اني غلطت يوم ما اختارتك واننا ماننفعش

لبعض انتي انسانة قاسية ومافيش في قلبك رحمة

 

حقوقك كلها هتوصلك ومش هعمل زي ابوكي ماعمل وارميلك ابني لا .

ابني هاخده وهيتربى في حضني ومش هطلقك الا بعد ماتولدي

فرج ارجوك طيب نتكلم نتفاهم ارجوك

شوفتي يا ماما .شوفتي فرج . فرج عايز يطلقني يا ماما . انا حاسة اني في كابوس اهئ اهئ اهئ مش قادرة يا ماما

يطلقك ! يا مصيبتي . دا روحه فيكي . ازاي . انتي عملتي ايه يا شيخة خليتي الراجل يكرهك حرام عليكي
.
.


صباح الفل يا معلم فرج

صباح الورد يا مرزوق نهارك ابيض ان شاء الله

اجيببك الشيشة يا معلم

لا ماليش مزاج والله

ايه اللي مكدرك كدة يا معلمي

هموم الدنيا . الدنيا مابتخلاش يا مرزوق

ربنا يعدلك المايل يا معلم

ترررررررررررررررن تررررررررررررررررررررن

الو ايوة يا حوماتي

كدة برضو يا فرج يابني اهئ اهئ اخص عليك يا فرج كدة برضو عايز تطلق نسمة

وانا اللي قولت قلبي ارتاح وهسيب بنتي مع راجل بيحبها وشايلها في عنيه

تقوم تطلقها برضو اهئ اهئ اهئ

اطلقها ! ههههههههههه اطلق نوسمة . انتي بتحلمي ولا ايه يا حوماتي . حد يطلق روحه برضوا

صحيح يا فرج يابني ! اومال ايه الكلام اللي نسمة قالته ده

 


نوسمة عدم الامؤاخذة عايزة شدة ودن عشان تعرف قيمة الراجل اللي معاها وعشان تبطل

نعرة كدابة وتحس بالناس شوية وجه الوقت المناسب عشان تفوق بقى . يعني دي قرصة ودن صغيرة

 

ياخويا اقرصها من ودنها ولا اكسر رقبتها حتى .بس طلاق لا يابني الله يخليك ويصلح حالك

ماتخافيش يا حوماتي . انا اخاف على نسمة اكتر مانتي تخافي عليها عدم الامؤاخذة

انت يللي اسمك فرج

يا فتاح يا عليم يا رزاق يا كريم افندم يا ست نوسمة جاية ليه المحل المؤرف

جاية عشان . جاية عشان . اهو جاية وخلاص انا حرة انت شريكي ؟

الشيشة يا واد يا مرزوق

مش هتشرب شيشة

يا سلام وانت مالك انت

انا حرة

عايزة ايه يا ست انتي انا مش فاضيلك قولي وخلصيني

عايزة مصاريف الولادة

جاية تاخدي مصاريف الولادة وانتي في الشهر التالت

مالكش دعوة

مافيش . ابقي عدي عليا في الشهر التامن

كدة !

يلا يا حلوة عشان هنرش مية

طب مش ماشية ايه رأيك وأدي قاعدة

ياربي ع الرزالة بتاعة خلق الله

عايزة اشرب شاي

الله . مش بتأرفي تشربي حاجة هنا

لا هشرب انا حرة

هاتلها يابني واحد شاي من القهوة

انتي يا ست اشربي الشاي من غير صوت صدعتيني

لأ بقى هشربه بصوت . مش بستمخ منه غير كدة اهئ اهئ

شربتي الشاي

ايوة

اتفضلي بقى روحي شوفي وراكي ايه خليني اشوف ورايا ايه

 

يا سلام . ومالك بتتكلم معايا كدة . اوعى تكون متخيل ان انا جايلاك هنا عشان انت

وحشتني وهتجنن عليك . لا . مش انا . تبقى بتحلم يا استاذ اهئ اهئ


خلاص يا ستي مش هحلم تاني

فرج

نعم

وحشتني اهئ اهئ اهئ وحشتني اوي يا فرج اهئ اهئ اهئ

وانت كمان يا نوسمة وحشتيني وحشتيني اوي وربنا يعلم الاسبوع ده عدا عليا ازاي بعيد عنك

بجد يا فرج بجد يا حبيبي ؟

بجد يا روح وعقل فرج يا مراتي يا حبيبتي يا اغلى من عنيا

ياحبيبي يا حبيبي يا فرج . ما عرفتش انام طول الاسبوع ده

ليه بس كدة يا حبيبتي

انام ازاي يا حبيبي من غير البوسة اللي بتوبسهالي في جبيني وابتسامتك وانت بتقولي تصبحي على خير يا حبيبتي

يااااااااااه ماكنتش عارف انها بتأثر فيكي كدة

 

ازاي يا فرج .كنت بحس بحنان الدنيا كله لما بتضمني لصدرك .

بحس اني طفلة في حضن ابوها . بحس بكل الامان وانت معايا يا حبيبي

 

اسفة اني جرجت مشاعرك ولو للحظة اسفة يا ارقى انسان شوفته في حياتي يا جوزي يا حبيبي

روحي البسي عشان تشوفي الفيلا اللي اشتريتهالك والعمارة في ناس هتيجي تشوفها النهاردة عشان هبيعها خلاص

انا ولا عايزة فيلا ولاعايزة حاجة

اومال عايزة ايه

عايزة اكون جنبك وبس ان شاالله نعيش في عشا حتى

عارف يا نسوم والله روحي بقى عشان اجهزي عشان نشوف الفيلا

.
.
الله يا فرج يا حبيبي شوفت المطعم بقى اد ايه شيك بعد ماخلصت الديكورات

ماهو مهندس الديكور خد كتير اوي يا نوسمة . مش خسارة فيكي

الحمدلله يا حبيبي ربنا يجعله فتحة خير علينا يارب ان شاء الله

انا مبسوطة ان الزباين ابتدوا يعرفوا المطعم ويجوا مخصوص

الحمدلله يا حبيبتي اصل انتي وشك حلو يا نسوم يا قمر انتي

ايه ده ايه ده مين اللي داخلة دي . دي هياااااااااااااااااااام

ازيك يا هيام

ايه ده . ازيك يا نسمة .انتي زبونة في الريستورانت

لا يا روحي انا صاحبة الريستورانت

 

بجد ! ايه المفاجأة الجامدة دي . شيك اوي اوي الريستورانت .

كل صحباتي بيجوا هنا واجوازهم . ازيك يا استاذ فرج


اهلا يا مودام شرفتي المسمط

اومال فين الدكتور شريف جوزك يا هيام

 


الخاين اهئ اهئ اهئ الغشاش . طلقني وراح اتجوز واحدة دكتورة زميلته .

كانت لسة مطلقة ومعرفش رمت شباكها على جوزي ازاي وخطفته مني

اهئ اهئ يرضيك كدة يا استاذ فرج

 

ايوة يرضيه يرضيه اوي . فرج . روح يا حبيبي مكتبك لحسن تتخطف مني

اتخطف منك ! هو انا باكو لبان

منورة يا هيام

جوزك باين عليه بيحبك اوي انا شايفاه وانا داخلة مسندك بحنية كدة وبيقولك حاسبي يا حبيبتي . يا بختك بيه . كان نفسي الاقي حد يحبني كدة

ربنا يرزقك يا حبيبتي ان شاء الله

ترررررررررررررررن ترررررررررررررررررررررررن

الو

ازيك يا استاذ فرج

مين معايا عدم الامؤاخذة

انت مش عارف صوتي

لا والله مابفهمش في اصوات السحالي

انا هيام

هويام مين

هيام صاحبة نسمة

عدم الامؤاخذة لما انتي صاحبة نوسمة حرمنا المصون متصلي برقمي انا ليه . يخرب بيت الحول

لالالا انا متصلة بيك مخصوص عشان اخد رأيك في موضوع بس اوعى تجيب سيرة لنسمة

موضوع ايه يا حاجة هويام

ماينفعش في التليفون

اومال ينفع فين عدم الامؤاخذة

بص انا هقولك على عنوان كازينو تحفة نتقابل هناك

وماله . الناس لبعضيها . اجي الساعة كام

يا نوسمة

ايوة يا حبيبي

صاحبتك اللي اسمها هويام اتصلت بيا وعزمتني ع الكازينو . اروح ولا انفض

 

يا نهارها مش معدي . اه يا هيام يا ندلة . طب والله لوريها .

احنا الاتنين هنروح . ادخل انت الاول وانا هدخل بعديك وافرج عليها الدنيا

 

ربنا ينصرك على من يعاديكي يا حرمنا المصون

استاذ فرج انا اهو يا استاذ فرج

اهلا يا ست هويام منورة الكازينو بحاله

اقعد

اقعد ليه

اقعد عشان نتكلم

طب استني

انت بتشاور بالمنديل لمين ؟

للبوليس النسائي عشان يجي يقبض عليكي وتكوني عبرة لامثالك

يا خبر ابيض . دي نسمة . يا مامي . استخبى فين

هي راحت فين خطافة الرجالة

استخبت تحت الطرابيزة

اطلعي وخليكي راجلة ووريني وشك يا ست هيام .

خلاص بقى يا نسمة سوري ماكانش قصدي

يلا يا فرج قدامي . كنت هتتخطف مني يا حبيبي

يا حبيبتي مافيش راجل بيتخطف الابمزاجه .

وبعدين ولا هيام ولا عشرين الف هيام يخطفوني منك يا نسوم يا حب عمري كله

حب عمرك كله !

تعرفي يا نوسمة انا بحبك من امتى

من امتى

من وانتي في الاعدادية

معقووووووول . بس انا مااخدتش بالي ولا شوفتك قبل كدة


عشان كانت مناخيرك في السما يا نسوم . كنتي زي القمر بلبس المدرسة .

كل يوم كنت ابص عليكي وانت راجعة من المدرسة واحلم واقول هو ممكن

يجي اليوم اللي تكون البت اللي زي القمر دي من نصيبك . واهي السنين

عدت يا نسوم وبقينا لبعض

 

الحمدلله يا حبيبي كله بأوانه

نسوم

نعم

في سر عايز اقولهولك بس اوعديني تسامحيني من قلبك

سر ! سر ايه

بصراحة يا نسوم انا السبب في وقف حالك وعدم جوازك طول السنين دي

ازااااااااااااااااااااي

كان كل ماعريس يجي يسأل عليكي في المنطقة اقوله انك مخطوبة

ياخبرك ابيض . عرسان كتير ؟ وبيشتغلوا ايه ؟

 

لالالا ما تفرحيش اوي دول خمس ست عرسان لا طلعوا ولا نزلوا .

كان كل كام شهر لما حد يجي بعبرك ويسأل عليكي

 

بيشتغلوا ايه دول انطق


يعني حتة واد داكتور كدة مالوش لزمة وحتة واد مدرس انجليزي نايتي

كدة ومهندس كامبيوتر زي قلته ومش فاكر الباقي بقى


تعرف يا فرج هعمل فيك ايه دلوقتي

هتعملي ايه يا نسوم

 

هبوس ايدك الحنينة دي واقولك دي احسن حاجة عملتها عشان مش ممكن كنت

هلاقي واحد فيهم يحبني الحب اللي حبيتهولي ربنا يخليك ليا يا حبيبي

ربنا يخليكي ليا يا اجمل وارق نسمة في حياتي

ايه ده . ايه اللي سمعته ده

ايه يا حبيبتي

بتقولي يا نسمة مش نوسمة ههههههههههه


ههههههههههههه لالالا دي اصلها ليها حكاية يا نسمة . لما جيت اخطبك لقيتك بتبصيلي

باحتقار اوي فحبيت اغيظك اكتر واكلم بطريقة تنرفذك

 

يعني دي مش طريقتك في الكلام اصلا


يا حبيبتي انا راجل ماتعلمتش صحيح لكن ابن سوق وبتعامل مع مستويات

كتير واللي بيتعامل مع الناس بيتكلم احسن منهم

 

بس انا بقى عايزاك تقولي يا نوسمة هههههههههههههههههه

هههههههههههه من عونيا يا نوسمة

.
.
سااااااااااااااااااااااااااااااااااااااااااااااااااااااااااااااااااااارة

انتي يا ست

يا خبر . جوزي جه . الاكل لسة ماخلص . هيطين عيشتي . استر يارب

يا ساااااااااااااااااااااااااااااااااااااااااااااااااااااااااااااارة اطرشتي ولا ايه

انت جيت يا عبد المنتقم يا حبيبي

اومال عفريتي . الغدا فيييييييييييييييييييييييييييييييييييييييييييين

حالا حالا والله الاكل يكون ع السفرا بس ما تعصبش نفسك

هو انا يا ست انتي مش من يوم ما اتجوزت جنابك مفهمك اني ارجع الاقي الاكل ع السفرا

والله يا حبيبي الولد كل شوية يعيط واروح اشيله واسكته وارجع المطبخ عشان كدة اتعطلت

ايوة اعملي الواد حجتك . فين البيجاما .

ماهي يا حبيبي متعلقة ورا الباب

البيجاما دي مش نضيفة . ايه مابتشوفيش

حاضر يا حبيبي حاضر هطلعلك واحد من الدولاب بس انت هدي نفسك

هو انتي اللي يصطبح ويتمسى بخلقتك يشوف هدوء ولا يعرف راحة

ربنا يخليك يا حبيبي تسلملي

اوعي من وشي لديكي بوكس انزل صف سنانك . اخرج من الحمام الاقي الغدا ع السفرا بلا دلع حريم

حاضر حاضر يا حبيبي حاضر . الواحد هيلاقيها منك ولا من ابنك ولا من الاطباق والطبيخ وتنضيف البيت الرحمة يااخي الرحمة

بتبرطمي تقولي اييييييييييييييييييييييييييييييييييه

بقول بقول رينا يخليك ليا يا جوزي يا حبيبي يا مهنيني ومستتني اهئ اهئ اهئ

.
.
واد يا صهيب

نعم يا تيتة

امك فين اللي مجوعاني وسيباني من غير اكل لحد دلوقتي . اللي عايزة تخلص مني وتموتني من الجوع

ماما في المطبخ يا تيتة

اديني العكاز بتاعي خليني اروح اديها كلمتين في جنابها الست دي

فين العكاز . العكاز بتاعي فين خليني اروح المطبخ لامك

مش لاقيه يا تيتة . روحليها بالاسكوتر بتاعي

اسكوتر في عينك . في نضارتي

عائشة كانت بتلعب بيها

يا عائشة انتي يابنت

نعم يا تيتة

فين النضارة .خدتيها من جنبي ليه يا عقربة

كنت بلعب بيها ومش فاكرة حطيتها فين يا تيتة

وبعدين فيكو يا خلف القرود انتو

فين فردة الشبشب التانية يا واد

مريم كانت بتجري بيها ورا القطط ع السلم

يا بنت يا مريم

نعم يا تيتة

فين فردة الشبشب

ضاعت ابقي هاتي شبشب جديد يا تيتة

انتي يا مرووووووووووووووووووووووووووووة حوشي عني عيالك يا مروة . الله يسامحك انت وولادك

ايه يا ولاد مضايقين تيتة ليه حرام عليكو تيتة تعبانة

ولما انتي عارفة اني تعبانة مجوعاني ليه يا مرات فتحي .

حرام عليكي اهئ اهئ سيباني بقالي اسبوعين من غير اكل اهئ اهئ والله لما يجي فتحي لقوله

 

طب بس بس يا حبيبتي اقعدي في سريرك زي الملكة كدة الا كل هيكون عندك حااااالا يا ست الكل

ماما . لو سمحتي قومي عائشة من ع الكمبيوتر عايز اقعد

ولا انت ولا هي اتفضلوا خلصوا الواجب وذاكروا والا والله لما يجي بابا لقوله على عمايلكو السودة دي . زهقتوني

تررررررررررررررررررن تررررررررررررررررررررررررررن

عائشة. مريم

نعم يا صهيب

بابا جه بابا جه تعالوا نعمل نفسنا بنذاكر بسرعة

يلا يلا يلا

السلام عليكم يا ام صهيب

اهلا يا حبيبي حمدالله على سلامتك

امي فين

بتتغدا

والولاد فين

اول ماسمعوا الجرس جريوا على اوضتهم

ههههههههههههه عفاريت ولادك يا مروة

ازيك يا امي ايدك ابوسها يا حبيبتي

ازيك يا فتحي .جايب ايه معاك

جايب شيكولاتة وبسكوت للولاد

اخص عليك يا فتحي اهئ اهئ وانا ماجبتليش شيكولاتة

انا اقدر انساكي يا امي . انتي قبل الكل يا اغلى من الكل . اتفضلي يا حبيبتي

نسمة

ايوة يا حبيبي

ازيك يا حبيبتي وحشتيني من الصبح

وانت اكتر والله يا ابو خالد

فين العيال
خالد خلص مذاكرته ونام من بدري

الواد بيذاكر يعني وشايف دروسه ومصلحته

اه والله يا حبيبي الحمدلله . خالد متفوق جدا بفضل الله ربنا يخليهولنا هي بس نائلة اللي مطلعة عنيا في المذاكرة

شدي عليها شدي عليها البنت دي يا نسمة . انا عايز عيالي الاتنين متعلمين ومثقفين

ان شاء الله يا حبيبي . انا عندي طلب يا ابو خالد

خير يا ام خالد عايزة كام

لا انا مش عايزة فلوس . انا نفس اطلع الحج السنة دي

ياسلام . ونعم الكلام يا ام خالد .من عنيا .ربنا يكتبهالنا السنة دي اللهم آمين

آمين يا ابو خالد آمين . هحضرلك العشا يا حبيبي

صليتي العشا يا ام خالد

الحمدلله يا ابو خالد اول مااسمع الآذان بصلي على طول انا ونائلة

وخالد ؟؟؟؟؟؟؟؟؟؟؟

حالد بيصلي في المسجد اللي جنبينا جماعة

ربنا يباركلي فيكو اللهم آمين والله انتي نعم الزوجة يا نسمة يا حبيبتي

وانت نعم الزوج يا فرج يا حبيب عمري كله

.
.

_________________________________

ايه رأيكم في المسلسل؟

وايه أكثر شخصية في المسلسل عجبتكم ؟

ومنتظرين اسألتكم اللي تحبوا تسألوها للكاتبة المبدعة هبة نور ابعتولنا

اسألتكم على صفحتنا على الفيس بوك قي الرسائل وهانرد عليكم

 

تابعوا الحلقة الأولى من مسلسل خلف هذة الجدران

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى