مسلسل “يوميات بنت عنيدة” الحلقة الرابعة

الحلقة الرابعة

وقعد احمد مع ملك يتكلمو ويحاول يهديها بعد ماكانت متضايقه اوووووووى

احمد: طيب ممكن اسالك سؤال؟

ملك : اتفضل

احمد: انتى ليه رفضانى كده ؟

ملك : انا مش رفضاك لشخصك بس انا اصلا مش عرفاك عشان ارفضك او اقبلك

احمد: مش فاهم

ملك : يعنى انا مش عارفه ارفضك ليه او اقبلك ليه يعنى مش هوافق عشان انت اسمك احمد ولا عشان مهندس ولا عشان شكلك ولا عشان انت

غنى او فقير…..كل ده مش فارق معايه وكمان مش عاوزه حد يوافق عليه عشان انا بلبس كذا او شكلى كذا انا عاوزه حد يقول انا عاوز ملك

شخص ملك بعيد عن كل المظاهر والكلام ده

احمد بسخريه :يعنى عاوزه تحبى حد الاول وبعدين تتجوزو

ملك: برده لا انا مش بحب جو الصحبيه ده وعارفه انه غلط وحرام وبيضيع كل حاجه حلوه ممكن اعاشها مع جوزى بعد كده

بصلها احمدبا ستغراب وهو مش عارف يقولها ايه

ملك بابتسامه ساخره: انا عارفه انك مش هتفهمنى انا اصلا مش فاهمه نفسى ومش عارفه انا عاوزه ايه وبقيت تايه بس اللى مطمنى انى حسه انى

صح وبتصرف صح………و

ممكن اكون مجنونه ههههههههه

احمد : مانتى بتضحكى اهوه؟

ملك : ااااااااااه ساعات………. انا عارفه انك عريس كويس ومحترم وبنات كتير تتمناك وصدقنى موقفى ده مش عشان عيب فيك العيب فيه انا

وانا بتمنالك السعاده فى حياتك وانا بجد اسفه على اللى حصل استاذنك بقى عشان اتاخرت

وقامت من على التربيزه وراحت عند مامتها

ملك : انا اسفه اوووى يا طنط وكان نفسى اقابل حضرتك فى ظروف تانيه احنا هنستاذن بقى عشان عندى مذكره

ناديه : ولا يهمك يا حبيبى انتى زى ريهام بنتى ومامتك اعز اصحابى

منال : ماشى يا ناديه سلام بقى

ناديه : سلام

ومشت ملك ومامتها من غير ميتكلمو ولا كلمه مع بعض طول الطريق

واحمد فضل قاعد شويه قدام النيل وهو سرحان وبيفكر فى كلام ملك وحس ان البنت دى فعلا غريبه وغير اى بنت عرفها او قابلها واستغرب

طريقة تفكيره بس اللى استغرب منه اكتر انه معجب بتفكرها ده وحاسس ان فى حاجه غريبه بتشده ليها

وعدى حوالى شهر وملك مشغوله فى التمهيدى ورجعت تكلم مامتها تانى عادى مهى برضه ملهاش غيرها ومتقدرشى تزعل منها

وفى يوم من الايام كانت ملك بتشتغل على اللاب رن موبيلها

ملك: ايمووووو حبيبى…. ازيك وحشانى

ايمان: وانتى كمان يا لوكه وحشانى جااامد

ملك : ماهو باين اهو بقالك يومين فين يا صايعه

ايمان: كنت مع بنت خالى عند الدكتور اصل هى حامل عقبالك……….وامبارح كنت مع عمتى بتشترى حاجات

ملك: يا بنتى انتى مش هتتهدى بقى انتى اى حد يعوز حاجه تنزلى معاه كده هو مفيش غيرك فى العيله دى

ايمان بسخريه: مانتى بقى عارفه قلبى الكبيرهههههههههههههه

 

ملك:ههههههههههههه

ايمان: نستينى كنت بتصل بيكى ليه……….عندى ليكى خبر بمليون جنيه وعزومه

ملك : خير………..العزومه ماشى بس المليون جنيه موعدكيش

ايمان: بابا جبلك شغل فى الشركه بتاعه

ملك بفرح: بجد ……احلفى

ايمان: عيب عليكى انا هكدب برده…………بجد هو كان جيبه ليه بس انا مش عاوزه

ملك: طيب ليه يا بنتى كده امال هو دخلك فنون جميله ليه مش عشان تشتغلى معاه

ايمان: لا مش عاوزه اشتغل انا مرتاحه كده وبعدين ايه انتى مش عاوزه الشغل اشوف حد تانى هههههههههههه

ملك : حد تانى مين لا طبعا……….بجد شكراا اوى يا ايمان انا مش عارفه اعملك ايه

ايمان: عيب يا بنتى انتى اختى وبعدين متنسيش العزومه من اول مرتب تخديه

ملك: بس كده ماشى فى احلى واكبر مطعم فى البلد كمان

ايمان: ماشى لما نشوف…..متنسيش بكره بقى تروحى تقبلى بابا الساعه10 فى الشركه ومعاكى كل ورقك وعاوزاكى تشرفينى بقى كده يا هندسه

ملك :ههههههههه ماشى ربنا يسهل ويستر

ايمان : ماشى يالوكه سلام

ملك : سلام

———–———-———————-————