مسلسل متخافيش الحلقة التاسعة والعاشرة

 

الحلقة التاسعة

فى الاسكندريه
فى فيلا شيك على البحر ست شيك اوى وباين عليها بنت ناس
ماسكه المجله وبتبص على صوره هنا باستغراب وهى بتضغط على المجله وهتقطعها وعماله تكلم نفسها
” هى ………..انا متاكده انها هى ”
“يعنى كنت بتضحك عليه يا احمد ………وياترى ضحكت عليه فى ايه كمان ”
” يمكن طلعت مامتتشى بعد ما مشيت ”
” لا هو كلمنى بعدها وقالى انه اتصرف ……طيب وهو ليه غير رقمه وغير مكانه ”
” انا بقالى سنتين بدرو عليه ………..طيب هو اختفى وبعد عنى ليه ”
” انا مش هفضل اكلم نفسى كده ……….انا لازم اتاكد بنفسى ”
وشويه وقطع سرحانه الخدامه
الخدامه : الغداء جاهز يا هانم
كريمه وهى شرده : لا مش هاكل خلى السواق يجهز نفسه هننزل القاهره حالا
……………………..……………………..………….
تانى يوم
هنا قاعده فالمجله وبتكتب مقاله جديده وشويه لقت موبيلها بيرن واسم احمد عليه بداء قلبها يدق وهى بترد عليه
هنا : السلام عليكم ……..ازيك يا احمد
احمد : الحمد لله تمام ……….هو انتى هتخلصى شغلك امتى
هنا باستغراب : اشمعنا
احمد : هو يعنى ……….هو ينفع نتقابل كمان نص ساعه كده
هنا وهى بتبص فى ساعتها : نص ساعه ………….هو موضوع مهم ……..
احمد : اه وياربت مش يبقى فالبيت
هنا : ماشى يا احمد انا ممكن استاذن وجيلك خير ان شاء الله
احمد : لا خير متقلقيش ………..بصى انا بره الشركه هفوت عليكى ونمشى مع بعض
هنا : خلاص اوكى ………..لما توصل رن عليا وهنزلك
احمد : ماشى ………….ياله سلام
هنا : سلام
……………………..……………………..………….
كريمه قاعده فى عربيه مرسيدس بالسواق قدام المجله
كريمه : انت متاكد ان هى دى المجله
السواق : ايوه يا هانم
كريمه : طيب انزل اسالى على الصحفيه هنا عبد الرحمن وحاول تجبلى عنوانها باى طريقــــــ
ولسه مكملتشى كلامها شافت احمد بيقرب من باب المجله وماسك موبيله
كريمه : استنى متنزلشى
” انا مش مصدقه نفسى بجد بقى عيلين زيكو يضحكو عليا انا “
شويه ونزلت هنا وسلمت على احمد وركب عربيتها ومشت مع احمد
كريمه بعصبيه : وراء العربيه دى انت عارف لو تاهت منك هسود عشتك
وقفت هنا قدام كوفى شوب وركنت ونزلت هى واحمد
وكريمه لسه وراهم
……………………..……………………..…………….
فى الكوفى شوب
احمد قاعد مرتبك وهنا قاعده مستغربه وقلقانه
هنا : فى ايه يا احمد قلقتنى ………اتكلمــــــــ
احمد : هنا انا بحبك وعاوز اتجوزك موافقه ولا لاء
هنا بضحك :ههههههههههههههههههههههههههههههههه
احمد بعصبيه : هو انا بقول نكته ……..انا هقوم امشى
هنا : استنى بس ………والله مش قصدى ……..اصل انت قولتها بسرعه كده زى ميكون حمل وبتخرجه بسرعه عشان ترتاح ………….. حرام عليك ضيعت اللحظه الرومانسيه اللى مستنياها من زمان
احمد : يعنى ايه
هنا بابتسامه : قولها الاول براحه كده عشان احس بيها ……….ده مش واجب على فكره
احمد : هنا متلعبيش باعصابى ………..انتى عارفه انى بحبك ومن زمان كمان ………بس انا كل مكنت بقول هقولك الاقى ان شغلك اهم حاجه بالنسبالك فكونت بسكت كنت بخاف اخسرك ومعرفشى اتعامل معاكى زى الاول
هنا : هو صحيح شغلى مهم ………بس بصراحه مش اهم منك
احمد بفرحه : يعنى انتى كمان بتحبينى مش كده ………….يعنى موافقه صح
هنا : هههههههههه اه موافقه يا مجنون ……….اخيرا بقى قولتها
احمد : طب ياله قومى معايا
هنا : على فين
احمد : على البيت …………. عشان نقول لماما ونتجوز على طول
هنا : انت بتهزر صح
احمد : لا طبعا بجد…………. ياله قومى بقى
ومسكها من ايدها وخرجو وركبو العربيه تانى وع البيت وطبعا كريمه لسه وراهم
Vertical ad

الحلقة العاشرة
احمد وهنا دخلين الشقه عند هنا وهما ماسكين ايد بعض
احمد بصوت عالى : يا ماما ………..يا منى …………..ياماما انتو فين
الام وهى جيه تجرى من المطبخ ووراها منى
الام : خير يا احمد …………. بتزعق ليه ؟؟
منى شافت احمد ماسك ايد هنا فهمت وغمزت لاحمد
احمد : ماما انا بحبك هنا وعاوز اتجوزها …….موافقه ولا لاء
الام بفرحه مع استغراب مع خضه : ايــــــــــــــه ؟؟
احمد بقلق : عشان خاطرى ردى عليا دلوقتى ومهما كان رايك انتى عارفه انى بحبك زى امى بالضبط
الام بابتسامه : موافقه
احمد بفرحه : بجد ………..ربنا يخليكى لينا يارب
الام اخدت هنا واحمد فى حضنها : مبروك يا ولاد ……….ربنا يسعدكم يارب
والكل كان فرحان ومبسوط بس فى النحية التانيه كريمه فالعربيه هتتجنن من كتر التفكير لما شافت احمد وهنا دخلين نفس العماره
كريمه بغيظ وزعيق للسواق : انزل اعرفلى كل حاجه عن الاتنين اللى لسه دخلين العماره دى حالا ………كل حاجه عنهم انت فاهم
……………………..……………………..…………. تانى يوم فالشركه احمد قاعد يشتغل فى مكتبه
السكرتيره : المدير عاوزك
دخل احمد للمدير
احمد : حضرتك عاوووووووووو
احمد وقف مكانه مصدوم متجمد مش مصدق اللى شايفه بيحاول يكدب عينه ويقول ده اكيد ده حلم لا ده مش حلم ده كابوس
المدير باستغراب : احمد واقف مكانك ليه تعالى اقعد
دخل احمد ولسه اثار الصدمه عليه وقاعد وهو بيبص لكريمه وهى الضحكه الصفراء والحقد مالى عنيها
المدير : مدام كريمه …….سيدات اعمال وعايشه فالاسكندريه عندها ارض هنا فالقاهره وعاوزه تعملها فيلا ……….وعلى فكره دى طلباك بالاسم
احمد بينه وبين نفسه ” يعنى مش صدفه “
كريمه : بصراحه انا سمعت عن البشمهندس وعن شطارته وناس كتير بتشكر فيه وفى شغله
المدير : اه طبعا البشمهندس احمد من احسن المهندسين اللى فالشركه ………..ممكن ان شاء الله يومين كده والمهندس يروح يشوف الموقع
كريمه : لا مش هينفع يومين انا مستعجله وكمان مسافره كمان 4 ساعات ……….يعنى لو مش هضايق البشمهندس ينفع دلوقتى
المدير : ايه رايك يا احمد …………لو مفيش شغل مهم ممكن تروح مع المدام دلوقتى
احمد: حاضر يا فندم
كريمه وهى قايمه : انا اتشرفت بمعرفت حضرتك …..انا هستاذن انا وهستنى البشمهندس فالعربيه تحت …….مع السلامه
وبعد حوالى 10 دقايق احمد كان قدام العربيه وركب معاها من غير ولا كلمه وطول الطريق كان فى سكوت تام
احمد لول لما وصل نزل من العربيه ورزع الباب ووقف جانب العربيه وهو بيبص على الارض ونزلت كريمه ووقفت جانبه وهى ساكته
وبعد شويه كريمه كسرت السكوت ده واتكلمت
كريمه : وحشتنى
احمد بسخريه: اهلا كريمه هانم …….ما شاء الله بقيتى غنيه اوى ………منين ده كله نصبتى على مين ؟؟؟
كريمه : منصبتش على حد انا اتجوزت وجوزى مات وورثت كل حاجه
احمد : مات ولا اتقتل ؟؟؟
كريمه بارتباك: انت بتتكلم معايا كده ليه …….وانا هقتله ليه
احمد : عشان الفلوس مثلا …….. مستبعدهاش عنك ……….انتى عاوزه منى ايه يا كريمه
كريمه : عاوزه اعرف انت ضحكت عليه ليه وايه علاقة بالبنت دى
احمد : ده انتى مرقبانى بقى ……..بس انا مش مستغرب مش حاجه غريبه عليكى
كريمه بعصبيه : انت كدابت عليا عشان الزفته دى وكمان هربت منى وقطعت كل الاتصالات بينا عشانها وضحكت عليا وفهمتنى انها ماتت ……………..وكدابة عليا فى ايه كمان اتكلم
احمد : لاخر مره هقولك انتى عاوزه ايه منى سبينى انا وهنا فحالنا وانتى شوفى طريقك مع حد تانى وانسينى بقى
كريمه : لا مش هسيبك فحالك ………ممكن اسيب هنا فى حاله بشرط واحد
احمد : هو ايه
كريمه : تجيب منى من عند الزفته دى وتسافرو معايا و……….ووو وتتجوزنى

———–———-———————-————

ونكمل في الحلقات القادمة ماتنسوش تعلقوا علي الحلقة في صفحة مدام طاسة والست حلة

 الى اللقاء في الحلقات القادمة

بقلم الكاتبة :ريم أحمد

مقالات ذات صله